Montag, Juli 22, 2013

قارقا - جعفر خضوعی

آيري شهره دُرنا گئدير
بيزیم شهره آلا قارقا
سندن سوواي بيزيم يوردي
كيمدي يادا سالا قارقا
خيابانا مالات توكوب
چك اوستوندن مالا قارقا
اسيد قئغين آخاجلاردان
توك باشلاري دالا قارقا
اوغري گلسه بيلن اولماز
سن بوشهري تالا قارقا
غربت بیزیم اولکه میزی
سالوب يامان حالا، قارقا
يوخ قاباغا باخماق اوزي
دونوب باخير دالا، قارقا
بولبوله داش دَيَن يرده
گرك سازين چالا قارقا
الينده وار آفتاباسي
گليب بوردا قالا قارقا
سنه اَيري باخان اولماز
خوش گليب سن بالا، قارقا
*
جعفر خضوعی - وبلاک یوخا
*

Keine Kommentare: