شاعر: علی آقا کؤرچایلی
من سنین یانینا، قیشدا گلیردیم
چیچک آختاریردیم، گزدیم هریانی
هر طرف بیاض قار، گول - چیچک هانی؟
تاپیب بیر دیبچکدن، آخیر کی دردیم
*
سونرا سؤیله دیم کی، باهاردا سنه
بیر دسته باغلارام، یاز گوللریندن
بودور یولا سالیب قاری قیشی من
سنین گؤروشونه گلمیشم یئنه
گلمیشم یئنه، سنین گؤروشونه
گلمیشم یئنه
*
دسته باغلامادیم، نه یه گرک دیر
باخ اودور نرگیس له، دولودور لک لر
لاله نین عطرینی، یاییر کولک لر
یاسمن – قیزیل گول، لئچک – لئچک دیر
*
عزیزیم اونلاری، قوپارتماق اولماز
گوللره چؤلده باخ، داغ دؤشونده باخ
اونلاردان من سراغ گتیردیم آنجاق
بیر الیمده باهار، بیر الیمده یاز
بیر الیمده یاز، بیر الیمده باهار
*
گلمیشم یئنه
*
دسته باغلامادیم، نه یه گرک دیر
باخ اودور نرگیس له، دولودور لک لر
لاله نین عطرینی، یاییر کولک لر
یاسمن – قیزیل گول، لئچک – لئچک دیر
*
عزیزیم اونلاری، قوپارتماق اولماز
گوللره چؤلده باخ، داغ دؤشونده باخ
اونلاردان من سراغ گتیردیم آنجاق
بیر الیمده باهار، بیر الیمده یاز
بیر الیمده یاز، بیر الیمده باهار
*
