خوش گلدین - عاشق علی عسگر

قدم قویوب آستا – آستا

سن بو دیاره خوش گلدین

سوزدوروب آلا گؤزلرین

قاشلاری قارا خوش گلدین

اوغرون دوروب قییا باخدین

مژگانین سینه مه چاخدین

جیسمی می یاندیریب یاخدین

آلیشدیم نارا ، خوش گلدین

قایناییب پیمانیم دولوب

سارالیب گول رنگیم سولوب

حسرتین چکمکدن اولوب

سینم صد یارا ، خوش گلدین

دوستون وفاسینی گؤردوم

سئچیب سئویب کؤنول وئردیم

تازه لندی کؤهنه دردیم

دردیمه چارا ، خوش گلدین

سینمدی عشقین دفتری

سن سن دیلیمین ازبری

یازیق عاشق علی عسگری

چکمه یه دارا ، خوش گلدین 

*