Donnerstag, Juli 25, 2013

گلمه دی - ملا پناه واقف

باد صبا بیر خبر وئر کؤنلومه
او گولو خندانیم نئیچون گلمدی
خیالیم شهرینی قویدو ویرانا
سروریم سولطانیم نئیچون گلمدی
*
سرخوش یئریشینه قوربان اولدوغوم
گؤرمه ینده دلی دئیوان اولدوغوم
مینا گردنینه حئیران اولدوغوم
سرو خرامانیم نئیچون گلمدی
*
قاشی کمان کیپریکلری قلمیم
آغزی شکر دوداقلاری یئملیم
الوان کلاقیلی بیاض ممه لیم
سینه سی مئیدانیم نئیچون گلمدی
*
محراب و منبریم کعبه علیام
عقلیم هوشوم جانیم هم دینیم دونیام
ائلیم گونوم اوبام میصری زلیخام
یوسف کنعانیم نئیچون گلمدی
*
نسرین بناگوشوم بنفشه مویلوم
پری لر طلعتیم ملائک خویلوم
بلبل لطافت لیم صنوبر بویلوم
حوری قیلمانیم نئیچون گلمدی
*
آغزی خئیر سؤزلوم ، دیلی دله کیم
تر گولوم آغ الیم گوموش بیله کیم
قناری جیلوه لیم طاووس باخیشلیم
لباسی الوانیم نئیچون گلمدی
*
واقفیله دؤندو بیر ساعاتیمیز
نه صبریمیز قالدی نه طاقتیمیز
بو گوندن بئله دیر قیامتیمیز
گلمدی جانانیم نئیچون گلمدی

Keine Kommentare: