Montag, Dezember 28, 2015

احمد سلجوق ایلخان - اونا یاناریم

Ahmet Selçuk ilkan

Hangi Dudak Seni Böyle Anacak
کدام لب تو را به خاطر خواهد آورد؟
Hangi Kollar Seni Böyle Saracak
کدام بازو تو را در آغوش خواهد کشید؟
Hangi Aşık Sana Böyle Yanacak
کدام عاشق این چنین خواهد سوخت؟
Ben, Ben Sana Yandım ya
من ، من سوختم به خاطر تو آه
Ona Yanarım, Ona Yanarım

برای آن می سوزم ، برای آن می سوزم
Kalbimden Vursaydın Yanmazdım Öyle
اگر بر قلبم ( زخم ) می زدی ، نمی سوختم
Sırtımdan Vurdun ya Ona Yanarım
از پشت سر ضربه زدی ، به این سبب می سوزم
Sakınırken Senli Gözümden Bile
در حالی که به چشمم نیز حسادت می کردم
Ellere Gittin ya Ona Yanarım
به سوی بیگانه رفتی ، برای این می سوزم
*
Sen Oldun Akıtan Hep Gözyaşımı
تو اشک بر چشمانم جاری کردی
Sen Oldun Eğdiren Bu Dik Başımı
توسر افکنده ام کردی
Aşkınla Can Bulan Sabır Taşımı

سنگ صبورم را که با عشق تو جان یافته بود
Yerlere Çaldın ya Ona Yanarım
بر زمین زدی ، برای آن می سوزم

*
Kalbimden Vursaydın Yanmazdım böyle
اگر بر قلبم ( زخم ) می زدی ، نمی سوختم
Sırtımdan Vurdun ya Ona Yanarım
از پشت سر ضربه زدی ، برای این می سوزم
Sakınırken Senli Gözümden Bile
در حالی که به چشمم نیز حسادت می کردم
Ellere Gittin ya Ona Yanarım
به سوی بیگانه رفتی ، برای این می سوزم
*
Vefasızsın Ne Yapayım
چه کنم که بی وفائی
İhanetmiş Senden Payım
سهم من از تو اهانت بود
Tanrımısın ki Tapayım
Sevdim Seni, Ona Yanarım
عاشقت شدم ، برای آن می سوزم
Hiçe Saydın Onurumu
غرورم را هیچ انگاشتی
Yere Serdin Gururumu
غرورم را نابود کردی
Düşünmeden Hiç SOnumu

بدون هیچ فکری به اخر این کار
Yandım Sana, Ona Yanarım
سوختم به خاطر تو ، برای آن می سوزم

*
Bir Sevda Yaşattın Bıçak SIrtında
عشقی آفریدی با خنجری بر پشتت
Senin Olsun Artık Tacın Tahtın da
دیگر تاج و تختت ارزانی خودت
Bir Ömür Harcadım Senin Uğruna
عمرم را به پایت ریختم
Sen Bana Ne Verdin, Ona Yanarım
تو به من چه دادی برای آن می سوزم
Resmime Baktım da Düşündüm Demin
به عکسم نگاه کرده و اندیشیدم
Hani Sözün Sözdü, Yeminin Yemin
 آخر مگرحرف و قسمت واقعی نبود؟
Peki Bu Yalanlar Bu Gözler Kimin
پس  این دروغها و این چشمها ممتعلق به کیست ؟
Ben Sana Kandım ya, Ona Yanarım
من باورت کردم ، برای آن می سوزم
*
Şimdi Radyolarda Çalan Bu Şarkı

اکنون این ترانه ای که از رادیو می شنوی
Benim için Artık Bir Veda Marşı
برای من مارش وداع هست
Senden, Senden Sonra Dileğim Bir Mezar Taşı
تنها خواسته ام از تو سنگ مزار است

Uğrunda Öldüm ya Ona Yanarım
با غم عشقت مردم ، برای آن می سوزم
Ona Yanarım, Ona Yanarım
 *

Mittwoch, Dezember 16, 2015

بس ندیر ؟ - زلیم خان یعقوب

آرزولاریم ، دیلکلریم سنه یوزدو ، منه مین
یاناقلارین نم گؤرمه سین سنین کیمی صنمین
یولچو سن اول ، یول من اولوم ، کئچ اوستوندن سینه مین
اوزاقلیقین مندن توروهیجران دئییل بس نه دیر؟
گؤزل لیگین گؤزلریمین قاراسی دیر ، آغی دیر
اوره ییمده مجنون لوغون زیله قالخان چاغی دیر
دالغالار وار ، ساحیل لری دؤیور ، دیدیر ، داغیدیر
وارلیغیمدا باش قالدیران طوفان دئییل بس ندیر؟
باخیشینلا باخیشیمی اوخشا یینجا ، سئوینجه
گؤز دیمه سین گؤزلرینده گوللر آچان سئوینجه
بئله وورغون باخماغینی گوناه سایما بو گئنجه
گونه باخان آل گونشه حئیران دئییل بس ندیر؟
عوضیمده هر کیم اولسا ، یاشاماقدان بئزاردی
گؤزله مکدن دویغولاریم کؤز – کژز اولوب کؤزردی
داش اولسایدی مو بو حسرته دؤزدی
اریمزمی بو زلیمخان ، اینسان دئییل بس ندیر؟
*

Freitag, November 20, 2015

اؤزومدن ناراضی یام

طبیعتین کؤنول آچان
مین رنگی ، مین سسی وار
هر کؤنولون مین آرزوسو
مین رنگی ، نغمه سی وار
بو آرزولار ، بو نغمه لر
بو سس لر بیر سس کیمی
منیم سولقون سؤزلریمده
هئچ دیل آچا بیلدی می ؟
حیسیم درین ، سؤزوم سولغون
قلبیم گئنیش ، سینم دار
مندن اول دوغولوبلار
سینم ده کی دویغولار
سهو آتیلان آددیملاری
سونرادان آنلاییرام
باخیب وجدان گؤزگوسونه
اؤزومو دانلاییرام
سیز ای یانلیش آددیم لاریم
منی درده سالدینیز
من سیزله دؤیوشدوکجه
گون – گوندن چوخالدینیز
من حق حساب ایسته ییرم
گئجه لر گوندوزومدن
ناراحاتام ، ناراضی یام
عؤمروم بویو اؤزومدن
بیزیم صنعت دنیاسینین
قیریخ تئللی سازی یام
بیرجه بوندان راضی یام کی
اؤزومدن ناراضی یام
*
بختیار وهابزاده
*

Sonntag, August 16, 2015

سن دن خبرسیز - بابک قوجازاده

داغلارین باشینا دوشن قاردیمی
دوماندان خبرسیز چندن خبرسیز
کوکسومو گوینه دن اینتیظاردیمی
قلبیمدن خبرسیز مندن خبرسیز
قیردیم اوز عهدیمی من بیله بیله
حاققین وار یانیمدان کئش گوله گوله
ارییم اودونا گوی گیله گیله
من سنی سئومیشم سندن خبرسیز
آی محمد قیسمتین نلر نلرمیش
اوزاغ سایدیغیندا یاخین گلرمیش
سن دئمه داغلارا قار النرمیش
دوماندان خبرسیز چندن خبرسیز
من سنی سئومیشم سندن خبرسیز
آغارتدیم ساچلاری سندن خبرسیز
کؤچوب بیر داهالیق گئتدین یانیمدان
بوتون دویغولاری آلدین جانیمدان
ایتیب گؤرونمه ین ناکام آنیمدان
اؤتوشمه دی بیر آن غم سیز کدر سیز
آغارتدیم ساچلاری سندن خبر سیز
بیر سئوگی نیسگیلی قالیب دی منده
یاشادیغیم ایللر ایتیب دی چن ده
کاشکی بو حالیمی گؤرئیدین سن ده
اؤتوشمه دی بیر آن غم سیز کدر سیز
آغارتدیم ساچلاری سندن خبر سیز
سندن سونرا ظولوم ظولوم آغلادیم
نئچه کؤنول قیریب اورک داغلادیم
نه کیمسه نی سئویب نه بئل باغلادیم
اؤتوشمه دی بیر آن غم سیز کدر سیز
آغارتدیم ساچلاری سندن خبر سیز
نئچه واخت دیر سندن داها خبر یوخ
بوندان بویوک منه درد یوخ کدر یوخ
آنجاق کی بو گونلر داریخیرام چوخ
اؤتوشمه دی بیر آن غم سیز کدر سیز
آغارتدیم ساچلاری سندن خبر سیز
*

Freitag, August 14, 2015

بیر بایاتی

سئوگی سئون مرد اولار
سئومیین نامرد اولار
سئویب آیری دوشه سن
باخ ، بو یامان درد اولار

*

Freitag, Juni 19, 2015

آنا - حسین غفاری اردبیلی

گؤزلریم قربانین اولسون ، کوسمه مندن آی آنا
آند اولا اؤز جانینا سس وئر ، داریخدیم آی آنا
چوخ گئجه سن صبحه جگ ، قالدین اویاق لایلای دئدین
ایندی سن دینجل بیرآز، قوی من دئییم لای لای آنا
سن منه آلدین گئیدیردین حسینون قاره سین
من سنه آمما گئیدیردیم کفن ای وای آنا
گئت آنا اوغلو اؤلن زهرایه تاپشیردیم سنی
سن ده زهرا تک منی ، نوکرلریندن سای آنا
من دئدیم گول سن  اولوب پرپر داغیلدین گول کیمی
تاپمادیم چونکو سنه گول دن گؤزل بیر تای آنا
کاش دییئیدیم آی سنه ، گوندوز قالاردین پرده ده
هر گئجه یارسی چیخاردین سئیره مثل آی آنا
وئردیین سوت دن گرگ ، آرتیق تؤکم گؤز یاشیمی
گؤز یاشیم تک آخمییب صحرایه ، آخماز چای آنا
من دئیینده آی آنا ، سن جان دئییردین هر زامان
ایندی من جان سسلیرم ، سن وئیرمییرسن های آنا

یا حسین - حسین غفاری اردبیلی


یا حسین دردیمیزین سنده دی درمانی اقا
نا امید ائیله مه سن بیل ننه وین جانی آقا
آند وئرریک سنی گؤزلردن آخان اشک لره
اصغرین لب لری مثلی قورویان مشک لره
نیزه اوسته شهدانین یارالی باشلارینا
محمل اوسته باجیوین قانه باتان ساچلارینا
آند وئرریک سنی اللرده اؤله ن زهرایه
محرمی گؤز قاباغیندا دؤیولن مولایه
ای کرم صاحبی سائل لره احسان ائیله
قره کؤینک لریوین دردینه درمان ائیله

گؤرسن سین - حسین غفاری اردبیلی

کیم عاشق اولسا گرک قلبى یاره گورسه نسین
نه یاره بلکه گرک پاره - پاره گورسنسین
طریق عشقیده اؤلمک مقام اعظم دى
گرک صداقت عاشق نگاره گورسه نسین
و گرنه مدعى چو خدور بو هرزه دونیاده
هزار رنگه دوشر ، خوش قواره گورسه نسین
کئچن گئجه یوخودا وصل یاره چاتمشیدم
اومنظره گؤزومه ، کاش دوباره گورسنسین
دئدیم جمالیوه زلفون دوشوبدى پرده کیمین
الین فداسى اولوم ، چک کناره گورسه نسین
بویوردى کمالون اولسا جمالى بوشلارسان
دوز عاشق اول قره داش ماهپاره گورسه نسین
ستون شمع وصاله یازوبدیلار کى گرک
دوزعاشقین قانادیندا شراره گورسه نسین
دئدیم دوزعاشقووام امرائله یانیم کول الوم
ثبوت عرضیمه تا بلکه چاره گورسه نسین
بویوردى کیم یانان اولسا، اؤزى یانوب آلیشار
گؤزه تله مز اونا رمز و اشاره گورسه نسین
خلاصه بو ایکى مصرع ایکى قولاقینا 
گرک مثال ایکى گوشواره گورسه نسین
ستاره اولماقا گؤ رسون لیاقتون یوخدى
بولوت دا اولما ، چکیل قوى ستاره گورسنسین  

Montag, Februar 09, 2015

بایاتی لار

عزیزیم سرین ائیلر / عزیزم سرد می کند
یئل اسر سرین ائیلر / باد می وزد و خنک می کند
ایکی دوستون آراسین / بین دو دوست را
بیر نامرد سرین ائیلر / یک نامرد سرد می کند
*
عزیزیم بیر گون دوشر / عزیزم روزی می افتد
آتلانان بیر گون دوشر / کسی که می پرد یک روز می افتد
دشمنه دوشن مئیدان / فرصتی که به دست دشمن افتاده
بیزه ده بیر گون دوشر / روزی هم به دست ما می افتد
*

Montag, Februar 02, 2015

ای عکسیم - حسین سنجیده ، نجات

گؤزومده جانلانیر شیرین خاطره
باخدیقجا من سنه هر آن ای عکسیم
قاییتماز او گونلر بیرده سون کره
الیمدن گئتدی او دووران ای عکسیم

گل بیر آن قولاق وئر بوگون شاعره
گؤر منه نئیله دی زامان ای عکسیم
گئتدیکجه صداسیز قوجا ساحره
عومرومه سالدی او طوفان ای عکسیم
او یاشیل بساطیم دگی بیر-بیره
یازیما سوزولدو خزان ای عکسیم
بولودلار کیشنه دی یئل چکدی نعره
باشیمی آلدی چن،دومان ای عکسیم
باغیمدا الندی یارپاقلار یئره
قار یاغیب باشلاندی بوران ای عکسیم
قوندو قار باشیما قارا تئللره
آغزیمدان دوشدو چوخ مرجان ای عکسیم
چولقاندی اوره گیم هر آن کدره
دردیمه بولادیم درمان ای عکسیم
بوگون کی تاپیبسان یول بو دفتره
گل دیله بیر دانیش آمان ای عکسیم
سؤزلرین کؤنلومه قوی تسکین وئره
سؤیله ، سن جاوانسان جاوان ای عکسیم
آمّا یوخ ، سؤیله مه ، یالاندیر هیهات
*
 

چارپارا - فرید بجائی

 سؤيله ديم ، دوکتور چاليشما درديمه درمان اولا
جان گرَک جانان يولوندا عاقيبت قوربان اولا
تکجه بير آرزيم قالير دونيا دا اولسون والسلام
جان وئرنده، اللريمــــــــــده اللرين مهمان اولا ...
*   

Montag, Januar 26, 2015

جعفری یم - هوشنگ جعفری زنگانلی

 وارلیق دا بوتون وارلیغیمیز شعر و غزل دی
هر بیر غزلیم ائللر آرا ترکه مثل دی
من جعفری یم شعر یازارام ترکو دیلینده
تورکون بالاسی تورک اولا عالم ده گؤزل دی
منه حقارتیله باخمایین غزل کانی یام
واراق – واراق داغیلان ائلده شعر دیوانییام
منیم وقاریمی گئت چله خانه دن خبر آل
اخی پرست کیمی یم من ده عشق سلطانی یام
اولار کی عاشق دل خسته دیر تانیرلا منی
بو اؤلکه ده اؤلن عاشق لرین چیخان جانی یام
یاشیل چمن ده بیتن سینه داغلی بیر لالایام
نسیمی نغمه سی یم من فضولی نین قانی یام
آری کیمین دولانین گوللر اوسته ، بال گتیرین
آنام دیلی شیره دیر ، من او شیره نین شانی یام
بو فخردیر منه آذر ائلیم دی تورک دیلیم
منیم بسیم دی فقط سهروردی نی تانییام
سؤز اوستادیم بویوربدور کی خالق شاعیری یم
غزلچی جعفری یم ائللرین آدی سانی یام

Dienstag, Januar 06, 2015

بیر باخیش - هوشنگ جعفذی زنگانلی

هر گئجه نی صوبحه کیمی بی قرار
آغلامیشام آغلامیشام زار زار
گؤز به به گیمده گؤرورم من سنی
جمله گؤزل لیک لر اولور تار و مار
گؤیده بولود گؤردو سنی آغلادی
گؤز یاشینی تؤکدو یئره شار شار
پلاکلادی توزدان اوزونو چای چمن
گوللر آچیب اویناغا گلدی باهار
باش گؤتوروب اوینادی سو آخماغا
داش تپه یه چالدی باشین آبشار
دریادا دیل سیز بالیغین گؤزلری
قدرت – ی حق دن دانیشیر آشکار
بیر باخیشین عرشی ایشیق لاندیریر
یئرده ایشیق دان یارانیر شاهکار
لاله گؤزونده نه گؤزللیک گؤروب
تا گؤز آچان گوندن اولوب داغدار
گؤیده کی یئللر سنه خاطر اسیر
باشین اوجالدیر سنه خاطر چنار
بیرده سالارسان منی من سیزلیگه؟
سال کی گؤزومدن دوشه دار و ندار
سن کی منیم غصه لی قلبیمده سن
آخ گئنه من سسله نیرم ، یار ، یار
داد ائله دیم دادیمه ائللر گلیب
باشیما یکسر ییغیشیب قونشولار
هر بیری سؤز بیر دره دن باشلادی
قارقا کیمی سالدیلار هی قار – قار
گاه دئدیلر بو یازیغین قلبی دی
یا سرطان دردینه گلمیش دوچار
رنگی سولوبدور سارالیب گؤزلری
یا جیگریندن قیریلیب دیر دامار
یا دلی دیر بو دلی دیر بو دلی
یوخسا ندن صوبحه کیمی سیزلایار
آغلادی بیچاره قیزیم سؤیله دی
یوخ ، بابامین دا یئنی بیر دردی وار
« من بیلیرم ائوده دووارلار بیلیر
اؤلدوره جکدیر بابامی درد یار»