Donnerstag, Mai 02, 2013

اولاردیم - علی آقا واحد


اولسايدی ميسر گؤزه ليم يارين اولارديم
هر لحظه غمين چكمگه غمخوارين اولارديم
هر شب دولانيب صبحه كيمی شمع جمالين
پروانه كيمی طالب ديدارين اولارديم
ممكن كی ده گيل بيرده گزيم گولشن كويون
ممكن گر اولايدی يئنه زوارين اولارديم
اي طوطی وشيم آينه ی  حسنونو گؤرجك
آلوده اول لعل شكر وارين اولارديم
مجنون كيمی دائيم سر كويونده گزرديم
عؤمروم نقدر وارسا پرستارين اولارديم
يوسف كيمی وئرسه يديله ديدارينا قيمت
جان نقدی ايله من كی خريدارين اولارديم
واحد سر كويوندا گزرديم گئجه - گوندوز
ای مه بو ادا ايله دل افكارين اولارديم

Keine Kommentare: