غوغای ستارگان

غوغای ستارگان
شاعر: کریم فکور
آهنگساز: همایون خرّم
امشب در سر شوری دارم
امشب در دل نوری دارم
باز امشب در اوج آسمانم
رازی باشد با ستارگانم
امشب یکسر شوق و شورم
از این عالم گویی دورم
*
از شادی پر گیرم که رسم به فلک
سرود هستی خوانم برِ حور و ملک
در آسمانها غوغا فکنم
سبو بریزم ساغر شکنم
*
با ماه و پروین سخنی گویم
از روی مه خود اثری جویم
جان یابم زین شبها
جان یابم زین شبها
ماه و زهره را به طرب آرم
از خود بی خبرم، ز شعف دارم
نغمه ای بر لبها
نغمه ای بر لبها
*
امشب یکسر شوق و شورم
از این عالم گویی دورم
*
اولدوزلار بزمینده
مترجم: صالح سجّادی
بو آخشام باشیم هاوالی
کؤنلوم ایشیق دان غوغالی
روحوم گؤیلر اوزونده اوینار
اولدوزلاردا پایلاشاندا اسرار
بو آخشام نور اولماقدایام
بو عالمدن اوزاقدایام
*
شادلیقدان روحوم اوچار گونشین اوزونه
ملک لرین بزمینده یئر آچار اؤزونه
گونش گؤلونده سرخوش اوزه رم
سبو آشیررام ساغر سوزه رم
کؤنلوم گؤیلرده اوچقاردا
بو عالم هاردا من هاردا
*
آی دان پروین دن خبر آختاررام
ایتگین آییمدان خبر آختاررام
جان آللام گئجه دن
زهره نی آیی سالارام رقصه
خبرسیز هامی دان دالارام رقصه
دوداغیمدا نغمه
دوداغیمدا نغمه
*
بو آخشام باشیم هاوالی
کؤنلوم ایشیق دان غوغالی
روحوم گؤیلر اوزونده اوینار
اولدوزلاردا پایلاشاندا اسرار
بو آخشام نور اولماقدایام
بو عالمدن اوزاقدایام
*

گئجه دیر - صالح سجادی

قابارلی گؤزلریمی قورخولار چالان گئجه دیر
گئجه دووز ، گئجه بایقوش ، گئجه ایلان گئجه دیر
زامان اؤزون ایتیریب ، بورخولوبلار عقربه لر
سحر گونش چیچکی چیخمامیش سولان گئجه دیر
آچیقدی پنجره لر سان کی گرنه شیر اودالار
بو بوش قوجاقلارا زیل خولیالار دولان گئجه دیر
ائشیتمه دن بیر آجیخمیش پیشیک قاچیر کوچه ده
دایان آجیبلا پیشیکلرده دالدالان گئجه دیر
غزل دوغولور دلی بئینیم یئنه بو کیپلریکلر
یومولماماقلا یومولماقدا قرق اولان گئجه دیر
یئنه ایچیمده اویاقدیر حوزونلو خاطره لر
اؤتن کدرلریمی فیکریمه سالان گئجه دیر
اؤنومده بیر قادینین بیر سحر چاغی کوچه ده
گرزونده دالغالانیب کؤنلومو الان گئجه دیر
ائله او گؤزلره تک ، آه ائله سئوگی یه تای
یالانچی دیر بو قارانلیق گئجه ، یالان گئجه دیر
ساچیم آغارمادادیر ، گئت به گئت ساچیم سان کی
سحر چاغیندا ایشیقلاردا محو اولان گئجه دیر
آنام بو گؤیلره یاس پالتارین یووب سرمیش؟
یادا آتام یاسینا ساچلارین یولان گئجه دیر
آنا سحردی؟ یا آغ بیرچه گین اسیر کوچه ده
یا اود توتوب نفسیندن ایشیقلانان گئجه دیر
سحر آچیر کوچه آغزیندا بیر سیچان دیلییب
یئنه بو آج گوچه نین معده سی دولان گئجه دیر
گونش اسیر گلیر آردیجا قاپ قارا کؤلگه م
بو کؤلگه دون گئجه دن قورتولوب قالان گئجه دیر
منبع : ماهنامه آفتاب آذربایجان

قارشیمیزا - صالح سجادی

اینانیردیق گئجه دن دان چیخاجاق قارشیمیزا

 داغی آشساق یاشیل اورمان چیخاجاق قارشیمیزا

 اینانیردیق او گوزل گزمه لی اورمانلار اگر

 قورخولاردان آپاراق جان چیخاجاق قارشیمیزا

 بیر ناغیل سحرینه آلدانمیشیدیق بیلمیردیک

 آجی گئرچک لر اوباشدان چیخاجاق قارشیمیزا

 زیروه لر آردیجا چیخدیق اوجا داغلار باشینا

 بیلمه دیک زیروه ده وولکان چیخاجاق قارشیمیزا

 اووچولار گؤلله له دی اورمانا اوز دونده ر دیک

 نه بیلیردیک دلی قافلان چیخاجاق قارشیمیزا

 چیراغ الده گزیریک تبریزی هر دن دئییریک :

 گؤره سن بوردا بیر (اینسان)1 چیخاجاق قارشیمیزا؟

 قالدیریلمیش قارا پرچم لره گوز تیکمیشدیک

 بیز سانیردیق آل عوصیان چیخاجاق قارشیمیزا

 سن دئدین: باخ خیاوانلار آراسی نرده لره

 من دئدیم : آخ یئنه زیندان چیخاجاق قارشیمیزا

 سن دئدین : تهلوکه لر وار تانی دوست دوشمنی وی

 بونو اؤیرن هره هاردان چیخاجاق قارشیمیزا

 دوشمن او دوست دی کی گلسه قاباقدان گله جک

 دوست او دوشمن دی کی دالدان چیخاجاق قارشیمیزا

 دوشدو گویدن یئره بیر آلما ال آتدیم گوتوره م

 سن دئدین:آت یئره شیطان چبخاجاق قارشیمیزا

 بیز توکندیک گئجه باتدی سحری تامسینیریق

 زیل گونش ایندی افق دان چیخاجاق قارشیمیزا

 من دئدیم:زیروه ده اورمان دا یالان چیخدی؟ دئدین:

 داغی آشساق یاشیل اورمان چیخاجاق قارشیمیزا

بوگونلرده کی حالیم - صالح سجادی

ائشیدرکن باهاردا به به یمی
بوغدو قیش دیمدییمده چه چه یمی

گولّه دیمیش غرورلو جئیرانیدیم
هار کؤپک لر دویاندا له له یمی

قوربانام تانری نین محبتینه
بودوسا "جنت"ی نه دیر "جهیم" ی؟

منی گلدی یاپیشدیرا حیاتا
هر نه ویرنیخدی توتمادی لهیمی

قهرینه بسله میشدی سانکی منی
آنجاق آلداتدی (رحمان)ی (رحیم)ی

بیرعؤمورایت کیمین اولاتدی فقط
سئومه دی بیر دقیقه چه چه یمی


**********

دومانیدیم قوروتدولارشئحیمی
دورو چایدیم دبرتدیلر لٍهیمی

اوره ییم ده بولود سیخینتی سی وار
یوخدو بیر ایلدیریم سیخا شئحیمی

ظولمته قارشی بیر سوزَن اوخودوم
گونشه دوغرو چکدیلر زٍه یمی


ائله چیسگین لی دیر آهیم ائله کی
بوینونا داغ دا آلماییر مٍه یمی

قیش قوروتموش بنؤشه باغچاسیام
شن باهاردا آچانماییر کٍهیمی

قالمیشام کوقسه میش قنوولاردا
ایرگه نیر آنلاییر هامی لٍهیمی

دردیم آنجاق بولار دئییل شاعیر
باشقا درد آغلادیر جوارحیمی

اوتوز ایلدیر آنام باشیمدا دئییر
قویمایین سئل آپاردی (صالح )یمی

اورمو گؤلونون دیلیندن- صالح سجادی

ایللر بویو حیاتیما قوردون کمین، گونش!
یولداشچی لیق یولو بویوموش؟ آفرین گونش!

سن هرنه سوزلادین او قدر من دایازلادیم
آی ییرتیجی باخیش لاری مندن درین گونش

ایللر اولار کی آخمادی بیر چای بو دوزلاغا
مندن آلان بولود لاری بس نیله دین گونش؟

اولما بوراخدین اونلاری یئللر قاچیرتد یلار
یا آزدیریب، آلاخلارا وئردین کبین،گونش!

قارشیندا بوغلایان سولاریمدان اوتانمادین
بیرده آخان دامارلاریمی پی له دین، گونش!

بیرقیسا بوی لی دالغانی دا قالدیرانمیرام
یئللر اسنده قیوریلیرام چین به چین، گونش!

آخ قارقیمیش!گؤروم سنی سؤنسون آلوو لارین
گؤیده دؤنوب داشا اولاسان بیر سرین گونش

آی ییرتیجی باخیشلاری مندن نفس آلان
سؤیله منیم بولودلاریمی نئله دین گونش؟

چارپارا

بیلمیرم زامانی نئجه سوورسان / نمیدانم وقت را چگونه سپری می کن
منه بیرعقربه لئ عقرب اولوب / برایم همانند عقرب عقربه داری شده
صاباحیم قاییدیب اولوب دوننیم / فردایم بازگشته و دیروزم شده
بویونومده گون چیخمامیش قورتولوب / امروزم نیز ، آفتاب برنیامده غروب شده
**
قوی سنین پنجره ن ایشیغا باخسین / بگذار پنجره تو رو به روشنائی باشد
منیم پنجره می گئجه بورویوب / پنجره مرا شب تیره در برگرفته
او سرین سولاردان اوزاق دوشموشم / از آن آبهای خنک دیارم دور مانده ام
تیکانلیقدا جاوان جانیم چورویوب / جان جوانم در این خارزار پوسید ه
**
الی دولی گلدیم بوشالدی الیم / با دست پر آمدم و دست خالی شدم
اورگی بوش گلدیم دولدی اورگیم / با دلی خالی آمدم و دلم پر درد شد
من یاشیل گولردیم قارا آغلادیم / من سبز می خندیدم ، سیاه گریستم
دمیر مئشه سینده سولدی اورگیم / در جنگل آهنی دلم پوسید
**
بیلمیرم بیلیرسن یا یوخ بورادا / نمیدانم میدانی یا نه ، در اینجا
دوستاقلارین آدی آپارتماندیر / اسم زندانها آپارتمان است
بیمیرم بیلیرسن یا یوخ بورادا / نمیدانم میدانی یا نه ، در اینجا
آزادلیق تکجه بیر شولوق میداندیر / آزادی تنها میدانی شلوغ است
**
توتقون بیر گئجه دیرایچیمه دولور/ شبی گرفته است و در درون من پر می شود
بیر ایستیکان تبریز بیر ایستیکان / سن به اندازه یک استکان تبریز و یک استکان تو
شهریمین یوز ایللیک قانلارینا تای / همانند خونهای صد ساله شهرم
تهرانین بئینینده قایناییرام من / در مغز تهران می جوشم من
**
آیاق اوسته اولن آغاجلاراتای / همانند درختان که ایستاده می میرند
اولسمده شاهیداول یخیلما میشام / اگر هم مرده ام اما هنوز از پای نیفتاده ام
بو شهرین ایچی بوش قولچاقلارینا / به عروسکهای توخالی این شهر
روحونا آند اولسون ورولمامیشام / قسم به روح پاکت دل نبسته ام
**
بیلمیرم زامانی نئجه سوورسان / نمیدانم زمان را چگونه می گذرانی
من صاباحا چیخسام سوینه جگم / اگر من به فردا برسم خوشحال خواهم شد
بالیق تک شوشه می سیندیربب اوندان / همانند ماهی بعد از شکستن تنگ بلورم
دنیزیمه طرف سورونه جگم / خود را به طرف دریای خود خواهم کشید
از وبلاک : صالح سجادی

http://www.tamurakis.blogfa.com