ائیله بیلیردیم - علی اکبر صابر

ائیله بیلیردیم کی داهی صبح اولوب
مرغ سحر تک بیر آغیز بانلادیم
سنگ شکست ائیله دی بال و پریم
بانلاماغین حاصیلینی آنلادیم

*
اوج فضاده گؤره رک بایقوشی
صحن ده قاققیلدییرام ایندی من
بیرده منی وورما آمان سنگدل
رحم ائله نیققیلدیرام ایندی من

*
آی چالاغان لار منی قورقوزمایین
من سیزه ترک ائیله میشم لانه نی
سئیر ائله یین اوج فضاده اوچون
منده گزیم صحن چه خانه نی

*
آغلامایین آغلامایین جوجه لر
بانلامارام بانلامارام بیر داها
بانلاماماق دور سیزه عهدیم منیم
سویله مره آنلامیرام بیر داها

*