Samstag, November 19, 2016

بو محبت - نامیق قاراچوخورلو

بو نه درددیر نه مصیبت دیر نه بلادیر چکیرم
اوزولور اومودلریم تک عجله گؤز تیکیرم
بیزیم عشق باغچامیزین گوللری سولدو ابدی
آچماییب گؤزلریمین یاشینی هر گون تؤکورم
*
باخیرام جوانلارا هامی گولور ، هامی دانیشیر
دوغرودان ماراقلی دیر حیات قاینییر قاریشیر
اما من جوانلیقیمی سئوگیمه قربان وئریرم
قارا ساچلار آغاریر ، بئل بوکولور ، اوز قیریشیر
*
قالیب او اللرینین ایزلری منده
قالیب او بال دیلینین سؤزلری منده
سنین هئچ یادینا دوشمه ییب او محبت ایندی
قالیب او ، اودون آلاوین کؤزلری منده
*
گؤره سن خئیری ندیر من بو قدر آه ائدیرم
بو فانی دونیانی درد اوجاغینا بنزه دیرم
بو اوجاغین دا توسکوسو کؤر ائدیپ دی گؤزلریمی
ایری آدیملاریلا اوچوروما دوغرو گئدیرم
*
ائیله بیر حالدایام کی ، دوشونورم چتین دوزه لیم
یوخ هئچ کیمین گوناهی ، اؤزومو ییخیبدیر اؤز الیم
اصلینده آیریلیغی ایسته میردیک هئچ بیریمیز
آللاهین قیسمتی دیر ، قاچماق اولماییر گؤزلیم
*
قالیب او اللرینین ایزلری منده
قالیب او بال دیلینین سؤزلری منده
سنین هئچ یادینا دوشمه ییب او محبت ایندی
قالیب او ، اودون آلاوین کؤزلری منده
*
هارا گئتسم هارا باخسام هارا سالسام دا نظر
یئنه او گول جمالین گؤزلریمین اؤنون بئزر
دوشوننده بو خیال دیر سن اؤزون اوزاقداسان
آخیر بو گؤزلریمین یاشی اولور بحر خزر
*
نه ایچون منه بو قدر ظلم ائیلییر چرخ فلک
من ملک ساندیغیمدان آخیر گلدی منه کلک
ایستی بیر یای گئجه سیدی او منی ترک ائیله دی
غفلتن یاغدی یاغیش قوپدو طوفان اسدی کولک
*
قالیب او اللرینین ایزلری منده
قالیب او بال دیلینین سؤزلری منده
سنین هئچ یادینا دوشمه ییب او محبت ایندی
قالیب او ، اودون آلاوین کؤزلری منده
*
Söz musiqi: Namiq Qaracuxurlu
*

سویوخدور - نامیق قاراچوخورلو


من سانیردیم چیل اولاجاق آرزولار
آلدادیرمیش منی یانلیش دویغولار
او منی قلبیمدن ووردو
دوردو اوره ییم دوردو
ده ییشیر فصیل لر ، یامان قورخورام
اوه اوه اوه ، سویوقدور
بیر اوجاق یاندیردیم ، ایسینار بدنیم
یوخ یوخ یوخ ، سویوقدور
ده ییشیر فصیل لر ، یامان قورخورام
اوه اوه اوه ، سویوقدور
گئتمیسن تنهایام اوشویوربدنیم
چوخ چوخ چوخ ، سویوخدور
ایسته ییرم آیرلیغی محو ائدیم
یئتمیر گوجوم اولانلاری عفوائدیم
او منی قلبیمدن ووردو
دوردو اوره ییم دوردو
Söz musiqi: Namiq Qaracuxurlu

*

Freitag, November 11, 2016

دیوانگی - جواب رند تبریزی

شعر دیوانگی سیمین بهبهانی و جواب رند تبریزی به ابراهیم صهبا

صهبای من زیبای من سیمین تو را دلدار نیست
وز شعر او غمگین مشو کو در جهان بیدار نیست
گر عاشق و دلداده ای فارغ شو از عشقی چنین
کان یار شهر آشوب تو در عالم هوشیار نیست
صهبای من غمگین مشو عشق از سر خود وارهان
کاندر سرای بی کسان سیمین تو را غمخوار نیست
سیمین تو را گویم سخن کاتش به دلها می زنی
دل را شکستن راحت و زیبنده ی اشعار نیست
با عشوه گردانی سخن هم فتنه در عالم کنی
بی پرده می گویم تو را این خود مگر آزار نیست ؟
دشمن به جان خود شدی کز عشق او لرزان شدی
زیرا که عشقی اینچنین سودای هر بازار نیست
صهبا بیا میخانه ام گر راند از کوی وصال
چون رند تبریزی دلش بیگانه ی خمار نیست
*
شعر دیوانگی سیمین بهبهانی - جواب ابراههیم صهبا

در  اینجا

هانسی بیر مشکل دو کی - علی اکبر صابر

ایسته سن گوگلوم کیمی زولفون پریشان اولماسین
او قدر جور ائت  منه آه ائتمه ک ایمکان اولماسین

درد عشقین قصد جان ائتدیسه من هم شاکیره م
ایسترم جسمیم ده درد اولسون داهی جان اولماسین
قویما اغیار ائله سین کوینده جولان ای پری
اهرمنلر مالک ملک سلیمان اولماسین
آتشین روبنده افعی تک یاتوب گیسولرین
طرفه جادودور که مار آتشده سوزان اولماسین
دئیرلر عاشیق کش نیگارم قتلیمه آماده دیر
الله الله بیر سبب قیل کی پشیمان اولماسین
مبتلای درد عشقم ال گؤتور منده ن طبیب
ائیله بیر تدبیر کی بو درده درمان اولماسین
صابرا امید وصل ایله غم هجرانه دؤز
هانسی بیر مشکل دو کی صبریله درمان اولماسین

Dienstag, Oktober 25, 2016

چکرسینیز - رلیم خان یعقوب

آری لار گول منم قونون اوستومه
مندن نه چکسه نیز حاق چکرسینیز
باشینا گؤتوره ر عطریم دونیانی
سؤزون گلشنینده کئف چکرسینیز
دورنالار یئرلری گؤیلره قاتدیم
سیزینله اوچماغا هر گون جان آتدیم
ائله کی تورپاغین آلتیندا یاتدیم
مزاریم اوستونده صف چکرسینیز
زلیم خان اوره ییم قوزوتک مه لر
باشیم نه لر چکدی بیلیرسن نه لر
هانسی گون زلیم خان اؤلوب دئسه لر
اوندا بیرجه دفعه اوف چکرسینیز


Samstag, Oktober 22, 2016

اویان ای یار وفاداریم اویان - غفاری اردبیلی

اویان ای یار وفاداریم اویان
منی تک قویما علمداریم اویان

یولووی خیمه ده گؤزلور بالالار
سنه قربان اولا قیزلاریم اویان
شرف الناسیم اویان                   
گؤزل عباسیم اویان
*

سنه من قانه باتان آی دیرم
سینه وی لاله لره تای دیرم
داش آتانلاردان اگر اولسا امان
تؤکرم گؤز یاشی لای لای دیرم
قره معجرلریمین وای گونونه
سود امر اصغریمین وای گونونه
شرف الناسیم اویان                   
گؤزل عباسیم اویان
*

سرویمین لطمه دگوب قوللارینا
تؤکولوب قانی شرف یوللارینا
سنی اکبر جانی کیمدن سوروشوم
نه گلوب قارداشیمون قوللارینا
من اؤپن قاره گوزوندن اوخ اؤپوب
داش گؤزل سینه وی مندن چوخ اؤپوب
شرف الناسیم اویان                   
گؤزل عباسیم اویان
*

دئمیرم قارداشیوام گؤیلومی آل
دئمیرم دور گئدک اخیامیده قال
دئیورم دشمنی گولدورمه منه
کسیلن قوللاریوی بوینوما سال
ساق گؤزوندن تؤکولن قانه قسم
ایاقیم خیمیه گلمیر قئیدم
شرف الناسیم اویان                   
گؤزل عباسیم اویان
*

یارالی باشیوا قربان اولانیم
گؤزووی آچ باشیوا من دولانیم
نئجه سن سیز گئده رم خیمه لره
اؤزون انصاف ائله ای قهرمانیم
گؤزووه پرده چکیب قان یارالی
نیه بو حاله قالوبسان یارالی
شرف الناسیم اویان              
گوزل عباسیم اویان
*

بویاما گل اوزووی گؤز یاشیوا
دیله گل ائیله بیان قارداشیوا
سنی زهرا ننه مین جانی دانیش
نه آغیر یاره ووروبلار باشیووا
اورگین اودلادیلار قارداشیوین
بئلیمی اگدی یاراسی باشیوین
شرف الناسیم اویان              
گوزل عباسیم اویان
*

آسمان باشیما غم گردی الیر
سینه می ماتمیوین تیری دلیر
نقدر آختاریرام یوخدی ننم
باشین اوستن ننه مین عطری گلیر
بو مبارک اؤلومین وار نه غمی
خوش سنین حالیوا گؤردون ننه می
شرف الناسیم اویان              
گوزل عباسیم اویان