Freitag, August 02, 2013

علی آقا واحددن بیر نئچه چارپارا

هرکیم محبت اهلینی سالمیش اذیته
یوخ اؤزگه قارقیشیم اوتو دوشسون محبته
مندن نه بیر کنارهئ قاچیر نه یاخین گلیر
کیم اؤرگه دیب بو غمزه و نازی او آفته
*
گرچه محبت عالمینین چوخ صفاسی وار
هر قاره زولفه میل ائده نینین مین بلاسی وار
عاشیق شیکایت ائیله مه ز هر جؤره صبر ائده ر
پروانه سانما آتشه باتسا نواسی وار
*
 یار اگر مهر و وفانی دوشونه ن یار اولسا
غم دئییل دیر بوتون عالم بیزه اغیار اولسا
اهل دل ذوق و صفانی لب جاناندان آلیر
ظلم دور عاشیقه جانانی دل آزار اولسا
*
کؤنول وفاسیز اولان نازلی یارا یالوارما
نه اعتبار اونا ، بی اعتبارا یالوارما
داریخما یاخشی - یامان روزگاریمیز کئچه جک
بو بئش گون عؤمره گؤره روزگاره یالوارما
*

Keine Kommentare: