ائل دوشدی بوتون حيرته ، ديوانه ليگمده ن
سرين دئمه ديم بير كسه مردانه ليگمده ن
خاكستر عشقم ، منه تحقيرايله باخما
مين گنج چخار ظاهره ويرانه ليگمده ن
مجنون كيمی من ، بارگه عشقي به يه نديم
گئچديم بو تمنا ايله ، شاهانه ليگمده ن
مخمور گؤزون فكری ايله ، باده چوخ ايچديم
بير كيمسه ضرر گؤرمدی ديوانه ليگمده ن
هر ماهروخون ، شمع كيمی عشقينه يانديم
بير لحظه خبر توتمادی پروانه ليگمده ن
ديوانه ي عشق اولماقا هر كيم هوس ائتسه
اول جه گرك درس آلا رندانه ليگمده ن
Keine Kommentare:
Kommentar veröffentlichen