Donnerstag, August 08, 2013

قویما گلدی - علی اکبر صابر

خان دوستی ، آماندی قویما گلدی
دیداری یاماندی قویما گلدی
...
وای وای دییه سن بشر دگیل بو
بیر شئکله اویان ته هر دگیل بو
الله هی سوورسن ار دگیل بو
اردودی ، قاباندی قویما گلدی
دیداری یاماندی قویما گلدی
...
او گونکو آداخلادیز اوتاندیم
اوغلاندی دئدیز ارین ایناندیم
ار بویله اولورموش : ایندی قاندیم
خان دوستی آماندی قویما گلدی
کیرداری یاماندی قویما گلدی
...
قورخدوم آی آمان ، یاریلدی باغریم
بیر نازیک ایپه ساریلدی باغریم
گوپ گوپ دؤیونوب داریلدی باغریم
جانیم اودا یاندی قویما گلدی
کیرداری یاماندی قویما گلدی
...
دودکش کیمی بیر پاپاغ باشیندا
آغ توکلری بللی دیر قاشیندا
لاپ چوخ قوجادیر بابام یاشیندا
خورتداندی چوخاندی قویما گلدی
کیرداری یاماندی قویما گلدی
...
ایرگنمیشم آغزینین سویوندان
قطران قوخوسو گلیر بویوندان
لاپ دوغروسو قورخموشام خویوندان
بیر افعی ایلاندی قویما گلدی
کیرداری یاماندی قویما گلدی
.....
بو شعره صابر طاهرزاده نین هوپ هوپ نامه کتابیندا توش گلدیم . بوندان قاباق دا مشهدی عباد فیلمینده سرور سویگولوسو گلنازا اوخویاندا ائشیتمیشدیم . اون بئش یاشیندا گلنازی آتاسی بیر قوجا باققالا اره وئریردی . دئمه ک اولار کی بو فیلم چوخ قدیمکی بیر فیلمی دیر . یازان ایسته ییب کی خیردا قیزلاری قوجا کیشی لره اره وئرمه ک دبینین قاباغینی آلا

Keine Kommentare: