شاعر: ممد ایلقار
الهی بئله ده گؤزل اولارمی
کیمدی قلم چکن نه گؤزل چکیر
اوز- اوزه، گوز - گوزه سئحیرلنمیشیک
نه من گؤز چکیرم، نه گؤز ال چکیر
*
گون آی اوزلوم، گؤزل لیکده بیرجه سن
بو گول لوکده، بیر من اولوم بیر جه سن
گول اوستونده آری یا باخ بیرجه سن
گؤر گولون نازینی نه گؤزل چکیر
*
سالما محمّدی، گؤزوندن گؤزل
گؤزوم گؤزمو گؤروب، گؤزوندن گؤزل
من اؤلموش نئیییم گؤزوندن گؤزل
نه بیر کؤنول دویور، نه گؤز ال چکیر
*
