تنها گئجه لرین قادینی یام من

شاعر: نازیله صفرلی

تنها گئجه لرین قادینی یام من

روحومو اوخشاماق آیا دوشوبدور
تانری سئودالاری پایلییان زامان
منیم سئوگی پاییم چایا دوشوبدور
سولغون یاناغیمی کولک لر اوخشار
دوداغیم اؤپوشو سولاردان آلیر
سن هاردان بیله سن سئومک نه دئمک
سئونلر صبحه جن یوخوسوز قالیر
اولدوزلار رفیقیم تورپاق سیرداشیم
ال آچیب گؤیلره ذکر ائیلییرم
ائله عاشق لری گؤرورم بعضن
تنها قالدیغیما شکر ائیلییرم
دئیین وفاسیزا نیگران اولما
یوخونو قاتماق دان کئچیب منیم کی
یئنی بیر یولدایام یئنی دونیادا
یالانلار ساتماق دان کئچیب منیم کی
سئوینج دن فرح دن سوزن اولموشام
ساچیما اینجی لر دوزن اولموشام
دریالار قوینوندا اوزن اولموشام
چایلاردا باتماق دان کئچیب منیم کی
منیم چون جانلاردان کئچیلیر آرتیق
شان شهرت اینیمه بیچیلیر آرتیق
دقیقه م صانیه م اؤلچولور آرتیق
آسوده یاتماق دان کئچیب منیم کی
باش ایر اچیلان سحر اولکه یه
داها اییلمه رم اییل مین کره
ائله قاتیلمیشام دلی دردلره
باشیمی قاتماق دان کئچیب منیم کی
فرحیم چوخالیر سئوسه لر منی
نازیله بخته ور دئسه لر منی
اویادیر هر سحر بوسه لر منی
کدر اویاتماقدان کئچیب منیم کی

*

گئجه لر - نازیله صفرلی

دولانیرام بو دولانان دونیانی    

ظولمتلر له گؤروشورم گئجه لر 

حسرت ندیر سن اونو درد ائتمیسن

حسرتیمله سئویشیرم گئجه لر

دونیا بویدا نشئه سی وار بو حسین

اوچ یوز آلتمیش گوشه سی وار بو حسن

غاورمانی وار مئشه سی وار بو حسین

آددیم - آددیم بولوشورام گئجه لر

گءی نن ال له شه نین هاواسی چاتماز

قلمی اولانین گءزلری یاتماز

آتماز سیلاحینی الیندن ، آتماز

اوتوز ایلدی ووروشورام گئجه لر

نازیله نی درد گؤرموین نه آنلار

خسرتینی بیلمز ، عشقی حراملار

من چکه نی بیلیر دردلی آداملار

قلم ایله گور ائشیرم گئجه لر

حسرتیمله سئویشیرم گئجه لر

سن سیز گئجه لر - نازیله صفرلی

اوره ییم سئوینجه نشئه یه باخمیر

یوخوم عرشه چیخیب گؤزلریم یاتمیر

فیکیرلر ، خیاللار دادیما چاتمیر  

نه دؤزولمز اولور سن سیز گئجه لر

اومیدله آچیرام هر بیر سحری

فیکریمده گزیرم ، کندی ، شهری

من سنین عشقینه دوشندن بری

نه دؤزولمز اولور سن سیز گئجه لر

نازیله یم آی نوروندا یانیرام

صبحه جن مین دفه آلوولانیرام

گئجه نین الینده اسیر اولورام

نه دؤزولمز اولور سن سیز گئجه لر   

آتا اوجاغی : خانه پدری

دئییرلر قیزلارین گؤزو آج اولار
آتا وئردیغی پای باشا تاج اولار
آتا اوجاغینا گئتدیغی زامان
..
غنیمت بیلیرم بیر ایچیم سویو
غنیمت بیلیرم بیر ایچیم پایی
قووشار کؤنلومون هارایی هایی
آتا اوجاغینا گئتدیغیم زامان
..
آنام قوجاقلییار باغی باغچانی
دولدورار خورجونو ییغار بوخچانی
سوروشماز آ بالا به سنین هدیه ن هانی؟
آتا اوجاغینا گئتدیغیم زامان
..
ائویم سارای اولسا خانمان اولسا
پولوم خزل اولسا سیل سامان اولسا
قوپاریب گتیررم بیر گومان اولسا
آتا اوجاغینا گئتدیغیم زامان
..
تویوق یومورتدویار پیشیک ده گوله ر
ایت ده ناز ائیله یهر کئشیک ده گوله ر
آی قاپی دا باجا دا ائشیک ده گوله ر
آتا اوجاغینا گئتدیغیم زامان
..
نه قاتیق قویارام نه سود قویارام
نه تیکه قویارام نه ات قویارام
آتامی آنامی لاپ مات قویارام
آتا اوجاغینا گئتدیغیم زامان
..
یاناغیم آل لانار اوزوم ده دویماز
شعریم ده نغمه م ده سؤزوم ده دویماز
آی « نازیله » نئینیم گؤزوم ده دویماز
آتا اوجاغینا گئتدیغیم زامان
..خانه پدری
می گویند چشم دخترها سیر نمی شود
هدیه پدر تاج سر دختر می شود
زمانی که به خانه پدری می روم
..
غنیمت می دانم یک قطره آب را
غنیمت می دانم یک تکه نان را
شادی و هلهله دلم به هم می پیوندد
زمانی که به خانه پدری می روم
..
مادرم بهترین های باغ را جمع می کند
خورجین و بقچه ام را پر می کند
هیچ نمی پرسد فرزندم هدیه تو کو ؟
زمانی که به خانه پدری می روم
..
خانه ام اگر کاخ و ویلا باشد
پولم مثل سیل و برگ خزان باشد
یک شاهی هم باشد می گیرم
زمانی که به خانه پدری می روم
..
مرغ تخم می گذارد ، گربه هم شاد می شود
سگ ناز می کند ، کشیک هم شاد می شود
در و دیوار و اندرون و بیرون شاد می شود
زمانی که به خانه پدری می روم
..
نه ماست ، نه شیر را می گذارم که بماند
نه لقمه نه گوشت را می گذارم که بماند
پدر و مادرم را مبهوت می کنم
زمانی که به خانه پدری می روم
..
گونه ام از شادی سرخ می شود و سیر نمی شود
شعر و نغمه و سخنم سیر نمی شود
ای « نازیله » چه کنم چشم و دلم سیر نمی شود

زمانی که به خانه پدری می روم

*