نه دئییم؟ - کاتب اوغلو

قارا طالیعیمدن قارا بختیمدن.
دوستا نه آنلادیم ائله نه دییم ؟
چکدیغیم چیله لر آغلادیر منی
گوزوم یاشی دونسه سئله نه دییم.
*
حسرتلی سئوگیدن قالان ایزلره
یاشی قانا قاتان آغلار گؤزلره
بوغازیمدا قالان دردلی سؤزلره
آغزیمدا لال اولان دیله نه دییم؟
*
نئجه بیاض اولدو  باشیمین توکو
ویصال خیال اولدو قازیلدی کوکو
سیرتیما یوکلنمیش محنتین یوکو
آلتیندا  بوکولن  بئله  نه دییم
*
کاتب اوغلو یامان مات اولدو شاهیم
عومرو هئچه وئریر  فغانیم آهیم
بو منیم خطامدی منیم گوناهیم
یازیق  گونه  آیا  ایله  نه دییم
*