Donnerstag, September 14, 2017

دونیا - شجاعت


هامی بیر بیچیمده یارانمیر له له
بیریمیز ائیله ییک ، بیریمیز بئله
الیندن قورتاران اولماییب هله
کسیب بند بره نی گدییی دونیا
*
ظالیمین ، نادانین ، یوزونو یئدی
آخیردا چوخلارین سؤزونو یئدی
نئچه حوکومدارین اؤزونویئدی
سؤزده دورمک کیمی ، یئدییی دونیا
*
ائشیتمه دی تیمور لنگین سؤزونو
یئر اوزوندن یوخ ائیله دی ایزینی
یئره قویدو اسکندرین دیزینی
غرورلا « منیم دی » دئدییی دونیا
*
شجاعت دوی درین ، فیکیرلش درین
کیم توتوب ساخلاییب ، عؤمرون تکرین
آللاه دان آللاه لیق ایسته ین لرین
چوخ وئریب الینه ، دودویو دونیا
*

Mittwoch, September 13, 2017

سفرنامه - کریمی مراغه ای

ساغلیغیمدا منی یاد ائت اخوی
من اؤلندن سورا جیرما یَخَوی
ساغلیغیمدا منی دیندیر دیلیلن
گلمه ترحیمیمه تاج و گولیلن
ساغلیغیمدا الیوی چک باشیما
یاخما بورنون زیلیغین باش داشیما
تا وارام اوزمه الیمدن، الیوی
نه قرا گئی نه اوزاد سقلووی
قوی یانیم من سنه ، سنده منه یان
سن منه جان دی؛ ، دئییم من سنه جان
ساللاما قبریمه شالوارباغیوی
دایاما بریرومه س..؛ دا… وئ
دیلیم اولسئیدی بوزاردیم تاغیوی
الیم اولسئیدی کسردیم آغیوی
ساغلیغیمدا قولووی بوینوما سال
گاهی گاهی ، بوسینان گونلومی آل
هئش گلیب قبریمه یاد ائتمه منی
باشیما چالما غلط فاتیحه نی
قالاما شمعیله سونقار گؤ… مه
اولموشم  یاخمامیشام بال گؤ..مه
کاش گورکان قویا قبریمه دلیک
منیله دفن اولا بیر جانلی چلیک
او آداملار کی گلیر فاتیحیه
ساغلیغیمدا منه چیخمازدی ییه
اوزادئیدیم کفن آتدان چلیگی
زور وئریدیم گنلردی دلیگی
بابا ساغلیغیمدا منیم گول اؤزئمه
مشتری اول سؤزومه هم اؤزومه
منی تشویق ائله طلعت لریله

گونلومی شاد ائله دعوت لریله
نه یالاندان چپی، قه قه لریله
مرسی، احسن، یاشا، به به لریله
ائل گرک قیمت اشعاری بیله
نیه ایراندا گرک شاعیر اؤله
صنعت شعری چکیبلر فسادا
دوشدی بازاری فصاحت کاسادا
بیر غزل کی گلیر عشقیله باشا
کیم آلیر غزلی بیر لاواشا
سعدی، حافظ، بابا طاهر، خیام
سحرین ائتدی ناهار، ناهارسیز آخشام
گئیمدی اینینه قیمتدی قبا
سالمادی چیگنینه بیر تازه عبا
شهریارین آدی دیللرده گزیر
تازه حیدر بابا اللرده گزیر
بیر کیچیک ائوده گونون وئردی باشا
قالدی بیر مانقالی بیر حوققا ماشا
ای خدا وئر بیزه بیر عقل و شعور
شاعری ائلمیک زینده به گور

Freitag, September 08, 2017

یازاردیم - اسرافیل قاراداغلی

بیر میرزه اولسئیدیم فلک یانیندا
شیوه باز آدامی دیل سیز یازاردیم
طایفادان گوج آلیب ظلم ائدنلری
طایفاسیز یازاردیم ، ائل سیز یازاردیم
یازاردیم قانانا بوتون دونیانی
قویمازدیم آغلادا انسان انسانی
بیر لحظه ده هریان گزه ن شیطانی
آیاق سیز یازاردیم ال سیز یازاردیم
بو انسان دویغوسون کج دویانلاری
ظلم ائدیب غضب له گؤز اویانلاری
پول وئریب باش کسیب قان یووانلاری
عؤمرون آز ، جیبین پولسوز یازاردیم
آی اسرافیل یاخجی بیلمه یاوانی
مردلرظولمو گورر نامد داوانی
حیاسیز قیزلاری یونگول جاوانی
کیپلیک سیز یازاردیم تئل سیز یازاردیم
اسرافیل قاراداغلی

قوجاغیندا - بهمن وطن اوغلو

من جنتی پوچ ساناردیم  
گولوم سنین قوجاغیندا
بیهوش اولوم قوی لال اولسون  
دیلیم سنین قوجاغیندا
*
مهربانیم دین ایمانیم   
سنه قربان اولدو اولدو
منیم شیرین جانیم
گولوم سنین قوجاغیندا
*
ییخسا منی قضاوقدر
جوان عؤمروم گئتسه هدر
خوشدور منه  چکسم اگر
ظولوم سنین قوجاغیندا
*
نییه گئتدین قانا – قانا
منی قویدون یانا – یانا
*
یا وعده وی بو یازا وئر
یا بهمنی گودازا وئر
بیرجه دفعه اجازه وئر
اؤلوم سنین قوجاغیندا
*
مه له مه جئیران مه له مه
کهنه دردیم تزه له مه
قاش گؤزووی سرمه له مه
گل یاخاوی دویمه له مه
*
بهمن وطن اوغلو