باهاردیر یئنه - اسماعیل جمیلی

آچ اوره یین پنجره سین گوللو باهارایدیر یئنه
گؤزده اومود اوزده گولوش سئوگیلی یارایدیر یئنه
غونچه آچیبدیر اؤرتوگون بولبوله ازدیریر اؤزون
گؤزلری تازه نرگیزین مست وخومارایدیر یئنه
تازه گلینلییین گئین چترینی یاسمن آچیب
آینا کیمی بولاغلارا کؤلگه سالارایدیر یئنه
لاله دولاندیریر جامین عشقینه تازه دورانین
دوم دورو بوز شلاله لر داغدان آخارایدیر یئنه
قالدی قیشا اوز قارالیق چیخدی چمنده تخته گول
سیرینه چیخ یام یاماجین نقش ونگارایدیر یئنه
غم قفسینده کؤنلونو قییما کدر اوساندیرا
آرزی اومود قاپلارینی سئوگی آچارایدیر یئنه
دردی درین دوغما ائلی نازلی یازی گؤزله مه ده
سئوگیسی سئودامیز اولان شانلی دیارایدیر یئنه

تبریز - اسماعیل جمیلی

مين ايللر بويوندا دايانيب دوران
باشيني ديک توتان زمانه تبريز
قيز اوغلان قهرمان ايگيردلر دوغان
اولو کئچميشيمدن نشانه تبريز

ائليم سن داياغيم سان
سؤنمه ين اوجاغيم سان
آزادليق بايراغيمسان
سنله فخر ائديرم جهانه تبريز
*

سئوداليم ، سئوگيليم شيرين ديل آنام
قيما حسرتينده آليشام يانام
توکنمز سئوگيمه اؤزوم حيرانام
گؤزه لليک مسکني بيردانه تبريز
*

گولوم سن گولشنيم سن
آنام سان وطنيم سن
من سنين سن منيم سن
سئوگيميز يايئليب هر يانه تبريز

*
بابک تک آينالين ياخيب قان اوزه
ايگيردليک داستانين سيغيلماز سؤزه
قهرمان ائولادين گلمه سين گؤزه
باهارين دؤنمه سين خزانه تبريز
*

کوراوغلو نگاريمسان
صائبيم ، ستاريمسان
شمسيم ، شهرياريمسان
آذربايجانيما جانانه تبريز

آنا - اسماعیل جمیلی

آنا قوتساللیق اوجاغی
سئوگی قوجاغی
یارانیشین یاریسی
قالان یارینین تانریسی
آنا
سئوداسی دونیانی ساران
اوجالیغی زیروه لردن باج آلان
دؤزومو دنیزلردن درین
ایستی نفسی بولاغدان سرین
آنا
آدی آدلارین یاراشیغی
اؤزله اؤزلوگون باریشیغی
آنا
آلیشا آلیشا یانا یانا
اینجیکلیگین دانا دانا
سئودیگینین سارماشیغی
بالاسینین عاشیقی
آنا
یاز عطیرلی اتگینده
یارینلارین موشتولوغو
چیچک آچان بئشیگینده
گله جگین تومورجوغو
آنا
آنالیغی دیلیمیزین یوکسه لیشی
دایانیشی یوردوموزون ایره لیشی
آنا
دویولماز سؤزو بال
آنا
دانیلماز سئویلن قوتسال

آنام - اسماعیل جمیلی

وارلیغین ییخیلماز قالاسیسان
سئوگینین سیلینمز بویاسیسان
اوره گین اوخشایان نواسیسان
کؤنول دونیاسینین صفاسیسان
بئشیکده چالدیغین لایلالاردیر
ماهنیلارین ان گؤزه لی
دیلینده اوچوددوغون هاوالاردیر
یاشامین شیرین غزلی.
ایاق باسدیغین جنّت
بؤلونوب تالانیرسادا
سوسله دیگین دویغو باغی
یاساقلانیب وراق وراق یانیرسادا
قوتسال آدینلا باغداشدیر
آدیم سانیم سونمز اوجاغیم
شیرین دیلینله یانیر گونش چراغیم
عطیرلی تورپاغینلا یاشانیر
دیلگیم گووه نیم دایاغیم
آنا سئوگینله اسیر
اسیر وطنده شانلی بایراغیم

تبریز - اسماعیل جمیلی

تربت تبريز دير تند اسمه اي باد صبا

بو پريشانا دگيل آرتيق پريشانليق روا

گيزله نن بير گنج وار بو کسوت ويرانه ده

اسم اعظم بيلمه سن اولماز نه وار دير برملا

ظاهري گؤزله عيان اولماز عياري بو زرين

حسن يوسف دير زليخاسي گرک وئرسين بها

صائبي سيراب ائده ن حکمت سبوسي بوردادير

شمسينه مولاي عرفان ائيله يبدير اقتدا

قطره قطره جمع اولوب شهد ادب قطران تک

کوثر عشقي قيليب درد مسيحايه شفا

فضل محمودي آليب تيمور تيغينده ن کسر

دفع ائديب اسکندري بو يئرده اقبال وذکا

شوقيله اؤز اودلو عشقين سينه ده توتموش سهند

برق شمشير ارنلرده ن شفق آلميش جلا

گر نباتي لعلينين حيراني اولسان راجي اول

دولت وصلين شکوهي عومره بخش ائيلر بقا

بوردا صرّاف سخن اولموش هنر له شهريار

بوردا اقبال هنر معجز سياق ائتميش نوا

ساهر اولماز اولمايان بو مکتبين فرزانه سي

جان فدا ائتمکده ن ائتمز آشناسي امتنا

ارک قانين آينالي سرخاب ائديب رخسارينه

خلقينه ستار سردار ائيله ييب دئينين ادا

قلب آذربايجان تبريزده چرپيب مدام

شهره يه آفاق اولوب اؤز غيرتيله بو سرا

خواجه يه شيرازي مفتون ائيله ين ترک جميل

خال و خط ايلن ائديب صنعانين ايمانين فنا

آچ يوکون تبريز دير تبريز شهر دلبران

مقصد غائي بو يئر دير ساربانا مرحبا

قادین - اسماعیل جمیلی

وارلیق یازینین گوللو گولوستانی قادیندیر
سئودا باغینین نرگیزی ریحانی قادیندیر
قوتسال بئشیگینده حیاتین بارلی بوداغی
تایسیز گؤزه لین آدی آنا سانی قادیندیر
لایلای قانادیندا اوچوشان دادلی شیرین سؤز
اینجیله دولو معنالار، عوممانی قادیندیر
سئوگیله حیات پایلاسادا گؤزله مه ین پای
گؤزله گؤرونن تانرینین عنوانی قادیندیر
سیغماز بو گؤزه للیک قارا چرشابینا جهلین
اؤزگور یاشامین اؤلچوسو میزانی قادیندیر
آزادلیغا قول یارینا یول چاغلا ایاقداش
قدرین دییرین سئوگیلی انسانی قادیندیر
حق بایراغینی دونیادا اسدیرسه ده بیزده
ظالیم نظامین تاپداغی قوربانی قادیندیر
قیزلار آنالار حققین آلیب اولمالی آزاد

آباد وطنین بانیسی باغبانی قادیندیر

آی گؤزل - اسماعیل جمیلی

یاز گلمه میش غنچه لنیب دوداقلار
گوله دؤنوب یاناقلارین آی گؤزل
دالغا دالغا بولوت تئیلن وور یانا
قارانلیقدان چیخسین اوزه آی گؤزل
سورمه له نیب آلا گؤزون اؤزوندن
بال سوزولور گول قوخولو سؤزوندن
گؤزله گؤزون گؤز وورانلار گؤزوندن
گؤزه للیگین تانریداند یر پای گؤزل
عومور قیسسا گون سایئلی آرزی بول
درده غمه فلک باخمیر چکیر قول
یاخینلاشیر آیریلیقیا گئدن یول
گئده نلره یوخدور گلن تای گؤزل
سئو سئویلسن توکنمزدیر بو دولت
قووسان اگر قاپی دؤیمز سعادت
اوزون گولمز پارلاتماسا محبّت
سئویلمه سن بو دنیایا وای گؤزل

یاشیل سئل - اسماعیل جمیلی

یوز ایللرین اسگی قیسیر قانونلاری پوزولماسا
گله نک لر ایلمک ایلمک سؤکولمه سه
اؤسه له نیب آرینماسا
بولانلیقلار دورولماسا
آدیم آدیم یئنی دوران قورولماسا
قاریش قاریش آنا وطن گوللنمه سه
اؤلکه بویدا دوستاق اولان پاسلی قفس قیریلماسا
آزاد ائللر دیللنمه سه
جهالتین جسارتی مزارینا تیخیلماسا
پالان اولان یالانلارین قوتساللیغی ییخیلماسا
نسگیل اولان اؤزگورلویون ماهنیلاری دوداق دوداق اوخونماسا
یاشام آدلی گؤزه للییین شن خالیسی ناخیش ناخیش توخونماسا
اولوب قالان اسگی حامام اسگی تاسدیر
قارا گوندور قارا یاسدیر
داملا داملا اریمک دیر
گئریلییه سورونمک دیر
گؤز اؤنونده قوتسالاشان
استبدادین قفسینده چورومک دیر
بو قورقودا بو قفسده بو دوستاقدا
یایقین اولان حماقته
عادی لاشان قباحته
گونلوک اولان جنایته
قیرخ حرامی قولدورلارین قورقوسونا
قودوز قودورقان دولته
ظالیمین ظولمون یاتاغی حکومته
ائل اینانجین ظولمه اویونجاق ائیله ین
عدالته آغیز ایین یالان یالان اوسته دئیین
فیتنه فسادین اوداغی ولایت وقاحته
باش ایمه ین سینه گره ن
یاشیل سئلین باغیردیغی آزادلیغا آلقیش آلقیش
آیدینلیغا یئنی لییه آبادلیغا آلقیش القیش
یاشیل سئلین قارشیسینی قیش آلانماز
دالغالانان دورو دنیز دای دایانماز بولانماز
گله جه یه آخمادادیر
دالغا دالغا استبدادین چؤر چؤپونو یومادادیر
قولدورلارین قورقوسونو یاخمادادیر
بو یاشیل سئل آزادلیغین اولدوزلارین
قارانلیغین کور کؤزونه سوخمادادیر
بو یاشیل سئل آیدینلیغا اؤزگورلویه اؤزون توتوب باخمادادیر
  

چیچکلرین قیزیل قانی - نغمه ای برای ندا

چیچک لرین قیزیل قانی یوماقدادیر قارانلیغین قباحتین
هارایلارین حقلی سسی کسمه ده دیر شوم نفسین ولایتین
قودوز قودورقان جانی لر قانین توکور چلنگ چلنگ لاله لرین
گؤزو باغلی قوللوقچوولار آرتیرمادا استبدادین رذالتین
دینی اینانج اولسایدی دا زاهید لرین چال چاپینین اویونجاغی
چیرکین اوزو چیخدی اؤزه ایرتیجانین فاسد فوسیل حیکومتین
اسمه ده دیر ایلیق یئللر حسرت اولان آزادلیغین عطری گلیر
آچمادادادیر سئوگیلی یار نقابینی آی اوزوندن حورییتین
دالغالانان یاشیل لیغین قورخوسوندان دیشی دوشموش قاریمیش قیش
سون گوجیله یاساقلاییر عبث یئره قیزیل گولون طراوتین
آنلی آچیق باشی اوجا الی یالین کور قورشونلار قارشیسیندا
قورتولوشون وورغونلاری گؤسترمه ده شوجاعتین نهایتین
حق اؤزو امداد ائله سین حقلی اولان حق سؤیله ین عاشیقلره
قارانلیغین باتیشیندا گؤرسون ائللر ایشیق اوزون سعادتین
اسماعیل جمیلی 1-4-88

..

ترجمه به وسیله دوست عزیزی به نام آزاد در نظرات اینجا

خون سرخ جوانه ها قباحت تاریکی را میشوید/ صدای حق فریادها نفس شوم ولایت را میبرد / جانیان هارو وحشی خون لاله ها را قدح قدح میریزند / غلامهای چشم بسته رذالت استبداد را میافزاید / اگرچه دین زاهدان چپاولگررا باور کرده بودیم / چهره زشت حکومت فاسد ارتجاع برملا شد / وزش نسیم بوی عطر ازادی که در حسرتش بودیم را میاورد/ معشوق زیبا نقاب از روی آزادی ماه رو میگشاید / دندان زمستان پیر از هراس موج مواج سبز میافتد / طراوت گل سرخ را به عبث با آخرین قوایش ممنوع میکنند / با پیشانی گشاده و دست خالی و سر بلند مقابل سپاه کور چشم ایستاده ایم / عقابان رهایی نهایت شجاعت را نشان میدهند / حق به عاشقان حق دار و حق گو مدد برساند / تا در غروب تاریکی مردم روی نورانی سعادت را ببینند

باهار گولور - اسماعیل جمیلی

 باهار گولور بولاغ گولور گول گولور

گول گؤزه لیم گولر اولسون حیاتین
گول چیچیین گولوشویله عومور سور
خوش گؤرویله سئوینجینی آل ساتین
*
سئوگیمیزین اسن سرین یئل ایله
آرزوموزون فیدانلاری گول آچیر
سئودامیزین سازدا هارای تئل ایله
داغ دالیندان اومود گونو نور ساچیر
*
قارا قیشدیر داملا داملا اریین
آیدین دورو بولاغلارا عشق اولسون
قارانلیقدیر اولدوز اولدوز چوروین
یانارسؤنمز چراغلارا عشق اولسون
*
یئرسیز یئره دیره نسه ده قارا قیش
آرزی یازی کؤنلوموزده یازلانیر
پوهره وئرن گول چیچکلی هر ناخیش
سازیمیزدا سؤزوموزده نازلانیر
*
اؤزگور یازین آرزیسیدیر یاشانیر
توتساق اسیر آنا وطن قوینوندا
بیزیم اولان گله جکدیر بویلانیر
گونش کیمی هر گئجه نین سونوندا
*
بیزیم یازدا یاللی گئدر دورنالار
قوجاق قوجاق چیچک آچار چمنده
آنا دیلده دوداقلاردان بال دامار
آزاد ائلیم آزاد یاشار وطن ده

اسماعیل جمیلی یاز 2009
..
بهار می خندد
بهار می خندد ، چشمه می خندد ، گل می خندد
زیبایم بخند تا زندگی ات سراسر شادی باشد
بخند که همراه با شادابی گل زندگی ات بگذرد
با زیبائیها شادی را از آن خود کن
*
با نسیم خنک عشق مان
غنچه های آرزویمان باز می شود
با تارهای موسیقی عشق مان
نور امید از پشت کوهها روشنی می بخشد
*
آنچه قطره قطره ذوب می شود ، زمستان سیاه است
درود بر چشمه های صاف و زلال
تاریکی است که مثل ستاره تکه تکه می پوسد
درود بر چراغهای روشن جاودان
*
حتی اگر زمستان تیره برزمینهای بی صاحب چنگ بزند
بهار آرزو در دلمان شکوفه می کند
نقش و نگار شاخه جوان هر گلی
در ساز و ترانه مان ناز می کند
*
آرزوی بهار زیبای آزادی است که
در آغوش وطن اسیر و گرفتار
آینده ای که متعلق به ماست سرک می کشد
در پایان هر شب تیره ای
*
در بهار ما درناها یاللی می رقصند
روی چمنها گلها دسته دسته می رویند
از لبها عسلی به نام زبان مادری می چکد
ایل ازادم ، در وطن آزاد زندگی می کند

اسماعیل جمیلی اؤز دیلیجه ن

سایقیلار سئوگیلرعزیز خانیم موسوی
بیر دوستون یازدیغی آدرسله سیزین یازینیزی اوخویوب دیرلی دوشونجه و ایستکلرینیزیله بیر اددیم دا اولسا تانیش اولدوم
یازیلاریمی فارسجایا چئویردیینیز اوچون چوخ ساغ اولون
من تبریز دن وامیره قیز محلله سیندن 54 یاشدا سورگونده یاشایان میلیونلار وطنداشلاریم کیمی یوردوموزدا اولان درین دردلردن درین یارالی بیریسی. اوزون اییللر اوروپادا وایندی اون ایل اولار کالیفورنیاد یاشییرام تبریزلی صائب آدلی چئویرمه لر توپلوسو تبریز ده نشر اولونوب کی اؤن سؤزونو رحمتلیق استاد فرزانه یازمیشدیلار بیر غزل توپلوسو باکیدا نشر اولماقدادیروبو گونه قدر وارلیق ژورنالیندا وتریبون درگیسینده و آذربایجاندا یاییلا بیلن چوخلو درگیلرده یازیلاریم یاییلیبدیر
هابئله او تایلی بوتایلی سایتلاریمیزدا یازیلاریم یاییلیر.
بیلدییینیز کیمی نه زامان میللی دولتیمیز اولوب کی دیلیمیز و یازیمیز آزاد یاییلا بیلسین اوکی بو گونلر یازیلیر و مین بیر زورلوقلا ایشیق اوزو گورور میللی غیرت دن آزادلیق سئوداسیندان گوج آلیر.من بئله اینانیرام کی یوردوموزدا .

آزادلیق آنجاق ایکی اساس مسئله نین حل اولماسیله مومکوندور اودا قادینلاریمیزین دوغال حقلرینین
و مییلی مسئله نین انسان حقلرینین رعایت اولماسیله چاره تاپماسی.

سیزه دیرلی ایشلرینیزده باشاریلار جان ساغلیغی و سئوگیله سئویج
آرزولارام
حورمتله اسماعیل جمیلی
…
مختصر در مورد اسماعیل جمیلی
اسماعیل جمیلی متولد تبریز و از بچه محل های امیره قیز است. او 54 سال دارد . سالها پیش به اروپا مهاجرت کرده و اکنون حدود ده سالی است که مقیم کالیفرنیاست. کتاب تبریزلی صائب چئوریرمه لری به ترجمه وی با مقدمه مرحوم استاد فرزانه ، در شهر تبریز به چاپ رسیده است. مجموعه غزل هایش در باکو آماده نشر است.
مقاله ها و اشعار اسماعیل جمیلی در نشریه های وارلیق و تریبون و همچینین نشریه های آذربایجانی به چاپ می رسد.
او معتقد است ازادی بر پایه دو موضوع اصلی استوار است . یکی احقاق حق مسلم زنان و دیگری احقاق حقوق ملی تمامی انسانها

آرزی یازی - اسماعیل جمیلی

باهار گولور سن ده گولوم گول باری
گول گتیرسین عمرون گونون گول باری
غمین دردین قارا دؤنسون اریسین
یاز گتیرسین سئودامیزین پریسین
قادا قورخو غم دومانی قووولسون
درد وئرنلر درد ایچینده بوغولسون
کوسگون گولوش دوداغ ایله باریشسین
یئنی گونلر آرزیمیزدان دانیشسین
گلسین ائله سئوگی سئوینج آنلاری
گوله دولسون یوردوموزون باهاری
آشیق دئسین گؤزه ل له مه داغلارا
جان جان دئییب جان ائشید سین یار یارا
وصال گلسین هجران دمی سوووشسون
آنا دیار اؤزگورلویه قوووشسون
پوهره وئرسین قیزیل گوللر دوستاقدان
آدیم سانیم جان قورتارسین یاساقدان
آنا دیلده بولبول دئسین سؤزونو
اؤز عطریله گول تانیتسین اؤزونو
یوردوموزون آرزی یازین اؤزلوروک
ائل شنلییین ائل بایرامین گؤزلوروک
**
بهار آرزو
بهار می خندد ، تو هم بخند گلم
بخند تا عمرت یر از گل شود
غم و دردت همانند برف آب شود
بهار پریزاد عشقمان را به ارمغان بیاورد
گرد و غبار ترس و بلا زدوده شود
مسببان درد ، خود در چنگال درد غرق شوند
خنده و شادی ، با لبها آشتی کند
روزهای خوش آینده با آرزوهای شیرینمان همدم شود
دوستی و عشق به ملتمان برگردد
بهار دیاریمان پر از گل و شکوفه شود
عاشق در دل کوهها نغمه سرائی کند
یار با دلدارش گل بگوید و گل بشنود
وصال از راه برسد و هجران رخت بربندد
وطنم به آزادی برسد
گلهای سرخ محبوس جوانه بزنند
اسم و رسمم جانم را از ممنوعه ها برهاند
بلبل به زبان مادری نغمه سرائی کند
گل با عطر خود ، خود را بشناسد
منتظر بهار آرزوی مردم هستیم
منتظر عید و شادی مردم هستیم

بایرام - اسماعیل جمیلی

بایرام سنین گؤروشوندور
ایل دؤنومو باهانه دیر
باهار سنین گولوشوندور
سؤز صحبتین ترانه دیر

یاناقلارین قیزیل گولدور
باخیشلارین سئوگی سئلی
سئودان منی ائدیب دلی
سویله مه بو ادا نه دیر

گول گؤزه لیم گوللر آچسین
یاسمن لر عطیر ساچسین
غم داغیلسین غصه قاچسین
زمان یامان زمانه دیر

گونش سریب تئلین داغا
گول سوفره سین آچیب باغا
بیرجه اؤپوش بایراملیغا
وئرسن اگر شاها نه دیر

*
عید
هدف از عید دیدار توست
نوروز بهانه است
بهار لبخند توست
حرف و سخن ات ترانه است

گونه هایت گل محمدی
نگاهت سیل عشق
عشقت دیوانه ام کرد
نگو این چه ادائیست

زیبای من بخند تا گلها بشکفند
یاسمنها عطرافشانی کنند
غم و غصه بگریزند
زمان زمانه بدی است

خورشید گیسوانش را به کوه افشانده
گل سفره اش را بر باغ گسترده
بوسه برای عیدی

ا گر بدهی هدیه ای شاهانه است

اسیر - اسماعیل جمیلی

باهار چاغی غنچه باری سولماسين

اسن کولک سونبول ساچين يولماسين

کيمسه سورگون کيمسه غريب اولماسين

خزان يئلی قاچيرسادا بولبولو

عومور وار کن بولبول اونوتماز گولو
..
غريبليگين آدی قالسين اؤزو يوخ

آيريليغين کولو قالسين کؤزو يوخ

او کيمدير کی وطنينده گؤزو يوخ

داديم دوزوم قول قاناديم وطنده

سازيم سؤزوم سانيم آديم وطنده
..
ليلی واردير مجنون يوخدو ر بيلن آز

بيزيم يئرده آغلايان چوخ گولن آز

گؤرنه گوندور قارغا ائدير گوله ناز

غملی يئللر اسيروطنده ن اسير

دوغما تورپاق عطری صبريمی کسير
....
اسیر
هنگام بهار غنجه و بار پژمرده نشود
باد وزنده گیسوی سنبل را پریشان نکند
کسی تبعید ، کسی غریب نشود
باد خزان بلبل را هم ببرد
تا عمر باقیست بلبل گل را فراموش نمی کند
..
اسم غریبی بماند ، خودش نه
خاکستر جدائی بماند ، آتش سرخش نه
کیست که چشم بر وطن ندوزد
بال و پرم ، زندگیم هست وطن
حرف دلم ، بال و پرم هست وطن
..
لیلی هست و مجنون نیست و کمتر کسی می داند
دروطن ما غمگین فراوان و خندان کم
چه روزگاریست که زاغ به گل ناز می فروشد
باد غمین در وطنم می وزد
خاک مادریم صبرو قرارم را می برد

قادین - 2 - اسماعیل جمیلی

قادین

خانیم

خاتین آنا
جانیندان جان پایی وئرن انسانا

یاشام باغیشلایان جا ها نا
..
قادین

سئوگی اوجاغی

سئودا سرایینین چیچکدن تاجی
..
قادین

رحمتینین نعمتیله

دردلریمیز تاپان درمان

قارشیلیق گؤزله مه دن

ایسته مه دن

عومورون گونون ائدن احسان
..
قادین

قارانلیق یاسالارین

کوف قاپسایان دوسیالارین

هورومچکلی ایناملارین جایناغیندا

اولان قوربان

دوندان دونا گیرن

نان کورلارین دوزاغیندا
سسیز الولانان

آلیشان یانان

گونش کیمی اؤزو اؤزلویو دانیلان
..
قادین

داش باشلارین قورقوسوندا داشلانان

قول تک آلینان ساتیلان

چاره سیزلیک چمبرینده یانیلان یاندیریلان

اویدورمالار قامچیسیله دانیلان

یاریم آدام سانیلان
..
قادین

یئنه ده قادین

قادینلیغی یاشامین یئنیلییین یاز نفسی

سئوگینین سئودانین گؤزه للییین سسی

..
قادین

اینجه لییین اینجی بولاغی

قادین شیرین لایلالار قوجاغی

قادین حیاتین آنا اوجاغی

..
اسماعیل جمیلی
منبع :
http://www.11007.baybak.com/4627.azr
..

زن

بانو
خاتون ، مادر
آنکه از جانش ، جانی به انسان می بخشد
آنکه زندگی به جهان می بخشد
..
زن
اجاق عشق
گل سرسبد کاخ محبت
..
زن
آنکه در سایه زحماتش
بدون چشم داشت
ناخواسته
عمر و زندگیش را احسان می کند
..
زن
آنکه زیر قوانین تیره
پرونده های پوسیده
پنجه های عنکبوتی باورها
قربانی شده
از لباسی به لباسی دیگر در آمده
در دان نمک نشناسان
بی صدا آتش گرفته
شعله کشیده و سوخته
مانند خورشیدی که خود و خود بودنش انکار شده
..
زن
آنکه با سنگ خاک برسران ، سنگسار شده
مانند برده خرید و فروش شده
در تل بیچارگی سوخته ، به آتش کشیده شده
با شلاق توجیه و تفسیر ، انکار شده
نیمه انسان شمرده شده
..
زن
باز هم زن
آنکه زنی اش ، نفس تازه بهار زندگیست
آنکه صدای عشق و محبت و زیبائیست
زن سرچشمه گرانبهای لطافت
زن آغوش شیرین لالائیها
زن ، مادر اجاق زندگی

**

لینک در بلاک نیوز

باهار

بولبوله وئردی خبر غونچه باهارین گلیشین
شخته نی قوودو صبا تندیری قیزدی گونه شی
چیله دی گؤز یاشینی گولشنی گولدوردو بولود
اسن آغ یئل قیرووون قارلی قیشین چکدی دیشین
چیچه گین آچدی اوزون قیلدی چیراغان چمنی
دؤشه دی داغ دؤشونه اوستا دوغا اؤز ال ایشین
آغ گئیه ن یاسمنی اؤپدی گلینیلیکده بولاغ
نازیله وئردی صبا موژده فراقین بیتیشین
یام یاشیل اویلاغینا سوردو سورویله قوزونو
توته گین چالدی چوبان چه کدی دابانین چه پیشین
تئلینین تارلاسینی ییغدی بوروندو بولودا
اوندا کی گؤدو گونه ش آینا بولاغلاردا ائشین
سالدی گؤی قورشاغی قول بوینونا جئیرانلی داغین
قوجاغین آچدی قایا ایلک اؤپوشون وئردی پئشین
منده بیر بولبول اولوب باغدا بوداغدا اوخورام
قارا گونلرده قارا قیش کیمی چه کسه قمیشین
خوش او آنلار کی آچار آرزی باغیندا گولوموز
اوخونار قورتولوشون نغمه سی دینلر له له شین
شاعر : اسماعیل جمیلی
ترجمه به فارسی
غنچه به بلبل خبر آمدن بهار را داد
صبا یخبنداتن را راند و تنور خورشید گرم شد
ابر اشک چشمانش را پاشید و گلشن را شاد کرد
باد وزنده دندانهای زمستان پر برف را کشید
رخ گل را باز کرد چمن را چراغان نمود
استاد بر دامنه کوه کاردستی خود را پهن کرد
چشمه یاسمن عروس سفید پوش را بوسید
صبا با ناز و کرشمه مژده پایان جدائی را داد
به دشت سرسبز گله گوسفند را برد
چوپان توتکش را زد . پاشنه بز را کشید
مزرعه گیسویش را جمع کرده با ابر پوشیده شد
وقتی که خورشید همسرش را در آینه چشمه دید
آسمان شال خود را به گردن کوه پر اهو انداخت
صخره آغوشش را باز کرد بوسه اولش را داد
من نیز بلبلی شده در باغ و شاخه می خوانم
اگر روزهای سیاه مثل زمستان تیره نی اش را بکشد
خوشا آن زمانی که در باغ آرزو گلهایمان باز شود
نغمه رهائی خوانده می شود و گوش می کند این بنده
....
شخته : یخبندان
چیله مه ک : پاشیدن ، نم نم باریدن
اسن یئل : باد وزنده
دؤشه دی : پهن کرد
بیتیش : تمام
یام یاشیل : کاملن سبز ، سبز سبز ، سر سبز
چپیش : بز نر یک ساله
تارلا : مزرعه
قورشاق : کمر ، شال
قایا : سنگلاخ ، سنگ ، صخره
چه کسه قمیشین : نی اش را بکشد ، منظور دست از سرمان بردارد ، مزاحم نشود
قورتولوش : رهائی
دینلر : ائشیده ر

له له ش : نوکر ، بنده ، منظور این بنده ، من

باغیشلا منی

گولدولر حاليما سنسيز اؤزگه لر

آغلاديم گولمه ديم باغيشلا مني

آيرليق اولسادا اؤلومدن بتر

سنسيز من اؤلمه ديم باغيشلا مني

...

آخديم قوروماديم دوندوم بوزاولدوم

سارالديم سولماديم يانديم کؤز اولدوم

سوورولدوم سورولدوم يورغون توز اولدوم

ايزيمي سيلمه ديم باغيشلا مني

...

اؤزومده قوورولدوم اؤزومده يانديم

سنيله يوخلاديم سنله اويانديم

درديمه درمانسيز دؤزدوم دايانديم

جزانا گلمه ديم باغيشلا مني

...

دوداغدا گولوشو گؤزده نميمي

کؤنولده داغيمي داغدا چميمي

ياديله سنيمي سنسيز غميمي

بؤلوشه بيلمه ديم باغيشلا مني

نام شاعر : اسماعیل جمیلی
...
ترجمه به زبان فارسی
ببخش مرا

بی تو دیگران به حالم خندیدند
گریستم ، نخندیدم ، ببخش مرا
اگر جدائی بدتر از مرگ هم باشد
بی تو نمردم ، ببخش مرا
...
جاری شدم ، خشک نشدم ، یخ زدم ، یخ شدم
زرد شدم ، پژمرده نشدم
گرد شدم ،گرد شدم ، غبار خسته شدم
ردم را پاک نکردم ببخش مرا
...
درخودم بریان شدم ، در خودم سوختم
با تو خوابیدم ، با تو بیدار شدم
به در د بی درمانم ، تحمل کردم ، ایستادم
به جزایت نیامدم ببخش مرا
...
لبخند لبانم را ، نم چشمانم را
داغ دلم را ، مه کوههایم را
یاد تو ام را ، غم بی توام را
نتوانستم قسمت کنم ، ببخش مرا

قادین - 1 - اسماعیل جمیلی

گؤزللیگین آدی قادین
مین ایللرین آخیشیندا
درین دردی اینسانلیغین اوز قاراسی
قورخو دولو اینجارلارین باخیشیندا
آجیلاری تاریخین آچیق یاراسی
یاشامین ایره لیشی
دونیانین یاریسی قادین
یارانیشین اینجه ایشی
گؤزللیک تانریسی قادین
قارا گونلر قامچیسیلا
ایرنج دایاز یاسالارین اوراغیلا
نوختا قیران هوسلرین
کوف قاپسایان یازیلارین یاراغیلا
قول بازاریندا اوجوز آلینان
سویولان دریسی قادین
جنت لرین باها ساتیلان
اویدورما پری سی قادین
بوش سؤزجوکلر بوکویونده بوکولن
سؤمورگه نین جایناغیندا سؤکولن
جانیندان جانلار بؤلونه ن
تانری لارلا دوران یان یانا قادین
سئوگی سی اوغروندا اؤلن
سئودا گؤلونده سونا قادین
یازدا قیشدا عطیر ساچان چیچکلی دال
لایلالارین دوداغیندا
گوندن گونه دادلانان بال
سئویلمه دن سئوه ن قوتسال
یاشامین معناسی قادین
یارین لارین آناسی قادین
سئوگیمیم دادی قادین
گؤزللیگین آدی قادین
*
نام شاعر : اسماعیل جمیلی
*
ترجمه به زبان فارسی

زن
اسم زیبائیها زن
در طول هزاران سال
درد عمیقش رو سیاهی انسانیت
در دیدگاه حرکتهای پر از وحشت
دردهایش زخمهای سرباز تاریخ
به پیش برنده زندگی
نصف دنیا زن
کار زیبای آفرینش
خدای زیبائی زن
با شلاق روزهای تیره
با داس چندش آور قانونهای سطحی
هوسهای از زنجیر رها شده
در بازار برده فروشان ارزان خریده شده
پوستش کنده شده ، زن
در بهشت ها گران فروخته شده
به ریا پری نامیده شده ، زن
در کلمه های سبک تا شده
از جانش جانها جدا شده
با خدایان دوشا دوش ایستاده زن
درراه عشقش جان داده
در دریای عشق ، سونا زن
در بهار و تابستان ، گل عطرآگین
در لبهای لالائیها
همانند عسل روز به روز شیرین شده
معنای زندگی زن
مادر فرداها زن
مزه عشق زن
اسم زیبائیها زن