کیم اگر توبه ائدرسه - ائلشن خزر

کیم اگر توبه ائدرسه
اوزو آللاها گئدرسه
اونا جنت اولاجاق دائما قیسمت
بودور اصلینده سعادت ابدیت
ییغدیغین مال قیسسا مدتچاتاجاق کاریوا قارداش
بونو درک دئیلیه سن کاش ، قوجالیرسان دای ، اؤتور یاش
گله جک واخت ، قویاجاخلار سینه وین اوستونه بیر داش
قالاجاقسان ائله چاش -  باش
او زامان درک ائده جکسن، نه اوغول وار نه ده یولداش
نه ده کی گلمه یه جک دادیوا اوگون ائوده کی داش – قاش
گله جک خیلی وطن داش وطنیندن
توتاجاقلار کفنیندن
دیده جکلر بدنیندن اتیوی هیسسه به هیسسه
بودور غصه ، بودور وحشت،  بودور دهشت

و جهنم ده اولان ایستی حرارت، سنی آلاجاق دائما آغوشینه
سن دؤزه جکسن می بونا؟ یوخ
سببی واردی چیلیزسان و ضعیف سن، اؤزووی ساتما حیف سن
چوخو آزنان ده ییشیرسن نه حیف سن
آرادا باشیوی قالدیر گؤیه بیر ائیله نظر
یاتما بشر، گؤرنه قدر کوره سماده دوزولوب دور اله ییر
کیم بولارا امر ائله ییر، گؤر بو بش فیکر ائله ییرکی
بیری توققوشسا بیرینن داغیلار کولو و عالم ، یاشاماز بیر نفر آدم
دئملی بوردا نظام وار یارادان وار
آچ اوخو ائوده قرآن وار و نیشان وار
گؤره جکسن کی ، یاغیشی کیمدی سپن یئر اوزونه
هم بولودو پرده کیمی کیمدی چکن یئر اوزونه
بو قدر بیتکی لری کیمدی اکن یئر اوزونه
اطرافیوا باخ نه قدر نوع دا چیچک وار
هره سینده اؤزونه مخصوص اولان رنگ و بزک وار
او چیچکدن اؤزونه روزو تاپان قورد و بؤجک وار
کپنک وار، بیری ایستهسال ائلیر بال، او بیری قورددا ایپک وار
هامیسین گؤز گؤرور آشکار، بولاری خلق ائلین وار
نه ائدیبدور سنی وادار، ائده سن آللاهی انکار
سببی واردی جهالتدی، یعنی غفلت
نیه سن آلمادین عبرت، او گئدنلر نه آپاردی؟
بو حیات سانکی قطاردی
سنی ده میندیره جکلر، ائلییب سورقو و سوال دیندیره جکلر
دئیه جکلر جوابین، بو قدر مال کی ییغیبسان
حسابین وئر، کیتابین وئر
قالاجاقسان او زامان لال
ووراجاقلار او یئکه بوینووا قاندال
قوراجاقلار یئکه تونقال یاناجاخسان
نه قدر مال کی ییغیبسان داناجاخسان
نه قدر حقه گیریبسن هامیینی آختاراجاخسان
ییخیلیب یالواراجاخسان، اؤپه جکسن اولارین ال آیاغیندان
توتاجاخسان بالاغیندان دئیه جکسن کی ایلاهی
بو گوناهی ائله ین من، بونو اینسان ائله مزدی
نه ده حیوان ائله مزدی، نیه کی من ائله دیم ملته شیطان ائله مزدی
چکرک اه، دئیه جکسن منی قایتار گئری آللاه
ائله ییم نفسیمی اصلاح، دئیه جکلر: داها گئجدی بو عؤمور مدتی کئچدی
بونو دونیادا ائده یددین، ابدی نورا گئده یدین
توتاجاخلار او یالانچی که کولوندن ائله محکم
سورویوب آتشه دوغرو آتاجاخلار، چکسن غم
دئیه جکلر: سنه دور دائمی مسکن ، بو جهنم بنی آدم
بونو یازدیم « شعرا» سوره سینین حقین ادا ائتمه ک اوچون منی
دوشونن، درک ائده سن سن، جمعیت له برابر اولاسان تن
رسول الله دا قیامت ده ، بویورسون حاجی ائلشن سنه احسن
بورادیر حقی دئین بنده لره دائمی مسکن
بویورون جنت اعلایه بو بو اوزدن

غیرت - ائلشن خزر

غیرتلی یه غیرت سیز اولانلار چکر حسرت
غیرت اگر اولسایدی بیر اینسان کیمی صورت
آیا بو کی غیرتلی ابوالفضل دی دئیردوز
اینسان نئجه گؤر اینسانا اوخشار دی  ذدیرذوز
غیرت دیله گلدی ، دئدی شاعر
تای توتما ابوالفضله منی اللاها خاطیر
من کیمدی ابوالفضل دئییرم ، سن ائله تصویر
بیر داغ دی ابوالفضل اونو وئرمه منه نسبت
داغدان قوپارایلمیش بالاجا ذره دی غیرت
تاریخ اونو تعریف ائدیب اؤز کتابیندا
عالیم لر ائدیب قید یوز کتابیندا
اذنیم اگر اولسایدی منیم سؤز کتابیندا
آللاها آجیق گئتمه سه بیر کلمه پوزاردیم
غیرت سؤزونه خط چکیب عباسی یازاردیم
هر کس سوسوز اولسا ایچه جک اولسادا داملا
دریانی معطل قویوب عاشورادا سقا
دولدوردو ایچه اوجونا سو ، ایچمه دی اما
غیرت دئدی کی : ایچ دؤیوشه قدرتین اولسون
عباس دئدی : اصغردن اوتان غیرتین اولسون
سن بوش – بوش آخیرسان ، فراتا سؤیله دی سقا
بیردن منی آللاه یارادایدی بئله دریا
بیر یوللا آتیب خیمه یه ساری یئنی مجرا
زهرا باغینین گوللرین هرآن سولویاردیم
عکس حالدا خجالت دن اؤلردیم قورویاردیم
اینسان ، دئی گؤروم درک ائیله دین کیمدی ابوالفضل؟
غیرت اونا شاگرد دی ، معلم دی ابوالفضل
آللاه دئدیغی هر سؤزه تسلیم دی ابوالفضل
آللاه سؤزونه هر کیم اولا قلب له تسلیم
غیرت اونا شاگرد اولاجاقدیر ، او معلم
*

حیدری ام من - ائلشن خزر

آند اولسون علی نین جانینا حیدری ام من
کیملر علیه ضددی ، ثواب دفتری اولماز
واللاه علی بیر ذات دی اونون بنذری اولماز
دونیا دئییلن ائوده اونا مشتری اولماز
من نن علی نین نوکرینین نوکری اولماز
کیملر علی نی ذکر ائلیه ر نوکری یم من
آند اولسون علی نین جانینا حیدری ام من
ای شاه ولایت یولونا جان وئره رم من
ـااته نه وئریبدیر منه احسان وئره رم من
اؤز اوغلومو ائولادینا قربان وئره رم من
قربان سنه لازیم دی سه عنوان وئره رم من
ترک ائولادی شهر الباکی دان آذری ام من
آند اولسون علی نین جانینا حیدری ام من
خوشدور آقالار هر نه یه وئرسین منه زحمت
چونکو بو قاپی قوللارا ، شاه تک وئریر عزت
ائیله دعا آللاها کی وئرسین منه قوت
رجف گونو قصاص اولسون منه قسمت
چونکو بلانین اؤنده گئدن عسگری ام من
آللاه بویوران سؤزدو پیامبر نه بیلیرسه
حجت دی بیزه اسلاما رهبر نه بیلیرسه
وئرمیشه صاحبی علی یه هر نه بیلیرسه
چکسین بازارا کیم کی علی دن نه بیلیرسه
لاپ قانیما قیمت کسه لر مشتری ام من
آند اولسون علی نین جانینا حیدری ام من
گلدیکده علی نین آدی قلبن اسه رم من
هر کیم علی سؤیلرسه الیندن اؤپه رم من
بیر دیل منه طعنه وورا واللاه دؤزه رم من
آمما علی یه دیسه کؤکوندن کسه رم من
چونکو آقامین سؤزله کسه ن خنجری یم من
آند اولسون علی نین جانینا حیدری ام من
حیدر نئجه حیدر اونات کعبه قوجاق آشدی
ختم رسول الله ائوینده آیاق آشدی
ایسلامه گؤزون جمله صحابدان قاباق آشدی
اون بیر نفر حجت ده او کؤکدن بوداق آشدی
هر یئرده فخر ایلن دییه رم جعفری یم من
آند اولسون علی نین جانینا حیدری ام من
حیدر نئجه حیدر اولدو پیغمبره یاور
تاب ائیله مییبدور اونا دروازه خیبر
حیدر نئجه حیدر تک اودور ساقی کوثر
حیدر نئجه حیدر اودور عالملره سرور
کیمسه دئیه بیلمز علی نین به نذری ام من
آنداولسون علی نین جانینا حیدری ام من
حیدر نئجه حیدر قاپی سی ظلم ایله یاندی
جان دیلبری عائیله – عصمت یارالاندی
تئزلیکله خلافت مقامین دوسلارا داندی
محرابدا باشی ذوالفقار تک هاچالاندی
عاشورادا ائلشن بو ایشین شاکری ام من
آند اولسون علی نین جانینا حیدری ام من

بحر طویل - آقشین فاتح ، ائلشن خزر

اولون آگاه جماعت ، دانیشاخ بیزده نهایت ، و ائدک حال حکایت ، بو کولئیلر شهریندن ، باکی نین هنده وریندن ، دنیزیندن خزریندن ، نئچه میلیون نفریندن ، جماعاتین گدریندن ، چوخو ایش سیزدی بیچاره ، گزیر آواره – آواره ، نه زاواق وار نه اداره ، گئده هاره ، هانی چاره ، اوزو قاره ، قاییدیر کوفلتین ایچینه ، یئمه یه یوخ داها هئچ نه ، هله وار بورجودا اوستونه ، باخیر اؤز مولکونه گؤزونه ، نئجه ائتسین ، نه دوزه تسین ، نه ترره تسین ، گئنه گئتسین توکانا نیسیه چؤرک اوچون ، بیردنه اکسیه نئیچون ،آغیز آچسین کمک ایچون ، اوزوده یوخدو دئمک اوچون ، یوخوموزدو هله بیرزاد ، معاشین آلمییب آرواد ، اؤلوون روحو اولار شاد ، بیزه گل ائتگینن امداد ، وئره رم بورجووی ای داد ، گئده رم کافوره من ، باش وورارام هر یئره من ، لاپ گیره رم دار یئره من ، قوم داشییب داش آتارام ، قیرخی قازان قاینادارام ، اون دانا اینسان ساتارام ،مترونو لاپ پاددادارام کی ، آجانیم من ، تکی پوللار قازانیم من ، پولوم اولسون دولانیم من ، کئف ائدیم دوررالانیم من ، قوناغیم دا اولا چوخلو ، کسه سن بیر نئچه تویوغو ، چاییوی قندیوی بوللو ، آما تاسف کی عموغلو ، بو خیال دی ، و سوال دی ، بو نه حالدیر کی دوشوبدور بو جمعیت ، دئییشیب پیس جور وضعیت ، گئدیر الدن مدنیت ، نه نصیحت ، نه وصیت ، چوخوسو حدین آشیبدی ، دولاشیبدی ، دوشونور زور یاراشیبدی ، و چاشیبدی ، ائروتیک فرمالاشیبدی ، نه بیلیم باشقالاشیبدی ، بشر اهلی ، شهر اهلی ، و در اهلی ، گئیینللر ائله پالتار ، جانیم اولماز بئله ده دار ، یاپیشیر انداما شالوار ، گؤرونور هر شئیی آشکار ، نه حیا وار ، نه آبیر وار ، گؤرجکسن قوجا کافتار ، دوشونوب مد دو بئله ، بحثه گیریب گئنج لریله ، یاشی چاتیب یئتمیشیله ، احوالی گلمز کی دیله ، گؤرونوشو اوخشار کی فیله ، راز ائله ساچیب مینی گئییب ، کیمسه اونا زوردو دئییب ، اوز گؤزونو زر بورویوب ، بیر یانی آرتیق چورویوب ، آی ، بو اولوب زای ، دئدی وای وای ، اوخو وای وای ، نه بیلیم دای قوجا ، بو یاشدا بو حالنان ، یاشی ییر هانسی خیالنان ، بو فیکیرنن ، بو آمل نان ، اؤزونو جاه و جلال نان ، گمان ائلییر ، جوان ائلییر ، غلام ائلییر ، یامان ائلییر ، هله بو هاراسی دیر کی ، بو اوره ک یاراسی دیر کی ، گؤزون آغ قاره سی دیر کی ، بیر ائوین بیر قیزی واردی ، و گؤزل جاذبه داردی ، بو گئجه بیرسینه یاردی ، سحر اؤزگه سینه نگاردی ، نه بی عاردی ، بو گؤزل یولدا گئده نده ، سوزه رک پرواز ائدنده ، نه گؤرنمور کی بدن ده ، گؤبک آشکار ، یاری چیلپاق ، سینه سی چؤلده آغ آپ آغ ، گؤزو اویناق ، اوزو قایماق ، یاری دان دیر یاشی یوخدو ، هله اون بئش یاشی یوخدو ، بونون آ ! قارداشی یوخدو ؟ چیخا اوردان قاباغیندان ، توتا بیر یول قولاغیندان ، آسا گؤیدن آیاغیندان ، بئله دیر عادتیمیز ، اولسا لکه عصمتیمیز ، ناموسوموز غیرتیمیز ، کی بویوروب شریعتیمیز ، وور ، وور آ قارداش ، حلال اولسون ، بئله قیز قوی توپال اولسون ، گئنه عبرت مثال اولسون ، گله جک نسله زمانه ، بو یاراشماز کی زنانه ، توشه خام فکره گمانه ، بئله جانانلاریمیز وار ، هله نقصان لاریمیز وار ، ائله اوغلانلاریمیز وار ، گؤزو ماوی ، اؤزو ماوی ، هله رنگین بئزه نیرلر ، بئزه نیرلر دوزه نیرلر ، قیزا اوخشار ، ائله اطوار ، ائله شالوار گئیینیب بالدیرا یاپیشیب ، نه بیلیم آندیرا یاپیشیب ، ائله بیل کی قیرا یاپیشیب ، قیزیشیب اؤزونه باخیب ، قیرخیب اوزون پودرا یاخیب ، گؤزلرینه لینزه تاخیب ، قیز کیمی دیرناق بوراخیب ، بو ! ، کؤپئی اوغلو ، اینه ی اوغلو ، سئفئیح اوغلو ، اونودوب اصلی نی سویونو ، تیخانیب پانبیغا بویونو ، یئره سوخدوم کیشی بویونو ، وار اهله اینجه ده تای لار ، دیله گمز ائله حاللار ، نئچه ایلدیر کاپیتاللار ، آچیلیب اوزونه کاناللار ، گئجه یاری چکیشیللر ،بئله ایش لر ، بئله پوزقون وئریشیللر ، بو مدنیتی میزه ض دور ، بو جمعیتیمیزه ضد دیر، بو شریعتیمیزه ضد دور ، شریعتیمیز بئله یازیر ، یولونو بنده لر آزیر ، ته زه مذهب یارادیرلار ، هله مکتب یارادیرلار ،بئله بیر دب یارادیرلار ، بالاغی دیزینه چاتیر ، بیر شله سه ققل اوزادیر ، دین ده خرافات یارادیر ، شانینی وقرینی ساتیر، آی دا بئش یوز دولار آلیر ، عاغلینی پیس یوللار آلیر ، زامدان ائله پول لار آلیر ، بو حرام زاده او پولنان ، آییریر آللاهی قولنان ، آتانی دوغما اوغولنان ، یئنی نسلی بو اصولنان ، چکیر اؤز یولونا بو ناکس ، دانیشیر تبلیغ ائدیر بس ، نه قانیر دین مقدس ، گئیینیرلر ائله دون لار ، گویا پیغمبرین اونلار ، عزیزی دی ، خلفی یدی ، گویا صالح سلفی یدی ، هامی شیطان هدفی دی ، چوخالیرلار آفیریس لر ، داها پیس لر ، چاتان ایس لر ، قاریشیب یاخشی یا پیس لر ، بونو قویما بئله آللاه ، چکیری یا ، اولار هر شئی اونا آگاه ، اونون اسما ، کیم اولار شیطانا همراه ، یانار هر گاه ، بئله پیغمبر امامی ، ائشیدیر تانری کلامی ، دورار آللاه اونا هامی ، کی او کس لر قرآنین ناطقی دی ، بنده کیمی لایقی دی ، عهد و وفا صادقی دی ، اهل بیتین عاشقی دی ، حقه اطاعت ائدینیز ، هر گون عبادت ائدینیز ، حجی زیارت ائدینیز ، بویله شهادت ائدینیز ، لا اله الا الله ، محمد رسول الله ، امیر المومنین علی ولی الله ،

*