بئله گئتسه - مدینه گلگون

بو چیچه یین گؤزلرینده یاشا باخ

بو چیچه یی یاندیریبدیر غم اودو

زار - زار اؤتن او یارالی قوشا باخ

بئله گئتسه اغلاداجاق بولودو

*

نئجه دؤزسون آنام تورپاق بو درده

بودق - بوداق یارالانیب آغاجلار

بیر یارالی ، بیر طوفانلی سحرده

بوداغیندان ارالانیب آغاجلار

*

بو چیناردا گول له یئره قارالار

نئجه باخیم بو چینارا ایندی من

چوخ دریندیر سینه نده کی یارالار

دردلرینه قوربان اولوم ای وطن

یئتیر منی - مدینه گلگون

قارداش قوناغین اولدوم

گئدیرم اؤتور منی

آنام یولومو گؤزلر

آناما یئتیر منی

*

گونش بیر آینا توتسون

یوللار شفقه باتسین

لایلاسیلا اووتسون

آراز منی کور منی

*

بیر گون دوشسم یادینا

یانما حسرت اودونا

قوربان کسیم آدینا

گل یوللاردان سور منی

آرزولاریم امیدلریم - مدینه گلگون

عؤمروم پائیزیله قیش آراسیندا
یول سالدیم داغ ایله داش آراسیندا
عؤمروم دئییل گؤزله قاش آراسیندا
منیم آرزولاریم ، امیدلریم دیر
*
یاغیش سئوداسیله دولان بولودلار
او هنر یازیلی عنوانلار ، آدلار
تورپاقین قوینوندا جوجرن اوتلار
منیم آرزولاریم امیدلریم دیر
*
آیلارا ایللره همسفر اولان
آیلارا ایللره کررپو سالان
ایلهامی شفقتی ائللردن آلان
منیم آرزولاریم امیدلریم دیر
*
بیر گلین آنانین سئوگی دونیاسی
بیر کؤرپه بالانین شیرین رؤیاسی
باهارلی باغلارین پائیز خونچاسی
منیم آرزولاریم امیدلریم دیر
*
وطنین چاغلایان بوز بولاقلاری
وطنین بال دادان اؤز بولاقلاری
وطنین توکنمز سؤز بولاقلاری
منیم آرزولاریم امیدلریم دیر
*
گؤیلرین اولدوزو ، آیلی عالمی
یئرده یاشیل تارلا ، کهربا زمی
دالغالار قوینوندان یول آچان گمی
منیم آرزولاریم امیدلریم دیر
*
عؤمرومون طوفانلی یاغیشلی یولو
ناراحات گونلردن ناخیشلی یولو
عؤمرومون داشلی ، یوخوشلو یولو
منیم آرزولاریم ، امیدلریم دیر
*
نعنالی ، مرزه لی ، رئیحانلی لکلر
قووسی قزه لردن سوزولن رنگلر
وطن گؤی لرینده چاخان شیمشکلر
منیم آرزولاریم ، امیدلریم دیر
*
چؤللرین دیزلرین زومرود پالتاری
اینسانین ، اینسانا عهدی ایلقاری
قوشلارین وطنه دؤنن قاتاری
منیم آرزولاریم ، امیدلریم دیر
*
اوزومه آچیلان هر آیدین سحر
نغمه مه نور چیلر ، قول – قاناد وئره ر
ساچیما تؤکولن بو آغ چیچکلر
منیم آرزولاریم ، امیدلریم دیر

دورغون سولار چاغلایارسا - مدینه گلگون

آنام منیم آز آغلاسین
دورغون سولار چاغلایارسا
نه پاییز نه یاز آغلاسین
دورغون سولار چاغلایارسا
*

آغلاماقلا درد ساغالماز
یاز گلمه سه باغ ، باغ اولماز
یقین دونیا بئله قالماز
دورغون سولار چاغلایارسا
*

گوللر طالئع اولکریمیز
دورولار غم شهریمیز
دوغار قیزیل سحریمیز
دورغون سولار چاغلایارسا
*

گؤیلر یقین تمیز اولار
سئوینجیمیز دنیز اولار
تبریز همان تبریز اولار
دورغون سولار چاغلایارسا
*

نئچه دردلی آنا گولر
سئوگی گولر ، سئودا گولر
باشدان - باشا دونیا گولر
دورغون سولار چاغلایارسا
*

عؤمور بیرده شیرین له شر
تسلیم اولار خئیره ، شر
قاپیلارا شفق دوشر
دورغون سولار چاغلایارسا
*

بنؤوشه لر تئلده گولر
آی دا گولر ، ائل ده گولر
تورپاق گولسه ، ائل ده گولر
دورغون سولار چاغلایارسا
*

قاتارلانار دورنالاردا
دورنالار وار هر دیاردا
اینسان عؤمرو قالماز داردا
دورغون سولار چاغلایارسا
*

کام آلار دویونجا دونیا
یارالانماز بونجا دونیا
جاوانلاشار قوشا دونیا
دورغون سولار چاغلایارسا

دیل دیل اؤتدوم - مدینه گلگون

دردیمی ناغیل ائیله دیم
سئللر دؤزمه دی - دؤزمه دی
یاندی سینه م ، دویمه له دیم
گوللر دؤزمه دی - دؤزمه دی
*
من یاندیقجا دؤندوم نئیه
یاندیم وطن دئیه - دئیه
بو حسرت ، بو عربتلییه
ایللر دؤزمه دی - دؤزمه دی
*
منم کوچ ییغیب آچاندا
ایللرین قاری ساچیمدا
قالدیم یوللار آیریجیندا
یوللار دؤزمه دی - دؤزمه دی
*
باشیم اوسته چاخدی شیمشک
حالدان - حالا دوشدو اوره ک
دیل - دیل اؤتدوم کؤرپه قوش تک
چؤللر دؤزمه دی - دؤزمه دی
*
سئوگیم غریب قالدی ، قالدی
عؤمروم خزان اولدو ، اولدو
گؤزوم یاشلا دولدو ، دولدو
گؤللر دؤزمه دی ، دؤزمه دی
*
آچدیم دردیمی من سازا
ساری سیمده اؤتن سازا
ساز گلدیکجه اهتزازا
تئللر دؤزمه دی ، دؤزمه دی
*
منیم نیگاران عؤمرومه
ایللر دؤزمه دی ، دؤزمه دی

بو سحر - مدینه گلگون

نه گؤزلدیر بو سحرین ایشیغی
گوللر آچدی ، چایلار داشدی بو سحر
نه گؤزلدیر دوغما یئرین ایشیغی
کؤنلوم تزه نغمه قوشدو بو سحر
*
دایاندیلار گوللر یئنه اوز - اوزه
قانادلانیب قوشلار وئردی سس - سسه
طبیعتله دوردوم نفس - نفسه
یادیما او داغلار دوشدو بو سحر
*
یئنه یاغدی یاز یاغیشی ، نه یاغدی
تورپاق اوسته دامجیلار ایز بوراخدی
نه گؤزلدیر طبیعتین گول تاختی
یئرده گؤیده دوغمالاشدی بو سحر
*
بو باهارین موژده سیله گولموشم
بو باهارین پئشوازینا گئتمیشم
چیچکلرین نفسیندن بیلمیشم
اونلاریندا کؤنلو خوشدور بو سحر
*
گول مجلیسی گؤرمه میشدیم بئله من
نه آد وئریم بو چمنه ، چؤله من
سئوگیمیزی گتیرمه زدیم دیله من
سئحیرلندیم دیلیم چاشدی بو سحر
*
آیلار کئچدی ، آیلار اولدو ایل ، گولوم
کؤنلوم سن سیز هئچ آچیلمیر بیل ، گولوم
دورنالار لا سنده قاییت ، گل گولوم
تکجه سنین یئرین بوشدو ، بو سحر

کاروانیمدا آیریلیغین کؤکو وار - مدینه گلگون

آنا دئدیم داغ باشینی چن آلدی
بو حسرتی هانسی سیمده چالیم بس ؟
غمدن باشق اوره ییمده نه قالدی
یاشیللانار گؤروم نه واخ یولوم بس
...
کاروانیمدا آیریلیغین کؤچو وار
بو کارواندا والله بیر فیل گوجو وار
دئدیم دومان کئچر ، تئزی گئجی وار
دومان کئچمیر نئجه راحات اولوم بس
...
او طالئعی ، باختی تالان گوللرین
گئج آچیلان ، گئج یومولان گوللرین
او داغیلان حشم اولان گوللرین
سوراغینی ایندی کیمدن آلیم بس
...
ینئوشه نین گؤزلرینده نمه باخ
قرنفولون چؤهره سینده غمه باخ
کؤورولموشه م به نده م بیرجه هیمه باخ
بولود آغلار ، قاریشماسین حالیم بس
...
بو تورپاغین ایچی غمدیر اوزو غم
هئی اویوتدو دییرمان تک بیزی غم
دئدیم ، کئچر قیش ، گؤرمه ریک یازی غم
داشدی یئنه غم ، من نئجه گولوم بس
...
بو تورپاغین یازیسیدیر قارالانیب بو یازیم
نه زاماندیر قارالانیب بیاضیم
به هه ر واختی طوفان گؤردو پاییزیم
نئجه سوسوم نئجه راحات قالیم بس
...
بیر ووصالین کؤرپوسونه حسرتم
نه زاماندیر آنام سنه حسرتم
من یولومو دئیین هاردان سالیم بس
...
شفق اولوب قاپی – قاپی دوغماسام
یاز سئلی تک باغچالارا آخماسام
آیریلیغین آخیرینا چیخماسام
نئجه گولر گونوم ، آییم ایلیم بس ؟

نئجه آچار باغچامداکی گولوم بس ؟

غریب سؤیود - مدینه گلگون

امان الله بو سؤیوده رحم ائله
تنهالیقدان اسیم – اسیم اسیر او
او کؤرپه جه یارپاقلارین دیلیله
سانکی دئییر ، یوخ بیر کسیم ، اسیر او
*
بیر غریبین گؤرکمی وار سؤیودده
طالئعه باخ ، گردیشه باخ ، ایشه باخ
هر بیر یارپاق بیر سؤز ساخلار ، سؤیودده
یقین سؤیود بئله قالیب قالاجاخ
*
بیر گلینین اهی دا وار سؤیودده
من نه دئییم بو پریشان گؤرکمه
بیر کارواندان حسرت قالار سؤیودده
بؤیوک دؤزوم وار سؤیودده ، سن دئمه
*
بیر ناشینین ناشی سؤزو سریودده
زامان گلر ، زامان کئچر ، قوورائلرپ
بیر طالعین اودو کرزو سؤیودده
زامان گلر زامان کئچر دوور ائلر
*
باری یوخدور سئوگی یاشار سریودده
بو سئوگیله چتیرله نر کؤلگه سی
یارپاقلاردیر پیچیلداشار سؤیودده
ائی طوفانلار ، باتیرمایین بو سس
*
بو بوداقلار ، بو یارپاقلار ، به هر بار
کیمسه بارسیز سؤیله مه سین سؤیوده
زامان – زامان گلیب – کئچیب یولچولار
ائله یاشیل چادیر دئسین سؤیوده
*
آز اویناتسین قوی اتینی طوفانلار
تک ده قالسا ، قیریلماسین بو سؤیود
هر اغاجین بو تورپاقدا کؤکو وار
اؤز کؤکوندن ایریلماسین یو سؤیود

*

گیزله ده بیلمه دین - مدینه گلگون

نه یامان سویویوب الینین اودو
دونارام اللرین دیسه الیمه
ائله بیل اول کی سئوگین ده یوخدو
آمان ! بو سؤزلرده گلدی دیلیمه
*
اوره ییم چوخداندی هراسان ایدی
من اوزه وورماغا قورخوردوم واللاه
باخدیم باخیشلارین گؤر نه لر دئدی
هر سؤزو گؤزوندن اوخودوم واللاه
*
بو لال باخیشلارین الفباسینی
کاش کی ، دویمایادیم ، اوخویوب بئله
سن بو الفبانی ، سن بو یازینی
گیزله ده بیلمه دین کیپریکلرینله
*
نتوانستی پنهان کنی
چقدر سرد شده گرمای دستانت
یخ می زنم وقتی دستایت به دستم می خرود
گویا عشق اولیه ات دیگر نیست
وای! این حرفها هم به زبانم آمد
*
دلم خیلی وقتهاست که هراسان بود
از گفتنش می ترسیدم ، به خدا
نگاهت کردم ، ببین نگاهت چه ها تعریف کرد
همه حرفهایت را از چشمانت خواندم ، به خدا
*
الفبای این نگاه لالت را
کاش هرگز نمی خواندم ، نمی فهمیدم
تو این الفبا را ، این نوشته ها را
نتوانستی پشت پلکهایت پنهان کنی

*

دئسم دونیا قدر - مدینه گلگون

دئسم دونیا قدر سئویرم سنی ، اینانما
دئسم سما قدر سئویرم سنی ، اینانما
دئسم سئللر قدر سئویرم سنی ، اینانما
دئسم گوللر قدر سئویرم سنی ، اینانما
*
بعضن دیل یانیلار، دیل چاشابیلر
اورکدن سورغوسوز دانیشابیلر
گلمز نه حئسابا ، نه سایا سئوگیم
سیغیشماز بو گئنیش دونیایا سئوگیم
*
دونیایا سیغمایان بو سئوگیم کی وار
منیم اوره گیم ده یاشایار قالار
اوره ییمده چاتار ابدیته
اینان بو سئوگی یه بو محبته
*
اگر بگویم به اندازه دنیا
اگر بگویم به اندازه دنیا دوستت دارم ، باور نکن
اگر بگویم به اندازه آسمان دوستت دارم ، باور نکن
اگر بگویم به اندازه سیل ها دوستت دارم ، باور نکن
اگر بگویم به اندازه گلها دوستت دارم ، باور نکن
*
گاهی زبان اشتباه می کند و می لغزد
بدون اجازه از دل ، سخن می گوید
عشقم نه حساب ف نه اندازه ای دارد
داخل این دنیای پهناور نیز جای نمی گیرد
*
این عشق بزرگتر از دنیا که من دارم
در دلم زندگی می کند و می ماند
در دلم به ابدیت می پیوندد
باور کن این عشق و محبت را
*

دونیا - مدینه گلگون

هر کس بو دونیایا بیر قیمت وئردی
گاه آلقیش ائشیتدی ، گاه قارقیش دونیا
منه بوللو – بوللو حسرت گؤنده ردی
قویدو یولوم اوسته قارا داش دونیا

*
حسرت بیر آن منی ترک ائله مه دی
ساز مئهی ساچیما زر اله مه دی
سینه مه اللریم سو چیله مه دی
بئله گؤرمه یه یدی منی کاش دونیا
*
چوخو طالعیمه بیگانه قالدی
بو اوشوین کؤنلوم ویرانه قالدی
سورما ویرانه ده داها نه قالدی
بعضن دولو اولوب بعضن بوش دونیا
*
دنیا
هر کسی قیمیتی به این دنیا داد
این دنیا گاهی مرحبا و گاهی نفرین شنید
به من حسرتی بسیار داد
سر راهم سنگ سیاه انداخت ، این دنیا
*
حسرت یک لحظه رهایم نکرد
نسیم بهاری بر موهایم زرافشانی نکرد
دستم آب خنکی بر دلم نپاشید
کاش دنیا مرا این چنین نمی دید
*
خیلی ها با اقبالم بیگانه ماندند
دل سردم ویرانه ماند
نپرس که در این ویرانه دل چه ماند؟
گاهی پر و گاهی خالی شد ، دنیا

ساری بولبول - مدینه گلگون

ساری بولبول ، ساری سیمده اؤتورسن
بو فریادا گوللر دؤزمز قورخورام
اومیدینی اینامینی ایستیرسن
جوشوب داشان سئللر دؤزمز قورخورام
*
ساری بولبول ، ساری سیمده اؤتمه سن
عؤمرون بویو یئتر فغان ائتمه سن
سئل ده گلسه ، غربت ائله گئتمه سن
گئتسن ، باغلار ، چؤللر دؤزمز قورخورام
*
بئله ائتسن داغ باشیندا چن قالار
قیزیل گولون سینه سینی اود قالار
اود ایچینده حشم اولار بوتالار
بو آتشه ائللر دؤزمز قورخورام
*
ناکام قالسین بیر حسرتی یوز ائدن
آیریل ، آیریل بو طالع دن یازی دان
حسرت اوسته حسرت دوشر تزه دن
آیلار دؤزمز ایللر دؤزمز قورخورام
*
سن بیر گولون عشقیله دیل آچمیسان
تانریم دئییب قیزیل گولو سئچمیسن
پروازلانیب اؤز باغچانا اوچماسان
قانادیندا تئللر دؤزمز قورخورام
*
قناری
قناری که نغمه خوانی می کنی
می ترسم گلها تاب ناله های جانسوزت را نداشته باشند
آنچنان دلتنگ امید و باور از دست رفته ات هستی که
می ترسم سیل های خروشان تاب دلتنگی ات را نیاورند
*
قناری ، این چنین نغمه های جانسوز سر نده
کافی است این همه فغان سر نده
سیل هم بیاید به غربتسان کوچ نکن
می ترسم دشت و دمن تاب دوری ات را نیاورد
*
اگر چنین کنی ، کوهها مه آلود می شود
دل گل سرخ می سوزد و شعله می کشد
بوته ها داخل آتش خاکستر می شوند
می ترسم ایل و تبار تاب این آتش ررا نیاورند
*
الهی ناکام بماند آنکه بر حسرت آدمی می افزاید
از این طالع خودت را دور کن
می ترسم حسرتی دیگر بر این حسرت اضافه شود
می ترسم ماها و سالها تاب نیاورند
*
تو با عشق گلی زبان به نغمه باز کرده ای
به خواست خدا ، گل سرخ را انتخاب کردی
پرواز کرده و به باغ خود پریدی
می ترسم تار تاب پرهایت را نیاورد

بو یوردون

بو یوردون یاشی بللی
باهاری قیشی بللی
قایاسی ، داشی بللی
حسرتیمین یاشی یوخ
...
بو یوردون چؤللری وار
نازنین گؤللری وار
ایلاری ، ایللری وار
حسرتیمین یاشی یوخ
...
یول سالیب قیشا عؤمروم
قالخیر یوخوشا عؤمروم
دولسادا یاشا عؤمورم
حسرتیمین یاشی یوخ
...
مدینه گلگون
...
سن و سال این آب و خاک معلوم است
بهار و زمستانش معلوم است
صخره و سنگش معلوم است
حسرتم سن و سالی ندارد
...
این آب و خاک شحراها دارد
برکه های خوشی دارد
ماهها و سالها دارد
حسرتم سن و سالی ندارد
...
عمرم راهی زمستان شده
به سربالائی می رود عمرم
سن و سالش هم تمام شود
حسرتم سن و سالی ندارد

حیات دان ایسته دییگیم

بیرجه ایچیملیک سو ، بیر اووج تورپاق
بیر چینار کؤلگه سی ، بس ائدر منه
بیر لطیف بنؤوشه ، بیر یاشیل یارپاق
حزین بیر نئی سسی بس ائدر منه
...
بیر سونبول دنه سی ، بیر آیدین سما
بیتمز بیر خاطرات بس ائدر منه
بیر حسرتسیز عمور ، بیر سونسوز وفا
بیر عمورلوک حیات بس ائدر منه
...
بیر کؤرپه گولوشو ، بیر توی صداسی
بیر دوست صداقتی بس ائدر منه
بیر قارانقوش سسی ، بیر یاز هاواسی
بیرده ائل شفقتی بس ائدر منه
...
نام شاعر : مدینه گلگون
...
آنچه که از زندگی میخواهم

یک بار آب نوشیدنی ، یک مشت خاک
سایه درخت چنار برایم کافیست
یک بنفشه لطیف ، یک برگ سبز
صدای غمگین نی برایم کافیست
...
یک دانه سنبل ، آسمان روشن
عمر بدون حسرت ، وفای بی پایان
زندگی به اندازه یک عمر برایم کافیست
...
خنده یک نوزاد ، صدای عروسی
صداقت یک دوست ، برایم کافیست
صدای چلچله ، هوای بهاری

یکی هم شفقت ایل و طایفه ، برایم کافیست

ایندی بیلدیم

بیر زامانلار قیشدا منه باهاردی
هئچ بیلمزدیم کولک نه دی ، یاغیش نه
گئنج لییمی ایللر چالیب آپاردی
ایندی بیلدیم بو یوللاردا یوخوش نه
...
هئی قالخیرام ، بو یوخوشون سونو یوخ
حسرت اودو هئی یاندیریر سینه می
سئوینجیمین ف کدریمین سانی یوخ
هارا یازیم بو سئوینجی بو غمی
...
بعضن قونار سئوینجیمه غم توزو
بعضا جوشار ، سئوینجیمده چاغلار هئی
من تبریزه ، تبریز منه تامارزی
ایکی حسرت بو کؤنولده آغلار هئی
...
کؤورولدیرم هر ده ن چیچه یی گولو
دؤزومومده هرده ن چاتمیر دادیما
نه زامان کی ، اوفوقده دان سؤکولور
تبریز دوشور ، آنام دوشور یادیما
...
شاعر : مدینه خانیم گلگون
...
یک زمانی زمستان نیز برایم بهار بود
هیچ نمیدانستم برف چیش ، باران چیست
جوانیم را سالها غارت کرده و بردند
حالا فهمیدم در این راهها ناهمواریها چیستند
...
هرچه بلند می شوم این ناهمواریها تمام شدنی نیستند
آتش حسرت سینه ام را می سوزاند
نشانی از خوشحالی و غم من نیست
ااین غم و شادی را کجا بنویسم
...
بعضی اوقات روی شادیم گرد غم می نشیند
یعضی اوقات شادیم می جوشد ومی خروشد
من در حسرت تبریزم و تبریز در حسرت من
دو حسرت در این دلم گریه می کند
...
گه گاهی گل و غنچه را می گریانم
تحملم نیز به دادم نمی رسد
هنگام طلوع شفق
تبریز و مادرم به یادم می افتند

درنالار

آپارین منی دورنالار
اوچون ، اوچون دسته دسته
قولاق آسین سیز بو دوستا
الین قانادیزین اوسته
آپارین منی دورنالار
...
دؤزومومو ایللر آلیب
باغلاریم خزل له دولوب
نه زاماندیر سینه م اولوب
حسرت وطنی دورنالار
...
آمان اوردا نیگاراندیر
دئمه یین کی ، یول دوماندیر
سایا سالمایین آماندیر
دومانی چنی دورنالار
...
چینارلاریم اییلمه ییب
خیرمنیم وار دؤیولمه ییب
آپارین سیز وطن دئییب
دیل دیل اؤتنی دورنالار
آپارین منی دورنالار
نام شاغر : مدینه خانم گلگون
ببرید مرا درناها
پرواز کنید ، پرواز کنید ، دسته دسته
به این دوست گوش کند
روی بالتان بگیرید
مرا ببرید درناها
...
سالها ، صبرم را گرفته اند
باغهایم خزان شده اند
سالهاست که سینه ام شده
وطن حسرت ، درناها
...
اما آنجا نگران است
نگوئید که راه مه آلود است
زنهار به حساب نیاورید
مه و غبار را درناها
...
چنارهایم خم نشده اند
خرمنمهایم چیده و آماده نشده اند
ببرید شما و وطن بگوئید
زبان به زبان خواننده را درناها مرا ببرید درناها

یاشادی

آمان الله بو غریبده گوجه باخ
بیر عؤمور وطن دئدی یاشادی
بو غریبدن بیر سوران یوخ، نه سایاق
صبر ائله دی ، صبر ائله دی ، یاشادی
گونو گونه جالاسادا نه فایدا
گؤزو قالدی او ساحیلده ، او تایدا
عوصیان واردی ایچینده کی هارایدا
هارایدان دا واخ دیله دی یاشادی
بو یوللارین طوفانینا دوشدو او
طالئعیندن نئجه نغمه قوشدو او
بیر سحرده بو دنیادان گئچدی او
عؤمرو بئله سپه له دی ، یاشادی
شاعر : مدینه خانم گلگون
امان خدای من قدرت این غریب را ببین
یک عمذر وطن گفت و زندگی کرد
از این غریب کسی نمی پرسد ، چگونه
صبر کرد ، صبر کرد ، زندگی کرد او
روز را روی روز انباشته کند چه فایده
چشمش بر آن ساحل و آن طرف مانده
در فریاد درونش عصیان است
از فریادش هم وقت خواست و زندگی کرد
مبتلا به طوفانهای این راهها شد
از بختش چه نغمه هائی سرود
در یک صبحی از این دنیا رفت

عمر را چگونه پاشید و زندگی کرد