Sonntag, August 11, 2013

دوسلار قازسین مزاریم - ممد آراز

گؤزلریمه پایین یئتسه
گؤزون ایدین تورپاق آنام
سون سؤزومو ، سون آندیمی
گومولدانا - گومولدانا
دوسلار قازسین مزاریمی
*
قار اوداسی کرمین دیر
بولاق باشی علعسگرین
آراز اوسته سیوری دوران
بیر قایادا منیم یئریم
دوسلار قازسین مزاریمی
*
ایچی گولر اسمی دؤنوک
گؤزلریندن یاش اله یر
مقام تاپا ، یاش یئرینه
سون ائویم داش اله یر
دوسلار قازسین مزاریمی
*
حلال سؤزوم ، هارداس بیر
حلال قلبه دئییم دوشدو
هاردا چاشدیم ، هاردا آشدیم
یؤنسوزلویه یؤنوم دوشدو
*
گوناهلاریم چوخسا ییغین
بوکوب قویون باش آلتینا
بلکه ائله باشیم حلال
باش آلتداکی داش آلتینا
دوسلار قازسین مزاریمی
*
سینه م اوسته حک اولونا
خیش دسته یی ، بیرده قلم
اؤز قبریمه گوله - گوله
اؤزوم یئنمک ایسته ییرم
دوسلار قازسین مزاریمی

Keine Kommentare: