Montag, Oktober 02, 2006

تبریز - حکیمه بلوری

قوللاريم دولانا بوينونا بير گون
يئنه باش قويارام ديزينه تبريز
حسرت دن هجراندان جانا دويموشام
دويونجا باخارام گوزونه تبريز!
*
بولانيق سولارين آخسين دورولسون
تزه گونلرينه بوسات قورولسون
او گول جمالينا بيرده وورولسون
توز دومان قونماسين اوزونه تبريز!
*
گولوستان باغينين سئيرينه گليم
لاله ياماجيندا بيرده دينجه ليم
ئوتن گونلرينه يئتيشمز اليم
دوشوم هئچ اولماسا ايزينه تبريز!
*
ترجمه فارسی
اگر روزی بازوانم دور گردنت حلقه زند
باز سرم را روی زانویت می گذارم ، تبریز
از حسرت و هجران به جان آمده ام
از ته دل به چشمانت نگاه می کنم ، تبریز
...
آبهای گل آلودت ، روان و صاف شود
یساط روزهای تازه ات
باز به جمال گلت گسترده شود
گرد وخاک به رویت ننشیند ، تبریز
...
به تماشای باغ گلستانت بیایم
در لاله زارت باز آرامش بیابم
به روزهای رفته ات دستم نمی رسد
لااقل دنبال ردت بیافتم ، تبریز

*


قوللاریم دولانا بوینونا بیر گون
گئنه باش قویارام دیزینه تبریز
حسرتدن هیجراندان جانا دویموشام
دویونجان باخارام اوزونه تبریز
*
بولانیق سولارین آخسین دورولسون
تزه گول لرینه بوسات قورولسون
سهند جمالینا بیرده وورولسون
بیر غبار قونماسین اوزونه تبریز
*
گولوستان باغینین سئیرینه گه لیم
لاله یاماجیندا بیرده دینجه لیم
اوتن گونلرینه یئتیشمه ز الیم
دوشوم هئچ اولماسا ایزینه تبریز
*
آنا تبسمین آی ایشیغی دیر
قولوم قامتیوین سارماشیغی دیر
شعریم بو دونیانین یاراشیغیدیر
اینجی سی توکه نمه ز خزینه تبریز
*
سن شاعیر عمرومه وقار وئریبسه ن
سولوب سارالمایان گولعذار وئریبسه ن
اعتبار وئریبسه ن ایلقار وئریبسه ن
هر ایگیت اوغلونا قیزینا تبریز
*

Keine Kommentare: