سینا یار

شاعر: رسول رضا
آی ایشیقلی گؤی اولدوزلو اولایدی
کؤنلوم ائوی چیراغان دیر بو گئجه
نه بیر چیچک نه بیر یارپاق سولایدی
نه اینجییب یاردان کوسن اولایدی
*
هر محنته دؤزه رم دؤزه رم
سینا منی سینا یار سینا یار
عهده چیخسام، وفاسیز، وفاسیز
اوندا منی قینا یار، قینا یار
*
یار یولوندا دومان ندیر، چن ندیر؟
اللرینین حرارتی منده دیر
دنیا – عالم بوتون گؤزه له دؤنسه
منیم کؤنلوم، منیم گؤزوم سنده دیر
*
بیزی بیر گون آیری گؤرسه یاغی لار
کؤنلوم سنین حسرتیندن داغیلار
گونده یوز یول سنه قربان اولایدیم
قورخورام کی دئیه لر چوخ آز اولار
*

من ایستیرم

من ایستیرم بولودلار آغلاسین
اوشاقلار آغلاماسین
آنالی یا آتاسیز
من ایستیرم
گوللر آچیلسین
گوله لر آچیلماسین
آمانلی یا آمانسیز
من ایستیرم قاپیلار قاپانماسین
سویوق اولاندا هاوا
گؤزلر قاپانماسین
سؤزلر قاپانماسین
من ایستیرم
یانقین لار سؤنسون
اومودلر سؤنمه سین
میوه لر دئیسین اؤز فصلینده
اوره کلره سؤز دئیمه سین
هر شئی اینسانا باخسین اینسان اله باخماسین
من ایستیره م سئوینج ، سعادت بول اولسون
اوره کده ن اوره که ، اؤلکه ده ن ، اؤلکویه
آچیق یول اولسون

یازان : رسول رضا
سایت شرقی eastern.blogspot.com
با تشکر از سما خانم گل
......
ترجمه فارسی
من می خواهم
من می خواهم ابرها گریه کنند
اما کودکان گریه نکنند
با مادر یا بی مادر
من می خواهم گلها باز شوند
اما گلوله ها نه
آرام یا پی در پی
من می خواهم درها بسته نشوند
وقتی هوا سرد است
چشمها بسته نشوند
حرفها تمام نشوند
من می خواهم
شعله های آتش خاموش شوند
اما شعله های امید نه
میوه ها در فصل خود برسند
سخنی دلها را نرنجاند
هر چیزی محتاج انسان باشد
اما انسان محتاج کسی نباشد
من می خواهم عشق و سعادت زیاد باشد
از دل به دلی ، از سرزمینی به سرزمینی دیگر راه باشد