Donnerstag, August 08, 2013

تبریز - عاشق حسین جوان

ساريليب بوينونا بيرکورپه ساياق
دويونجا حوسنونه باخئيديم تبريز
سن اولايدن بيرداغ منده بير بولاق
شيرها-شير کؤکسوندن آخئييدم تبريز
کسئيديم ظاليمين عومور باغيني
کوکسونه چکئيديم هيجران داغيني
خايين گؤزله سنه باخان ياغيني
يانديريب اودلار ياخئيديم تبريز
غصه نين ،کده رين کسيب هاييني
قورتارايديم خالقين آهی- وايينی
ظولم اوجاغی اولان قان سارايينی
بوتون يئر اؤزوندن ييخيديم تبريز
سنده توللايايدن هيجران يوکونو
خالق بايرام ائتدی اوعزيز گؤنو
خايين اؤره کلره پولاد سونگونو
انتقام عشقی ايله چاخئيديم تبريز
جاوان حسين گئجه –گؤندوز انتظار
يارالی قلبينده مين بير آرزو وار
قوينوندا قورئيديم خزان سيزباهار
منده اؤزبورجومدان چيخيديم تبريز

Keine Kommentare: