زلزله 2 - نادر الهی

بایاق آجیقلانیب طیفیل    اوشاغا

تاپیم گویلون آلیم، دئیب تله سیر

آراییر،    آختاریر      باشی آشاغا

ال لری  تیتره ییر، اوره گی  اسیر

هله  بیرآزداگئی  بو  کوهنه لری

بایراما چوخ قالیر،  نه خبریندی؟

بایاق  آجیقلانیب، بایاقدان  بری

اومیدی  دایازدی  غمی  دریندی

آراییر    آختاریر، یادینا    دوشور

نازلانا نازلانا کوسوب قاشماغی

تورپاغی آریدیر   تورپاغی ائشیر

تورپاغدان تاپیلر بیرتای باشماغی

بالاتک   باشماغی      باغرینا       باسیر

مله ییر       بولوت تک   او،        یاغا یاغا

چشمه  قولاغ  آسیر  چای  قولاغ  آسیر

سس دوشور دره یه، سس دوشور داغا

کوسولو    بنوشه م!   یارالی  لالام!

من  بایرام  هوسلی  نه تهر   قالیم!

گل تزه سین آللام ،  گل نازلی بالام

کوهنه باشماغی نین قاداسین آلیم.....

*

از وبلاک نادر الهی

*

زلزله 1 - نادر الهی

یئر تیتره دی، داغلار داشلار     لاخلادی

سن ده  تیتره، سن ده  لاخلا،  آقارداش

بیز یوباندوخ....... اؤلوم  سنی  یوخلادی

چیی کرپیچ له، چیی سوواقلا، آقارداش

طالع     طالع    ییخیلان     دامداشیندی

اورموگولو،  قوروچای   گؤز      یاشیندی

گؤرورسن کی    اؤز الین   اؤز باشیندی

اؤز یارانی      اؤزون باغلا،       آقارداش

گؤز آچاندان    اونا بونا    آغلادین

یاغا  یاغا،      یانا یانا      آغلادین

آتا آتا،            آنا آنا        آغلادین

اؤزونه ده  بیرگون آغلا، آقارداش

بو قونشونون     اویما  یالان     فیتینه

بویانماسین    قوی کورکوموز   بیتینه

او توی   توتسون   پیشیگینه     ایتینه

سن یاسینی  اؤزون ساخلا،  آقارداش

یاسا     چاغیر    اردبیلی     موغانی

ناله نی،    شووه نی،   آهی   فغانی

غریب   اؤله ن    هریسی     ورزقانی

اؤزون اوخشا،   اؤزون آغلا،   آقارداش

*

از وبلاک نادر الهی

*

خلقه بولود کیمی - نادر الهی

خلقه بولود کیمی ایللر آغلادیم
هئچ اوزومه بیرگون آغلامادیم من
خلقه قیزیل سَرای باشی باغلادیم
اُوزومه نون باشی باغلامادیم من
***
ای گُوزل ! باشیمدان چیخمادی هاوان
دردین...یوخ ، یوخ...منی اؤلدوردو داوان
ایللر بویو اولدو یئدیگیم یاوان
هئچ قولدورون بوغون یاغلامادیم من
***
دلی شیطان دییر دور قوی اوز داغا
سونا کهلیک کیمی ینه سوز داغا
دؤزدوم دوست الیندن نئجه یوز داغا
هئچ الیمین اوستون داغلامادیم من
***
نادرم سینَه مدَه سیزیلدار یارام
عشقینده ، گوزلیم ، اؤلونجه وارام
دییردیم دردیندن داها دیغلارام
نه جانیم برک ایمیش...دیغلامادیم من
…
برای دیگران مانند ابر
به حال دیگران مثال ابر سالها گریستم
به حال خودم یک روز نیز نگریستم
برای دیگران به فکر ساختن کاخ طلا افتادم
برای خودم فکر یک تکه نان نشدم
..
ای زیبای من ، فکرت از سرم بیرون نمی رود
دردت نه که درمانت مرا کشت
اگرچه سالها سفره ام بی خورشت ماند
اما به هیچ قلدری چاپلوسی نکردم
..
شیطان می گوید سر به کوه بگذار
مانند کبک نر کوه نشین شو
از دست دوست صدها درد تحمل کردم
یاز پشت دستم را داغ نکردم
..
نادرم ، گرچه زخم سینه ام می سوزد
اما تا دم مرگ عاشقت خواهم ماند
فکر کردم از درد عشقت دق کنم
اما چقدر جان سختم که دق نکردم

...

http://n-elahi.persianblog/ir

من نه چاره قیلیم قارا بختیمه

من نه چــاره قیلیم قــارا بختیمه
زَهَــرلی ایچگیه مـزه نئینه سین؟
سورمه گؤزلیگی بیرآز آرتیرار
آمما دای کوراولان گؤزه نئینه سین؟
***
فلک اوخون آتیر ، الینده یای یوخ
فلکین آتدیغی اوخــلارا سای یوخ
بو گؤزدن او گؤزه هئچ بیرهارای یوخ
ایندی اؤزگـه گلیب بیزه نئینه سین؟
***
حسرت چکدیگیمیز گؤر نئچه ایلدیر
کاش بیر ایل اولایدی ، دییه یدم بیلدیر
گؤزومون یاشلاری چوخ دئمه لیلدیر
سو گؤزَه دَن لیلدیر ، کوزه نئینه سین؟
***
نادرم بیر سینه قیزیل تک کؤزله
یــوللاری گؤزله دیم نیگران گؤزله
سیز دیین ، بو یازیق بیر قوری سؤزله
ایــریه نئینه سین ، دوزه نئینه سین
...

خیاولی شاعر - نادر الهی
...
من چه کنم با بخت تیره ام
من چه کنم با بخت تیره ام
مزه بر می زهرآگین چه کند
سورمه موجب زیبائی می شود
اما بر چشمان کور چه کند؟
..
فلک تیر می زند که زه ندارد
تیرهائی که فلک می اندازد بی شمار است
از این چشم به چشم دیگر کمکی نیست
حالا دیگری به حالمان چه کند ؟
..
ببین چند سالیست که در حسرتیم
کاش فقط یک سال بود و پارسالش می نامیدم
اشک چشمانم فراوان است
بر چشم پر آب کوزه چه کند ؟
..
نادرم با سینه ای پر از آتش سرخ
منتظر راه شدم با چشمان نگران
شما بگوئید با این حرفهای خشک
به کج چه کند ، بر راست چه کند ؟