Samstag, Dezember 14, 2013

بایاتی لار

اوزاق دان بیر قیز گلیر 
یاری یوخ یالقیز گلیر 
باخیشی جانلار آلیر 
ائله بیر اولدوز گلیر 
*
داغلارین باشی قارا 
اوره ییم دولو یارا
گؤزل بیر قیز گؤرموشم 
منی چکیبدی دارا
*
من عاشقم هر آیلار 
هر اولدوزلار هر آی لار 
باشیم جلاد الینده 
دیلیم سنی هارایلار
*
عزیزیم ائللر اوینار 
ساز اوینار تئللر اوینار
سارایلار ین تویوندا 
بولاقلار سئللر اوینار 
*
من عاشقم جان سنه 
قالمیشام حیران سنه 
یوز قربان دئین اولسا 
من اؤزوم قربان سنه
*

قارداش - ناصر اردبیلی

رحم‌ ائیله بو اوغلو اؤلموش ، بی‌کمک امامه قارداش
یاتما قانلی قتلگه ده ، دور گئده‌ک  خیامه قارداش
*

توپراغا دوشوب عمامه ن ، پرچمون ، قولون ، سو مشکون

گؤزلرونده قان اولوبدور ، باشوین قانیلا اشکون

کشتگان راه قرآن سربه‌ سر چکه له رشکون

یئتمیب دو هیچ شهیدون شانی بو مقامه قارداش
*

باشوه سنون عمودی اندرن زماندا دشمن

ابتدا منیم بئلیمی سندیروب عمود آهن

بو یارالی باشون اوسته ، خم قدیله آغلارام من

یوخدو قامت خمیله ، طاقتیم قیامه قارداش
*

تندن اللرون سالانلار ، فرصت اللره سالوبلار

من یارالی باشون اوسته ، آغلادیقجا کام آلیرلار

قددیمی گؤروب خمیده ، شاد اولولّار اَل چالیرلار

فُرصت جفا یئتوبدور ، لشکر ظلامه قارداش
*

عرش زینیدن دوشوب سن ، توپراغا شیکسته شهپر

قامت بلند سروون ، گل کیمی اولوب‌ دو پرپر

بس‌کی پاره پاره اولموش ، آئینه کیمی بو پیکر

ممکن اولمیور جنازون ، حمل اولا خیامه قارداش
*

شاعر:  ناصر اردبیلی
*

Donnerstag, Dezember 12, 2013

گولسون - علی آقا واحد

گؤسترای گول اوزونی بلبل شیدا گولسون
گؤزلرین شوقی ایله نرگس شهلا گولسون
چیخ چمن سئیرینه بو حسنیله بو قامت ایله
گل سئوینسین گؤزلیم سرودل آرا گولسون
آچ داغیت ، نازیله لیلا کیمی زولفون اوزونه
دردلی عاشق لرینین عشقینه صحرا گولسون
گزمه بوندان بئله بیگانه ایله قورخوم اودور
بی وفا سویله ییب عالم ، سنه دنیا گولسون
سئوگیلیم ایندی جسارت گونی ، مردلیک گونی دور
قویما اؤز عاشقینه ، هریئتن ادنا گولسون
آغلاماق عشقده عاشقلراوچون نقصان دیر
کی گرگ یوسفین عشقینده ، زلیخا گولسون
واحد عاشق ایسه ، مجنونه دئیین آغلاماسین

گلسین ائتسین بو گؤزه ل شوخه تماشا گولسون 
*

دولانسین - علی آقا واحد

قویما گؤزه‌لیم، کویینه اغیار دولانسین
انصاف‌ می، گولزاری گلیب، خار دولانسین؟
راضی ده‌ گیلم اؤزگه اولا محرم وصلین
گولزار بهشتی نیه کوفّار دولانسین؟
کؤنلوم قوشو دائم دولانیر، شؤقِ روخونله
البته گرک، کعبه‌ نی زوّار دولانسین
اکراه ائله‌ مه قامتینه زولف دولاشسا
سرو اوستونه، بو رسم دی، شاه مار دولانسین
رحم ائت، گونیمی ائیله‌ مه زولفون کیمی قاره
قویما اوزونه طرّه‌ی طرار دولانسین
سالدی منی پیوسته قاشین فکرینه، ظالم!
دائم بئله قوی چرخ جفاکار دولانسین
مخمور گؤزون فیکری ائدیب عالمی بیهوش
واحد نئجه بو شؤق‌ایله هوشیار دولانسین؟
*

رعناسی سان - علی آقا واحد

سوئیله ای گول، هانسی باغین، سن گولِ رعناسی‌سان؟
هانسی گلزارِ بهشتین، سروی سن، طوُباسی‌سان؟
آچما زولفون عطریله بیهوش ائدرسن عالمی
چونکی سن دشتِ خطانین، عنبرِ ساراسی‌سان
نازنین جانان گؤزه‌للر، قارشی دُورماز روُیینه
جمله سیندن سن گؤزه‌ل‌سن، هامی‌نین اعلاسی‌سان
باغبانین کیملر اولموش؟ گؤزلرین حئیرانی‌یام
سن مگر گلزارِ حُسنون نرگس شهلاسی‌سان؟
گؤرمه‌یینجه گول اوزون، جسمیمده قالماز طاقتیم
روحی‌سان گویا، بو مسکین عاشیقین، اعضاسی‌سان
من کیمی مینلرجه مجنونلار، اسیروندیر سنین
سؤیله یاریم، دوغرو سؤیله، سن کیمین لیلاسی‌سان
اینجیمه‌ز، «واحد»، او گول آه و فغانیندان سنین
سن گؤزه‌للر باغی‌نین بیر بولبولِ شیداسی‌سان
*

Donnerstag, Dezember 05, 2013

قار - ائلدار ماکو

نه یاغیرسان حزین - حزین آغارمیان ساچلاریما

شیغاییرسان دال با دالا کیپریگیمه قاشلاریما

گونوم چیخار توشلویارسان منیم ده قارغیشلاریما

یاغیرسان یاغ ،اسیرسن اس ،هله دوران سنین کی دی

آسیرسان آس ،کسیرسن کس ،هله دوران سنین کی دی

*

نه بیلیرسن بو حایات دا تاپدالانیب ازیلن وار

سوروم - سوروم سورونن وار آرالیقدا بوزولن وار

اؤولن کیمدی قالان کیمدی الی یاردان اوزولن وار

سپه لیرسن ساغا - سولا ایتیریرسن ایزی میزی

بو سویوقدا سیلله وروب قیزاردیرسان اوزوموزو

*

او گوندن کی آغ دونویون گئیدیریب سن بیزیم یوردا

اوندان بری فرصت دوشوب چولده گزن قوجا قوردا

قاچان قاچیر قالان قالیر دالدالانیر اوردا بوردا

صبیر، طاقت ، قالمییب دی منده اوزه دایانمیشام

بیر عوموردو مین بیر درده دؤزه - دؤزه دایانمیشام

*

داغ دؤشونده ده لی جئیران آیاقلانیب قاچا بیلمیر

کؤرپه قوزو قوجا قویون قیریشیغین آچا بیلمیر

سیلدیریملی قایالاردان قوجا قارتال اوچا بیلمیر

ائله سی واردی خسته دی ائله سی وار یارالی دی

بو سویوقا دؤزه بیلمیر یوواسیندان آرالی دی

*

نفس سالیب دونداریرسان بولاغلارین گؤزه سینی

گیزله دیرسن ایچه ریده قیز گلینین کوزه سینی

قوجالارا گؤستریرسن سویوقویون مزه سینی

قاپی لارا قیفیل ووروب ایچه ریدن باغلییرسان

یوخسوللارا داغ چکیرسن اوره کلری داغلییرسان

*

یاخامیزی تانیالی بیزی دارا قیصدیریب سان

او هئیبتلی های کوی سالان آخار چایی سوسدوروب سان

قیزیل تئللی گونشی ده هله بیزدن کوسدوروب سن

یورقون - یورقون باخان آی دا آچا بیلمیر هاله سینی

یئل اسدیکجه ائشیدیرم طبیعتین ناله سینی

*

اتکلرده چن دومانین اوزانیب دی هاردان - هارا

کولک قالخیرکوپباسینی سالیر گئنه دام - دووارا

من ده باش آلمیش گئدیرم هله قاری یارا - یارا

هی دئییره م اؤز - اؤزومه قارا گونون عؤمرو آزدی

نه قده ر یاغاجاق یاغسین قیشین سونو گئنه یازدی

*

قاباقدادی یاز گلنده اوندا قاتاجاق باشیین

آخیداجاق تپه لردن دره لره گؤز یاشیین

گونش اوندا تؤکه جکدی هر طرفه ایچ داشیین

یادیوا سال اوندادی کی ائل دوداقی گوله جکدی

اوجا داغلار اته گینده گول دوداقی گوله جکدی

*

 دنیا بئله قالان دئییل یاز گله جک یای گله جک

طبیعته گلین کیمی گول چیچکدن پای گله جک

اینانمیرسان بئش اون گونو تر- تله سیک سای ، گله جک

حسرتیله گؤزله ییرم گؤز یول دادی قولاق سس ده

قسمت اولسا گؤرمه لی ییک دورنالاری دسته - دسته

*

قار اؤلکه ده  برکتدی اومود  وئریر  یازا - یایا

اوجا داغلار یاتاغیندان آخیر گئدیر قوروچایا

بئله لیکله  اکینچی نین زحمت پایی گئتمیر زایا

(ائلدارین دا) اوزو  گولور بئله ثروت وار الیندن

طبیعته  حیات وئرن  بو شاختالی  قار  الیندن
مهدی همت زاده - ائلدار ماکو
*

دئدیم - محبی


دئدیم : دیلبر حوب آچیلمیش

دئدی : گولدور یاناقیمدا

دئدیم : عنبرمی ساچیلمیش

دئدی : تردیر دوداکیمدا

دئدیم : یوزه چکمه پرده

دئدی : اوغرامیشیم درده

دئدیم : آبی کوثر نرده

دئدی : داملار دوداقیمدا 

دئدیم : محبی یم بیلور

دئدی : حلوت کیلساک نولور

دئدیم : کورکام اویکوم گلور

دئدی : باش کوی کوجاقیما

*

حوب : خوب

یوز : اوز

نرده : هاردا

حلوت : خلوت

کیلساق : قیلساق ، ائتسک ، ائئیله سک

کورکام : قورخارام

اویکوم : یوخوم

کوی : قوی

کوجاق : قوجاق
*
dedim: dilber hub açılmış
dedi: güldür yanağımda
dedim: anber mi saçılmış
dedi: terdir dudağımda

dedim: yüze çekme perde
dedi: uğramışım derde
dedim: ab-ı kevser nerde
dedi: damlar dudağımda

dedim: muhibbi yem bilür
dedi: halvet kılsak n'olur
dedim: korkam uykum gelür
dedi: baş koy kucağıma
*
قانونی سلطان سلیمان - تخلص : محبی
*

Sonntag, Dezember 01, 2013

اورمو گؤلو - وحید شکرزاده

اورمو گؤلو نه لر گلیب باشینا ؟
قورودورلار نییه بو آز یاشینا ؟
قوربان اولوم او دوزلو گؤز یاشینا
نییه سنین گؤزون یاشین سیلن یوخ ؟
آخی ندن سنی درمان ائدن یوخ ؟
اورمو گؤلوم ندیر سنین گوناهین ؟
یوخدور سنین بیزدن سونرا پناهین
آلمامیسان هئچ بیر اینسانین آهین
سنین سودا کی بیر نفر اؤلن یوخ
آخی ندن سنی درمان ائدن یوخ ؟
بیر زامانلار چیمردیک قوجاغیندا
قویلاناردیق شفالی تورپاغیندا
سوسوز قالیب دیر دیلین ، دوداغیندا
نییه چایلار باغلانیب دیر گلن یوخ ؟
آخی ندن سنی درمان ائدن یوخ ؟
اورمو گؤلوم اولدون بیزه سن آنا
اینصاف دئیل قویاق اوره یین یانا
اولماز ائولاد کی اؤز آناسین دانا
دوزلو دنیز سندن کیمسه کوسن یوخ
آخی ندن سنی درمان ائدن یوخ ؟
آذربایجان قلبی سنده دؤیونور
سن اولماسان یوردوم اؤلو گؤرونور
میللت سنسیز باشقا یئره کؤچونور 
نییه سنین دردینی هئچ بیلن یوخ ؟
ندن آخی سنی درمان ائدن یوخ ؟
دوز یئتدی گون یاتدیم اورمو گؤلونده
آلدیم سندن " دوزلو اوغلان " سؤزونده
اوخویورام سنین آغلار گؤزونده
آذربایجان گلینینی سئون یوخ ؟
آخی ندن منی درمان ائدن یوخ ؟
*

Dienstag, November 26, 2013

گیدریم - یوسف خیال اوغلو


  giderim

*

Söz: Yusuf Hayaloğlu

*
آرتیک سنین له دورامام
بو آکشام چیکار گیدریم
حسابیم کالسین محشره
الیمی ییکار گیدریم
سن زحمت ائتمه یئریندن
گورولتو یاپمام دریندن
پارماکلاریمین اوزریندن
سو گیبی آکار گیدریم
آرتیک سوره رسین بیر صفا
نه جیسمیم کالدی نه جفا
شیکایت ائتمم بو دفا
دیشیمی سیکار گیدریم
بوزارمی ساندین آجی لار
بلایه آتلار گیدریم
کورشون گیبی ماوزر گیبی
داغ گیبی پاتلار گیدریم
کایب ائتسم بیله هر شئیی
بو عاشکی ییرتار گیدریم
سینسیجه اولماز گیدیشیم
کاپی یی چارپار گیدریم
سنه یازیغیم شارکی یی
سازیمدان سؤکر گیدریم
بن آغلایامام بیلیرسین
یوزومو دؤکر گیدریم
کؤپکلریمدن کوشومدان
یاورومدان جایار گیدریم
سندن آلدیغیم نه وارسا
یئرینه کویار گیدریم
ازدیرمم سانا کندیمی
گؤودمی یاکار گیدریم
بددعا ائتمم سیکیلما
کافاما سیکار گیدریم
*  
Artık seninle duramam,
Bu akşam çıkar giderim
Hesabım kalsın mahşere
Elimi yıkar giderim
*
Sen zahmet etme yerinden
Gürültü yapmam derinden
Parmaklarımın üzerinden
Su gibi akar giderim
*
Artık sürersin bir sefa
Ne cismim kaldı ne cefa
Şikayet etmem bu defa
Dişimi sıkar giderim
*
Bozarmı sandın acılar
Belaya atlar giderim
Kurşun gibi mavzer gibi
Dağ gibi patlar giderim
*
Kaybetsem bile herşeyi
Bu aşkı yırtar giderim
Sinsice olmaz gidişim
Kapıyı çarpar giderim
*
Sana yazdığım şarkıyı
Sazımdan söker giderim
Ben ağlayamam bilirsin
Yüzümü döker giderim.
*
Köpeklerimden kuşumdan
Yavrumdan cayar giderim
Senden aldığım ne varsa
Yerine koyar giderim.
*
Ezdirmem sana kendimi
Gövdemi yakar giderim
Beddua etmem üzülme,
Kafama sıkar giderim!
*