شعرلَر ، ترجمه لَر

Donnerstag, August 08, 2013

دانیش تئللی سازیم - عاشق حسین جوان

ندير دردين سويله نييه سوسموسان؟
دانيش تئللی سازيم دانيش سن دانيش
کيمده ن اينجيميسه ن ،کيمدن کوسموسن؟
دانيش تئللی سازيم دانيش سن دانيش
سن کی ديل بيليرسن ،سوز آنلايرسان
شيرين آرزولاری تئز آنلايرسان
عاريف سن ،اشاره گوز آنلايرسان
دانيش تئللی سازيم دانيش سن دانيش
بلکه آيريليبسان اؤز سيرداشيندان
دوغما وطنينده ن، قان قارداشيندان
اودورمو داغليب هوشون باشيندان؟
دانيش تئللی سازيم دانيش سن دانيش
سنده می وطنی غملی گؤرورسن؟
ديلی باغلی چوخ سيتملی گؤرورسن؟
منتظر گؤزلری نملی گؤرورسن
دانيش تئللی سازيم دانيش سن دانيش
سؤيله،گؤرورسنمی ناحاق قانلاری؟
ظولمودن اود توتان خانمالاری
گناهسيز آسيلان قهرمانلاری..
دانیش تئللی سازیم دانیش سن دانیش
ندیر ایسته دیین ،آرزون ،دیله یین؟
قوش کیمی چیرپینیر وورور اوره یین
گونشدن پارلاقدیر خوش گله جه یین
دانیش تئللی سازیم دانیش سن دانیش
جوشا گل غصه نی پرده لرده ن آت!
سسینی ائشیتسین بوتون کاینات
سن ده مورادینا ،اؤز آرزونا چات
دانیش تئللی سازیم دانیش سن دانیش
نقده ر حیات وار سن ده زینده سن
صنعت عاشیغینین سینه سینده سن
اوجالت سسین پرده –پرده گونده سن
دانیش تئللی سازیم دانیش سن دانیش
وفاسیز دوست کیمی اونوتما منی
کونلومون سیرداشی ،یاخین همدمی
دولان قاریش-قاریش دوغما وطنی
دانیش تئللی سازیم دانیش سن دانیش
اوتوزبئش ایل سینه م اوسته چاغلادین
اوره ییمی تئللرینه باغلادین
خالقیمین دردینه سن ده آغلادین
دانیش تئللی سازیم دانیش سن دانیشا
ون دورد پرده ن ، دوققوز گوموش تئلین وار
کونوللره ، اوره‎کلره یولون وار
میلیون نغمه ن ، یئتمیش ایکی دیلین وار
دانیش تئللی سازیم دانیش سن دانیش
منیم آدیم عاشیق «حسین جاواندی»
سنین کیمی او دا شیرین زباندی
سؤزلریم خالقیما بیر ارمغاندی
دانیش تئللی سازیم دانیش سن دانیش.

منبع وبلاک خلج

قاراداغ - عاشق حسین جوان

دونيا قرار توتوب ساکين اولاندان

چوخ بلالر چکيب باشين قاراداغ
آلنيندا کی هرايز بير قرينه دير

بيلينمير تاريخين ياشين قاراداغ
اؤرکدن چکديگين فرياددی آهدی

ديله يين ،ايسته يين خالقا آگاهدی
هر قايان دؤيوشده بير قرارگاهدی

سويله يير تورپاغين داشين قاراداغ
تبريز بيرآنا دير سنده اوغلوسان

ائل بيلير اورکدن اونا باغليسان
ستارخان گوچه لی سينه داغلی سان

اودورکی آغاريب باشين قاراداغ
سنين له اوجالار ائللرين سسی

دايانيب آرخادا اودلار اولکه سی
سارابين اورمونون گلير نعره سی

کوردستان تک وار ،قارداشين قاراداغ
ائليوين بير زامان اوجالارسسی

اوخونار يوردومدا ظفر نغمه سی
اوپه نده گونشين ايستی نفسی

قيزينار گديين قاشين قارداغ
گولر هر بير داشين هربير اويلاغين

سردارلار يئتيره ر آنا توپراغين
جاوان حسين الده توتارياراغين

قوخماز دونيا اولسا قوشون قاراداغ

تبریز - عاشق حسین جوان

ساريليب بوينونا بيرکورپه ساياق
دويونجا حوسنونه باخئيديم تبريز
سن اولايدن بيرداغ منده بير بولاق
شيرها-شير کؤکسوندن آخئييدم تبريز
کسئيديم ظاليمين عومور باغيني
کوکسونه چکئيديم هيجران داغيني
خايين گؤزله سنه باخان ياغيني
يانديريب اودلار ياخئيديم تبريز
غصه نين ،کده رين کسيب هاييني
قورتارايديم خالقين آهی- وايينی
ظولم اوجاغی اولان قان سارايينی
بوتون يئر اؤزوندن ييخيديم تبريز
سنده توللايايدن هيجران يوکونو
خالق بايرام ائتدی اوعزيز گؤنو
خايين اؤره کلره پولاد سونگونو
انتقام عشقی ايله چاخئيديم تبريز
جاوان حسين گئجه –گؤندوز انتظار
يارالی قلبينده مين بير آرزو وار
قوينوندا قورئيديم خزان سيزباهار
منده اؤزبورجومدان چيخيديم تبريز

قاراگؤز - عاشق حسین جوان

گؤزلرین حکم ائیلییر

قتلیمه فرمان قاراگؤز

گؤزلرینه جان صداغا

دئمیشه م قربان قاراگؤز

خسته یم جان وئریرم

سن یئتیر درمان قاراگؤز

جان گئدیب جسد قالیب

بیل گینن اینان قاراگؤز

دؤزه - صائب تبریزی

هانی بیزده ائله جان زلف پریشانا دؤزه
امیدیم یوخدو اورک بیرده بو هیجرانا دؤزه
کیم تکبرلویونو سیندیرا بیلمیرسه اگر
عاشقم سؤیله مه یه ، چیخمایا مئیدانا دؤزه
بوردا عشرت می یی دؤنموش یئنه قلبین قانینا
سود اوچون کؤرپه گرک باشلایا افغانه دؤزه
بو جهاندا نه ییمیز واردی کی ، حسرت ده چکه ک
تکجه آرزو بودو ، قلبیم دارا مردانه دؤزه
قیوریلان تئللری ساکت گئجه ده تیتره ر اونون
عاشق ایستر او تئله هر توخونا شانه دؤزه
یوسفه چاتماق اگر ایسته سه دنیادا بیری
یئیه قلبین قانینی بیرده کی زندانه دؤزه
کیم چؤرک دردینی چکمیر ، او یئییر بوردا چؤرک
کیم چؤرک دردی چکیرسه او گرک یانا دؤزه
عشق سرگشته لیگی صابره مخصوص کی دئییل
دئی هانی اؤیله گه می ، دوشسه بو طوفانه دؤزه

بو شراب کوزه سی - صائب تبریزی

بو شراب کوزه سینین کؤلگه سی بس ائتدی منه
داها محتاج دئییلم اؤزگه سینین کؤلگه سینه
هانسی سینمیشلاریمی من یئنی دن برپا ائدیم؟
قلب سینیب ، قول دا سینیب، یوخ کمکی بیر بیرینه
سئل گلن واختا خبرسیزلری بیردن آپارار
وحدت اهلی بو خطردن قورونار سعی له یئنه
هر زمان عشق جوانلاردا داها حساس اولور
تر بوداق قورخولودور کی ، توخونا گؤزلرینه
همسفر وعده خلاف چیخدی ، فقط من یئنه ده
راضی لیق ائیله میشمکی ، بو سفر خوشدو منه
صائبین فیکرینی حبس ائتمه یه یوخ اختیاریم
اؤزگه عالمده یئتر آرزولاری چون یئرینه

بیلمه ز - صائب تبریزی

نه سبب دندی منیم قدریمی دوران بیلمه ز
جوهرین قیمتینی هئچ زامان عمان بیلمه ز
ازوده آیدین گؤرونور هر نه دئسه ن آینا کیمی
اورگین یانماسا بیل قدرینی جانان بیلمه ز
هاردا دیوانه ساچین تاجه برابر بیلسه
اوردا شاهنان گدانین فرقینی اینسان بیلمه ز
پیس ایله یاخشی نی آنجاق دوشونن باش آییرار
بو قمه آغزی دی یا جام دی او نادان بیلمه ز
حکیمین فیکرینی مشغول ائلییه ر بال لا زهر
قارپیزیلا شکرین فرقینی سورسان بیلمه ز
قلبه درماندی یارین صف - صف اولان مژگانی
دامارین دردینی نئشتر کیمی ، درمان بیلمه ز
صدفین قوینونا دوشموش سو دؤنه ر جوهر اولار
مقصده چاتماغی صائب بیله ر ؟ هاردان بیلمه ز ؟

بیلمیشیک - صائب تبریزی

عقلی بیز دیوانه لیکده بیلمیشیک
سئوگینی فرزانه لیکده بیلمیشیک
عاشیقین قانین تؤکوب ظلم ائتمه یی
عشق ده ، جانانه لیکده بیلمیشیک
دوز یولو لنگر ووروب قطع ائتمه یی
دوغروسو مستانه لیکده بیلمیشیک
عشق باغیندا سولوب بختین گولو
بیز بونو بیگانه لیکده بیلمیشیک
اختیلاتین ان گؤزل نعمت لرین
سر به سر افسانه لیکده بیلمیشیک
گر دویونله نسه بوغازدا گؤز یاشی
بیز بونو مردانه لیکده بیلمیشیک
عشقده جانی اودوزماق رسمینی
هر زامان تیفلانه لیکده بیلمیشیک
دالغالار دولموش حبابلا دریادا
بیز اونو دردانه لیکده بیلمیشیک
عاشیقین جان قئیدینه قالماق حالین
قلب ده کی ویرانه لیکده بیلمیشیک
شمع باشیندا آتشه اوتلانماغی
عشق ده پروانه لیکده بیلمیشیک
کیم بیزیله ائیله سه بیگانه لیک
معنا سین صد دانه لیکده بیلمیشیک
هر کسی بیر کنج ائدیر غم دن خلاص
بیز اونو میخانه لیکده بیلمیشیک
دونیانین هر نعمتیندن کئچمه یین
همتین مردانه لیکده بیلمیشیک
او فداکارلار گؤزونده حئیرتیک
رویانی افسانه لیکده بیلمیشیک
صائب الده هر نه ائتمیشدیر اونو
دوسلارا همخانه لیکده بیلمیشیک

Dienstag, August 06, 2013

آللاه - قوجا

مین بیـر دردی، شله له دیــم
جییناغیمـا، چــاتـدیــم آللاه
وطـن بویـدا، بیــر نیسگیلـی
اوز سئوگیمه، قاتدیم آللاه
*
ســـوســادیلار، آل قانیمــــا
چاتـلار دوشــدو، دابانیمـــــا
داش آتدیــــــلار، عنوانیمــــا
باشی قالخان، توتدوم آللاه
*
بـو! یاشام سا! اولوم ندی!؟؟
غیرت دیشیم، دیل چئینه دی
یالادیــم، یـارام گــــؤینــه دی
قــارا قـانــــلار، اوددوم آللاه
*
یویولمادیـــم، سئللـــر ئیله
اَئییلمه دیـــم، یئللـــــرئیله
نامـــرد دوستون، اللــرئیله
بهتـانـلارا، باتدیــــــم آللاه
*
قوجا تک، دولدوم گوناها
طالعئیمده ن، سیندیم داهــا
بـــو دونیانــی، اوجـوز-باهـــا
بیــــرمـانـاتـا، ساتدیـم آللاه

یازان : قوجا

منبع : یالقیز آغاج وبلاکی

نوبهار عالم آرادیر - فضولی

گتیر ساقی قدح کیم نوبهار عالم آرادیر
زمین سبز و هوا جانبخش و گلشن راحت افزادیر
پریشان اولما کیم ، گلبرگ تک حالا بو گلشن ده
نشاط عیش ایچون ، اسباب جمعیت مهیادیر
آچیلدی لاله ، گولدو غنچه ، گلدی عشرت ایامی
زبان حال سبزه ، عشرت ایماسینه گویادیر
گؤر اؤز حالینی هم چکمه غم ماضی و مستقبل
کی حالا موسم گلگشت و دور جام صهبادیر
سحر گلزاره گیر بالله بو موسم لرده کیم هر دم
تماشا قیل گلون دیوانینه کیم ، خوش تماشادیر

اؤلن من اولدوم - داشقین

سن ده بیر گون پای اولارسان بیرینه
یاران منیم کیمی دوشر درینه
اونوتما ، او گونکو گوروش یئرینه
گلمه ین سن اولدون ،گلن من اولدوم
*
من سنی تاپاندا ایتیردم اگر
ایتیریم گولوشون کونلومه یئتر
اورتاق دردیمیزی هم ده برابر
بولمه ین سن اولدون ،بولن من اولدوم
*
من یورغون بیر اصلان ،داغلار یوواسی
سن کیچیک بیر مارال جئیران بالاسی
اوره ییم آغریدان قابارچالاسی
بیلمه ین سن اولدون ،بیلن من اولدوم
*
داغانیق گورورسن منده هر زادی
گولورسن اوزون گول گولدورمه یادی
یاش گوزلریمیزدن بیر شیریلدادی
سیمه ین سن اولدون سیلن من اولدوم
*
سئوگی ساواشینا بیرجه گیریشدیک
اولوم گوزیمیزه باخیردی دیک-دیک
ای ، بوشونا قالخیشما ائتمه گیلئیلیک
اولمه ین سن اولدون،اولن من اولدیم

سن گئدلی بوردان اوزاق ائللره - شیدا نونهال

سن گئدلي بوردان اوزاق ائللره
سوزلريمي من دئيه رم داغلارا
سئوگي غمين هر كيم دئسه آز دئيير
من قالارام داغلاريمي داغلارا
*
دوداغيملا پيچيلداشان آدين دير
چيلغينليغا سبب،شيرين داديندير
خاياليمدا تكجه سنين يادين دير
آپارمني سنلي ياشيل باغلارا
*
من دنيزلر ايتگيني، سن ماياق سان
عومور يولون گئتمه يه سن آياق سان
دوست ـ دوشمانلارايچره منه داياق سان
قالدير مني؛ سالما بو آلچاقلارا !
*
دويانماديم باخيشيني دويونجا
دايانمادين قنيم گوزون اويونجا
كيپريكيمي كيپريك اوسته قويونجا
قاييت گولوم قاييت بو يايلاقلارا
*
سسله نه رم داغلار داغلار آداغلار
قوچاقلاردان سوز آچارام ائل آغلار
كوكسوم يانار ،داغلار يارامي باغلار
قوربان اولوم عيصمتلي تورپاقلارا

خزر - شیدا نونهال

گؤزلریم تیکیلیب، سنسیز یوللارا
گلمه سن نه فایدا؟ گلسن نه فایدا؟
سئوگییله یاناشی، آچیق کؤنلومه
دولماسان نه فایدا؟ دولسان نه فایدا؟
*
دویغولوآنیمدیر دوی فریادیمی
غزل مصراسیندا،سئوگی دادیمی
اورکدن یادیمی ،دیلدن آدیمی
سیلمه سن نه فایدا؟ سیلسن نه فایدا؟

*
ان ظریف تئلم سه ، سازدا پاسلانیم
آغ بولودنغمه ن ده چیمیب ایسلانیم
بوینونا هؤرولوب،داردان آسلانیم
چالماسان نه فایدا؟چالسان نه فایدا؟

*
اؤلومدن سؤز آچیب دیندیرمه منی
اودلو ناله لریم بورویر سنی
فلک ده بویوما توتسا کفنی
سالماسان نه فایدا؟ سالسان نه فایدا؟

آیریلیق خزری سی سولدورور منی
(خزر)ین سولماسین گوللو چمنی
قارتالین قایادیر یوردو،مسکنی
بیلمه سن نه فایدا؟ بیلسن نه فایدا؟

منبع : شعره اوچان قانلی دیلیم

توپال سئودا - یوسف خیال اوغلو

توپال سئودا
دون ساحیلده کارشیلاشتیک
بیر آن گؤزوم ایسیردی
سونرا بیردن تانیدیم
دوشمه مک ایچین زور توتدوم کندیمی
باجاکلاریم تیتره دی
بیر آغاجا یاسلاندیم
*
ییرتیلان بیر مکتوب گیبی
سیسلی حاتیرالارینگئری سیندن باکییوردو
ائسکی بیر سئودانین
دورولمامیش نئهیرلری
چیرپیناراک یوره گیمه آکییوردو
*
حاتیرلادیقیم
بیر سون باهار گونویدو
کارشیمیزداکی یئنی ائو تاشیندیلار
بوتون گون باکیشیپ دورویوردوک
گؤزلری
گؤزلری سانکی بیر ار کورشوندولار

Sonntag, August 04, 2013

آ یازیق میلت - نصرت کسمنلی

گلنه یالواریب اؤپن ده سن سن
گئده نین دالینجا سؤین ده سن سن
یئیلن ده سن سن یئیه ن ده سن سن
سن کیمدن کوسورسن آ یازیق میللت

*
چیراغین قالانیر ، اوجاغین سؤنور
آلچاغین اوجالیر ، اوجالار ائنیر
کیمه گووه نیرسن ، یالتاغا دؤنور
سن کیمدن کوسورسن آ یازیق میللت

*
اؤزگه نین گؤزونده قیل آختاریرسان
میلچک قیسمتیندن ، فیل آختاریرسان
وظیفه گزیرسن ، پول آختاریرسان
سن کیمدن کوسورسن آ یازیق میللت

*
آتین یاد طووله ده کیشنه ییر سنین
دیلیندن شعارلار دوشمه ییر سنین
یالتاقلیق قانینا ایشله ییر سنین
سن کیمدن کوسورسن آ یازیق میللت

*
یاردیم آلدیغین گون بایرام دی بایرام
یئدیغین قورو شور ، ایچدیغین آیران
اؤزون دؤزومونه اولوبسان حئیران
سن کیمدن کوسورسن آ یازیق میللت

*
روشوه یه قول اولدون تاماحا دوشگون
بو قویودان چیخماغین موشگول
آدین قاچقین اولدو ، سوی آدین کؤچگون
سن کیمدن کوسورسن آ یازیق میللت

*
بوستانین سوولوب اوراسی قالیب
پراسی گئدیب دی یاراسی قالیب
آلنیندا عاجیزلیک دامغاسی قالیب
سن کیمدن کوسورسن آ یازیق میللت

*
جیریق شالواریندان گؤرونور دیزین
اؤزونو یاندیریر آلاوین کؤزون
آلان دا اؤزون سن ساتان دا اؤزون
سن کیمدن کوسورسن آ یازیق میللت

*
بیلمیریک هئچ هانسی اتک دن توتاق
آری لار قویمورکی پتک دن توتاق
عالیمین قورخاخدی ، شاعرین یالتاق
سن کیمدن کوسورسن آ یازیق میللت

*
سنی سووین لرین دیلین دن اؤلدون
یانمیش ائوینیزین کولوندن اؤلدون
باشینا وورانین الیندن اؤپدون
سن کیمدن کوسورسن آ یازیق میللت

*
باشیندان قاسیرغا ، طوفان اسیبدی
توتدوغون اتک دن الی کسیبدی
طالیع اوز دؤنده ریب ، بختین کوسوبدو
سن کیمدن کوسورسن آ یازیق میللت

قاداسین آلدیغیم - نصرت کسمنلی

چؤل منیم دیر ، چیچک سنین
گول منیم دی ، لئچک سنین
ال منیم دی ، اتک سنین
کسمه قاداسین آلدیغیم
*
سندن سونرا یوخدو یولوم
سن اولدون قانادیم قولوم
اؤلدور منی قوربان اولوم
کوسمه قاداسین آلدیغیم
*
باتیر منی عوممان کیمی
ایتیر منی دومان کیمی
باشیمدا بیر طوفان کیمی
اسمه ، قاداسین آلدیغیم
*
یوللاری یوروب گله رم
طیلیسمی قیریب گله رم
قبیردن دوروب گله رم
سسله قاداسین آلدیغیم
*
بیر دریا اول گه میم اوچون
بیر ایلاج اول غمیم اوچون
سن اؤزونو منیم اوچون
بسله قاداسین آلدیغیم

قاییداجاقسان - نصرت کسمنلی

بئله آیریلیب گئتمه
یئنه قاییداجاقسان
هارا گئتسه ن بیلیرم
منه قاییداجاقسان
*
یوللار یوراجاق سنی
یولدا قویاجاق سنی
دنیز بوغاجاق سنی
گؤله قاییداجاقسان
*
یالان گوماندان بئزیب
اؤتن زاماندان بئزیب
بیرگون دوماندان بئزیب
چنه قاییداجاقسان
*
تیکانی وار گؤلونده
سنی سسلر کولومده
دؤنه جه کسه ن تئلیمده
دنه ، قاییداجاقسان
*
سن سن سئوگیمین ایلکی
تک سنه چاتیر ارکی
کؤنلوم ائله بیلیر کی
هله قاییداجاقسان

گئجه دیر - صالح سجادی

قابارلی گؤزلریمی قورخولار چالان گئجه دیر
گئجه دووز ، گئجه بایقوش ، گئجه ایلان گئجه دیر
زامان اؤزون ایتیریب ، بورخولوبلار عقربه لر
سحر گونش چیچکی چیخمامیش سولان گئجه دیر
آچیقدی پنجره لر سان کی گرنه شیر اودالار
بو بوش قوجاقلارا زیل خولیالار دولان گئجه دیر
ائشیتمه دن بیر آجیخمیش پیشیک قاچیر کوچه ده
دایان آجیبلا پیشیکلرده دالدالان گئجه دیر
غزل دوغولور دلی بئینیم یئنه بو کیپلریکلر
یومولماماقلا یومولماقدا قرق اولان گئجه دیر
یئنه ایچیمده اویاقدیر حوزونلو خاطره لر
اؤتن کدرلریمی فیکریمه سالان گئجه دیر
اؤنومده بیر قادینین بیر سحر چاغی کوچه ده
گرزونده دالغالانیب کؤنلومو الان گئجه دیر
ائله او گؤزلره تک ، آه ائله سئوگی یه تای
یالانچی دیر بو قارانلیق گئجه ، یالان گئجه دیر
ساچیم آغارمادادیر ، گئت به گئت ساچیم سان کی
سحر چاغیندا ایشیقلاردا محو اولان گئجه دیر
آنام بو گؤیلره یاس پالتارین یووب سرمیش؟
یادا آتام یاسینا ساچلارین یولان گئجه دیر
آنا سحردی؟ یا آغ بیرچه گین اسیر کوچه ده
یا اود توتوب نفسیندن ایشیقلانان گئجه دیر
سحر آچیر کوچه آغزیندا بیر سیچان دیلییب
یئنه بو آج گوچه نین معده سی دولان گئجه دیر
گونش اسیر گلیر آردیجا قاپ قارا کؤلگه م
بو کؤلگه دون گئجه دن قورتولوب قالان گئجه دیر
منبع : ماهنامه آفتاب آذربایجان

حیران خانیم

دئییرلر آذربایجان شاعیری حیران خانیم فتح علی شاه زامانیندا یاشییردی. ایرانلا روسون آراسیندا جنگ دوشجه یین ، نیشانلی سی دا جنگه گئدیر اما نه یازیق کی بیرداها قاییتمیر. حیران خانیم عؤمرونون سون گونلرینه جاق نیشانلی سینین قاییتماغی اومیدیله یاشاییب اونون حسرتینده شعر لر یازیب. بو شعرلر همی فارسی و همی آذربایجان دیلی جه یازیلیب.

می گویند شاعر آذربایجانی حیران خانم در زمان فتح علی شاه قاجار می زیست . با آغاز جنگ های ایران و روس نامزدش عازم جبهه های جنگ می شود و هرگز برنمی گردد و تا آخر عمر چشم به راه نامزد و با امید بازگشت او سخن سرائی می کند
...

ای صبا ، ای مرغ فرخ فال من
گر زتو پرسند یاران حال من
گو که آن بیچاره ، بی خانمان
از فراق دوستان شد ناتوان
گر ز سر پرسند ، گو شد پایمال
سوخت تن از حسرت روز وصال
گر ز جان پرسند ، گو رفت از میان
از فراق ماه روی دوستان
گر ز دل پرسند ، گو گردیده خون
از ستمهای سپهر واژگون
گر بپرسند چشم او را هست نور؟
گو ، از هجران یاران گشته کور
گر ز لب پرسند ، گو خاموش شد

چونکه زهر هجر بر او نوش شد

بیر نئچه رباعی فارسی دیلینده حیران خانیم دان

گل را چه کنم روی تو از گل بهتر

زلف سیهت ز جعد سنبل بهتر

از حق مگذر که ناله حیرانت

صد مرتبه از شورش بلبل بهتر

ای ترا روی گل و بوی گل و گیسو گل

شد شکفته به برت هر طرف و هر سو گل

از فراق مه روی تو ایا حور لقا

می زند هر نفسی فاخته سان کوکو گل

زلف سیه تو ای گل گلزارم

گیرنده نگاهت ای پری رخسارم

بربود ز من هر دو قرار و آرام

از خال لبت گذشت کار از کارم

آن زلف سیاهت ای ملک منظر من

خال لبت ای ماه پری پیکر من

چشمان سیاه مستت ای دلبر من

بربود قرار از دل و هوش از سر من

ای ماه پری پیکر و فرخنده خصال

دیدی که چه کردند به من روز وصال

بربود ز کف جان و دل و صبر و قرار

آن چشم سیاه و مست و زلف و لب و خال

گؤردو منیم حالیمی - حیران خانیم

گؤردو منیم حالیمی چون گلستان
باغری یانیب گول لری اولدی خزان
ابر منیم حالیمه قان اغلادی
رعد خروش ائیله دی چکدی فغان
برق چالیب باشینی داشدان داشا
خون جگر ائیلدی گؤزدن روان
مهر طلوع ائتمگه پئشمان اولوب
شرم دئدیب دیده دن اولدی روان
درد دلم تیره قیلیب عالمی
شاه حبش شامه چو ویردی عنان
ثابت سیاره ده راس ذنب
برج کواکب همه اولدی عیان
داخل اولوب مجلس احبابه من
جمعدی گؤردوم همه پیر و جوان
عاشق و معشوق همه جابجا
بیر - بیرینه مونس و هم مهربان
یوخدی اولار ایچره منیم دلبریم
شمعه فغان ائیلدیم
ای کی یانان من کیمی هجر اودونا
چاره ندور بو غمه ائیله بیان
ائتدی کی ای عاشق شوریده حال
صبر ایله فریاده یئتر ذوالجلال

بوگون - حیران خانیم

مژده گتدی بیزه بیر قاصد چالاک بوگ.ون
کؤنلوموز تازه لنیب اولدو فرحناک بوگون
نور رخساری کؤنولده چو تجلی ائتدی
قلبیمیز گرد کدورتدن اولوب پاک بوگون
گئتدی اول کهنه غباری کی گؤزومده واریدی
نوریاب اولدو گئنه دیده غمبار بوگون
لله الحمد کی اغیار اولوب خوار و غمین
رشک دن مدعی نین قلبیدی صد چاک بوگون
غصه دن دشمن دون اولدو پریشان بو گئجه
کرم دوست قیلیب دشمنی غمناک بوگون
یار بو بزمی قدمیله مزین ائله سه
شوقیله نه فلک فخر ائده ر خاک بوگون
شکر بو نعمته حیران ائله صبح و مسا
نه عجب دور ائلدی گردش افلاک بوگون

ای باد صبحگاهی - حیران خانیم

ای باد صبحگاهی ، ای ابر پاره پاره
از روی مهربانی ، بر من بکن نظاره
بیر حالیما نظر قیل ، اول کویه بیر گذر قیل
عرض ائیله حال زاریم ، اول بی وفا نیگاره
چشمم چو رود جیحون ، گردیده است پرخون
گشتم ز جور گردون ، از دوستان کناره
فرهاد تک بو داغی ، مسکن قیلیب اوتوردوم
مجنون مثال دوشدوم ، هم دشت و کوهساره
نبود در این زمانه ، مانند من جفاکش
نبود به روی عالم ، چون من سیه ستاره
چون بلبل شکسته ، من بی کس و فکاری
سالدی او گولدن آیری ، لعنت بو روزگاره
پروانه سان بسوزان ، دل بر فراق رویش
از عشق آن ستمگر ، حیران بکش شراره

دولانیم باشیوا - حیران خانیم

ای اوزی گول ، عاریضی روشن ، دولانیم باشیوا
قد نخل وادی ایمن ، دولانیم باشیوا
چشمی جادو ، کیپریکی پئیکان ، قاشی قوس قزح
ساچی سونبول ، زولفی سوسن ، دولانیم باشیوا
هئچ یانا ائتمه ز گذر ، هئچ گولشنه سالماز نظر
چون توتوب زولفون خمین مسکین ، دولانیم باشیوا
بولبول بیچاره چکدی ، هر زمان یوز مین جفا
دؤنمه دی هئچ نوعیلن گولدن ، دولانیم باشیوا
بزم آرا قیل بیر ایشاره خلقدن پئنهان منه
تا دوروب پروانه تک بیردن دولانیم باشیوا
چونکو وار عاشیقلره لطف نهانون ای جوان
بنده نی ده هم داخی سئوسن ، دولانیم باشیوا
دردین آللام دیلبریم ، دیوانیم ائت اغیاریلن
او دولانسین باشیوا ، یا من دولانیم باشیوا
وئر جوابیم ، کس باشیم ، توت عزام ، خوار ایلمه
قویما شاد اولسون منه دوشمن ، دولانیم باشیوا
ای گؤزل یوخدور منیم تک قددیوه دلباخته
قدریمی من بی کسین بیلسن ، دولانیم باشیوا
من دوشوم صحرالارا مجنون صیفت ، شوریده حال
قیل تماشا حالیمه گولسن ، دولانیم باشیوا
قورخما سن هئچ بنده دن ، خوف ائتمه سن ، هئچ کیمسه دن
سن ده اؤز یانیندا بیر به ی سن ، دولانیم باشیوا
گؤرمه دیم مهر و وفا ، عمرومده هرگز ای پری
قومیدن ، بیگانه دن ، ائلدن ، دولانیم باشیوا
نطق حئیران ، یار هجرانیندا بس کی داد ائدیب

لال اولوب آخر دوشوب دیلدن ، دولانیم باشیوا

باهاردیر یئنه - اسماعیل جمیلی

آچ اوره یین پنجره سین گوللو باهارایدیر یئنه
گؤزده اومود اوزده گولوش سئوگیلی یارایدیر یئنه
غونچه آچیبدیر اؤرتوگون بولبوله ازدیریر اؤزون
گؤزلری تازه نرگیزین مست وخومارایدیر یئنه
تازه گلینلییین گئین چترینی یاسمن آچیب
آینا کیمی بولاغلارا کؤلگه سالارایدیر یئنه
لاله دولاندیریر جامین عشقینه تازه دورانین
دوم دورو بوز شلاله لر داغدان آخارایدیر یئنه
قالدی قیشا اوز قارالیق چیخدی چمنده تخته گول
سیرینه چیخ یام یاماجین نقش ونگارایدیر یئنه
غم قفسینده کؤنلونو قییما کدر اوساندیرا
آرزی اومود قاپلارینی سئوگی آچارایدیر یئنه
دردی درین دوغما ائلی نازلی یازی گؤزله مه ده
سئوگیسی سئودامیز اولان شانلی دیارایدیر یئنه

تبریز - اسماعیل جمیلی

مين ايللر بويوندا دايانيب دوران
باشيني ديک توتان زمانه تبريز
قيز اوغلان قهرمان ايگيردلر دوغان
اولو کئچميشيمدن نشانه تبريز

ائليم سن داياغيم سان
سؤنمه ين اوجاغيم سان
آزادليق بايراغيمسان
سنله فخر ائديرم جهانه تبريز
*

سئوداليم ، سئوگيليم شيرين ديل آنام
قيما حسرتينده آليشام يانام
توکنمز سئوگيمه اؤزوم حيرانام
گؤزه لليک مسکني بيردانه تبريز
*

گولوم سن گولشنيم سن
آنام سان وطنيم سن
من سنين سن منيم سن
سئوگيميز يايئليب هر يانه تبريز

*
بابک تک آينالين ياخيب قان اوزه
ايگيردليک داستانين سيغيلماز سؤزه
قهرمان ائولادين گلمه سين گؤزه
باهارين دؤنمه سين خزانه تبريز
*

کوراوغلو نگاريمسان
صائبيم ، ستاريمسان
شمسيم ، شهرياريمسان
آذربايجانيما جانانه تبريز

آنا - اسماعیل جمیلی

آنا قوتساللیق اوجاغی
سئوگی قوجاغی
یارانیشین یاریسی
قالان یارینین تانریسی
آنا
سئوداسی دونیانی ساران
اوجالیغی زیروه لردن باج آلان
دؤزومو دنیزلردن درین
ایستی نفسی بولاغدان سرین
آنا
آدی آدلارین یاراشیغی
اؤزله اؤزلوگون باریشیغی
آنا
آلیشا آلیشا یانا یانا
اینجیکلیگین دانا دانا
سئودیگینین سارماشیغی
بالاسینین عاشیقی
آنا
یاز عطیرلی اتگینده
یارینلارین موشتولوغو
چیچک آچان بئشیگینده
گله جگین تومورجوغو
آنا
آنالیغی دیلیمیزین یوکسه لیشی
دایانیشی یوردوموزون ایره لیشی
آنا
دویولماز سؤزو بال
آنا
دانیلماز سئویلن قوتسال

آنام - اسماعیل جمیلی

وارلیغین ییخیلماز قالاسیسان
سئوگینین سیلینمز بویاسیسان
اوره گین اوخشایان نواسیسان
کؤنول دونیاسینین صفاسیسان
بئشیکده چالدیغین لایلالاردیر
ماهنیلارین ان گؤزه لی
دیلینده اوچوددوغون هاوالاردیر
یاشامین شیرین غزلی.
ایاق باسدیغین جنّت
بؤلونوب تالانیرسادا
سوسله دیگین دویغو باغی
یاساقلانیب وراق وراق یانیرسادا
قوتسال آدینلا باغداشدیر
آدیم سانیم سونمز اوجاغیم
شیرین دیلینله یانیر گونش چراغیم
عطیرلی تورپاغینلا یاشانیر
دیلگیم گووه نیم دایاغیم
آنا سئوگینله اسیر
اسیر وطنده شانلی بایراغیم

تبریز - اسماعیل جمیلی

تربت تبريز دير تند اسمه اي باد صبا

بو پريشانا دگيل آرتيق پريشانليق روا

گيزله نن بير گنج وار بو کسوت ويرانه ده

اسم اعظم بيلمه سن اولماز نه وار دير برملا

ظاهري گؤزله عيان اولماز عياري بو زرين

حسن يوسف دير زليخاسي گرک وئرسين بها

صائبي سيراب ائده ن حکمت سبوسي بوردادير

شمسينه مولاي عرفان ائيله يبدير اقتدا

قطره قطره جمع اولوب شهد ادب قطران تک

کوثر عشقي قيليب درد مسيحايه شفا

فضل محمودي آليب تيمور تيغينده ن کسر

دفع ائديب اسکندري بو يئرده اقبال وذکا

شوقيله اؤز اودلو عشقين سينه ده توتموش سهند

برق شمشير ارنلرده ن شفق آلميش جلا

گر نباتي لعلينين حيراني اولسان راجي اول

دولت وصلين شکوهي عومره بخش ائيلر بقا

بوردا صرّاف سخن اولموش هنر له شهريار

بوردا اقبال هنر معجز سياق ائتميش نوا

ساهر اولماز اولمايان بو مکتبين فرزانه سي

جان فدا ائتمکده ن ائتمز آشناسي امتنا

ارک قانين آينالي سرخاب ائديب رخسارينه

خلقينه ستار سردار ائيله ييب دئينين ادا

قلب آذربايجان تبريزده چرپيب مدام

شهره يه آفاق اولوب اؤز غيرتيله بو سرا

خواجه يه شيرازي مفتون ائيله ين ترک جميل

خال و خط ايلن ائديب صنعانين ايمانين فنا

آچ يوکون تبريز دير تبريز شهر دلبران

مقصد غائي بو يئر دير ساربانا مرحبا

قادین - اسماعیل جمیلی

وارلیق یازینین گوللو گولوستانی قادیندیر
سئودا باغینین نرگیزی ریحانی قادیندیر
قوتسال بئشیگینده حیاتین بارلی بوداغی
تایسیز گؤزه لین آدی آنا سانی قادیندیر
لایلای قانادیندا اوچوشان دادلی شیرین سؤز
اینجیله دولو معنالار، عوممانی قادیندیر
سئوگیله حیات پایلاسادا گؤزله مه ین پای
گؤزله گؤرونن تانرینین عنوانی قادیندیر
سیغماز بو گؤزه للیک قارا چرشابینا جهلین
اؤزگور یاشامین اؤلچوسو میزانی قادیندیر
آزادلیغا قول یارینا یول چاغلا ایاقداش
قدرین دییرین سئوگیلی انسانی قادیندیر
حق بایراغینی دونیادا اسدیرسه ده بیزده
ظالیم نظامین تاپداغی قوربانی قادیندیر
قیزلار آنالار حققین آلیب اولمالی آزاد

آباد وطنین بانیسی باغبانی قادیندیر

قارشیمیزا - صالح سجادی

اینانیردیق گئجه دن دان چیخاجاق قارشیمیزا

داغی آشساق یاشیل اورمان چیخاجاق قارشیمیزا

اینانیردیق او گوزل گزمه لی اورمانلار اگر

قورخولاردان آپاراق جان چیخاجاق قارشیمیزا

بیر ناغیل سحرینه آلدانمیشیدیق بیلمیردیک

آجی گئرچک لر اوباشدان چیخاجاق قارشیمیزا

زیروه لر آردیجا چیخدیق اوجا داغلار باشینا

بیلمه دیک زیروه ده وولکان چیخاجاق قارشیمیزا

اووچولار گؤلله له دی اورمانا اوز دونده ر دیک

نه بیلیردیک دلی قافلان چیخاجاق قارشیمیزا

چیراغ الده گزیریک تبریزی هر دن دئییریک :

گؤره سن بوردا بیر (اینسان)1 چیخاجاق قارشیمیزا؟

قالدیریلمیش قارا پرچم لره گوز تیکمیشدیک

بیز سانیردیق آل عوصیان چیخاجاق قارشیمیزا

سن دئدین: باخ خیاوانلار آراسی نرده لره

من دئدیم : آخ یئنه زیندان چیخاجاق قارشیمیزا

سن دئدین : تهلوکه لر وار تانی دوست دوشمنی وی

بونو اؤیرن هره هاردان چیخاجاق قارشیمیزا

دوشمن او دوست دی کی گلسه قاباقدان گله جک

دوست او دوشمن دی کی دالدان چیخاجاق قارشیمیزا

دوشدو گویدن یئره بیر آلما ال آتدیم گوتوره م

سن دئدین:آت یئره شیطان چبخاجاق قارشیمیزا

بیز توکندیک گئجه باتدی سحری تامسینیریق

زیل گونش ایندی افق دان چیخاجاق قارشیمیزا

من دئدیم:زیروه ده اورمان دا یالان چیخدی؟ دئدین:

داغی آشساق یاشیل اورمان چیخاجاق قارشیمیزا

Freitag, August 02, 2013

سئومیرم کی - جیغاتئل عیسی قیزی

دئییرسن آل بوینونا ، دئی کی سئویرسن منی

نئجه آلیم بوینوما ، من سنی سئومیرم کی

گل دوست کیمی اوتوراق ، دردیمی دئییم سنه

سئومک بئله اولورمو ، من سنی سئومیرم کی

آغلییرام یاشیملا یاناغیمدا اولورسان

گولورم ، گولوشومله دوداغیمدا اولورسان

باخیرام ، گاه ساغیمدا گاه سولومدا اولورسان

سئومک بئله اولورمو ، من سنی سئومیرم کی

خبرین یوخ هوپموشام ، گزیرم یانیندایام

آیری گزن جسدیم ، روحوملا یانیندایام

بیرجه سؤزونه بندم ، چاغیرسان یانیندایام

سئومک بئله اولورمو من سنی سئومیرم کی

گئجه لر آی گؤرونور ، آی دا گؤرورم سنی

آلدیغیم هدیه ده ، پای دا گؤرورم سنی

اییلیرم سو ایچم ، چای دا گؤرورم سنی

سئومک بئله اولورمو ، من سنی سئومیرم کی

نئیسه سئوینیرم ، من سنی شاد گؤرنده

اما خوشوم گلمیر ، آدینین یانیندا آد گؤرنده

قیزقاتجلیقدان اؤلورم ، یانیندا یاد گؤرنده

سئومک بئله اولورمو ، من سنی سئومیرم کی

جیغا تئله دئییرسن ، دئی کی سئویرم سنی

سنه سئویرم دئسم ایتیره جکسن منی

اؤلوم ظولوم سؤیله دیم ، اوره ییمدن کئچه نی

ائشیت دای نه ایستیرسن ، من سنی سئومیرم کی !!؟؟

مگر دوستت ندارم؟

می گویی که قبول کن ، بگو که دوستم داری

آخه چطور قبول کنم ، من که دوستت ندارم

بیا مانند دو دوست بنشینیم و دردم را با تو بگویم