Sonntag, August 11, 2013

یوللار وارمیش - ممد آراز

سئوگی یولو ... دره سی بیر ، دوزو بیر
توتدون اونو ، آستاری بیر ، اوزو بیر
بو دره مه سن ، بیری یوزدور ، یوزو بیر
نه سایالی ، سایلی - یوللار واریمیش

چوخدا چوخا ، آزدا آزا قاییلدیم
من نفسیمی ایسته ییمدن آییردیم
سنین مئیلین اییلنده ، اییلدیم
دوزوکسن ایری یوللار وارایمیش

عؤمرو بویودان یئرینه قول آچدیم
قارلی داغدان قارلی داغا یول آچدیم
بیر اورگین ظولمتیندن یول آزدیم
نه یاخشی کی ، آیلی یوللار واریمیش

بو دونیایلا جنگه چیخسام ، یاشیم آز
قالالارلا بحث ائتمه یه ، داشیم آز
توز یوکونو مین آرایا داشیماز
نه سووقاتلی ، پایلی ، یوللار واریمیش

اوزون قارا گؤزونده کی کؤلگه دن
دیلین باتدی نه بیلیم ده ، بلکه ده
بیر عنوانا دؤندو یوموز دؤنگه ده
آیری سمته آیری یوللار واریمیش

Keine Kommentare: