Sonntag, August 11, 2013

سؤزنن ظارافات ائیله مه - ممد آراز

بو سؤزدو درد دی قهر دی
سونو ایشیقدی ، سحردی
آتدی ، جیلوو دو ، یه هر دی
سؤزنن ظارافات ائیله مه
*
بو طالیعین بد یولودو
توزلو ، قوملو ، کند یولودو
کیمه سه جنت یولودو
سؤزنن ظارافات ائیله مه
*
سؤزون سؤزو پوزماغی وار
قایالارا یازماغی وار
ده وه کیمی قیزماغی وار
سؤزنن ظارافات ائیله مه
*
قیلینج کیمی سووار سؤزو
دؤیوشلره آپار سؤزو
قورخار سؤزدن مزار سؤزو
سؤزنن ظارافات ائیله مه
*
هارداسا ارضین باشی دی
قصد - غرض بیلمز ، ناشی دی
هارداسا اهلت داشی دی
سؤزنن ظارافات ائیله مه

Keine Kommentare: