نوبهار عالم آرادیر - فضولی

گتیر ساقی قدح کیم نوبهار عالم آرادیر
زمین سبز و هوا جانبخش و گلشن راحت افزادیر
پریشان اولما کیم ، گلبرگ تک حالا بو گلشن ده
نشاط عیش ایچون ، اسباب جمعیت مهیادیر
آچیلدی لاله ، گولدو غنچه ، گلدی عشرت ایامی
زبان حال سبزه ، عشرت ایماسینه گویادیر
گؤر اؤز حالینی هم چکمه غم ماضی و مستقبل
کی حالا موسم گلگشت و دور جام صهبادیر
سحر گلزاره گیر بالله بو موسم لرده کیم هر دم
تماشا قیل گلون دیوانینه کیم ، خوش تماشادیر