Dienstag, Juli 30, 2013

یئتمزمی ؟ - ملا محمد فضولی

کؤنول یئتدی اجل ، ذوق رخ دلدار یئتمزمی؟
آغاردی موی سر ، سودای زلف یار یئتمزمی؟
یئتیردی باشینی گردن ایاغه یار محنت دن
خیال حلقه گیسوی عنبربار یئتمزمی؟
سنه یئتدی اجل پیمانه سین نوش ائتمه گه نوبت
هوای چشم مست و غمزه خونخوار یئتمزمی؟
یئتر اولدو قولاغه بانک رحلت ، دهر باغین ده
نه دورموش سان ، تماشای گل رخسار یئتمزمی؟
یئتر جمع ائتمه بار معصیت ، تغییر اطوار ائت
حیا قیل ، یوخ می دیر انصافین ، اول کیم وار یئتمزمی؟
هدایت منزیلینه یئتدیلر ، سعی ایله اقرانین
ضلالت ایچره سن قالدین ، سنه اول عار یئتمزمی؟
فضولی سانما یئتمک منزل مقصوده مشکل دیر
توتان دامان شرع احمد مختار یئتمزمی؟

Keine Kommentare: