Posts mit dem Label عاشیق علی عسگر werden angezeigt. Alle Posts anzeigen
Posts mit dem Label عاشیق علی عسگر werden angezeigt. Alle Posts anzeigen

Dienstag, Januar 05, 2021

به ییستان - عاشیق علی عسگر

دوداقین غنچه دی دیشلرین صدف
قاشلارین قدرتدن قارا به ییستان
گل ائله سوزدورمه آلا گؤزلری
وورما اوره ییمه یارا به ییستان
*
عشق اهلی یم درد چکمکدن اوزوللم
نسلیدن، نصیب سن، اصلینی بیللم
بیر ساعات جمالین گؤرمه سم اوللم
گؤرسم ده یانارام نارا ، به ییستان
*
قضا – قدر منی کج دولاندیرار
سئونی سئوندن تئز اوساندیرار
بلبل اؤزون اودا ویرار یاندیرار
غنچا میلین وئرسه خارا، به ییستان
*
علی عسگرم، دوغرو یولدان آزمارام
هرجایی گؤزله تعریف یازمارام
یوز ایل کئچسه الیم سندن اوزمه رم
چکسه لر دیلیمدن دارا، به ییستان

بلی دئییب یول ارکانا گلمیشم - عاشیق علی عسگر

بلی دئییب، یول ارکانا گلمیشم
نقش اولوب سینه مده عشقین کتابی
چشمی -  نبوته عاشق اولموشام
بیر سوالا وئررم یوزمین جوابی
*
گوهر سؤزوم مجلیسلرده یاییلیب
عارف اوندان مطلب آلیب آییلیب
عبادت ائیله ین مؤمن سایلیب
سخاوتین اوندان چوخدو صوابی
*
حاقدی سؤزوم یئتیره سن اثباتا
یئمه ربا، میل ائیلمه غیباتا( غیبته )
شریعت ده حرامدی زینا – لففاتا
اوندان بد یازیلار خمری – شرابی
*
خالیقیندن اوتان مندن اوتانما
شجرت الموتی، هئچ سهل سانما
میعادا قائل اول، غافل دولانما
حاقدی میزان، صراط، قبیر عذابی
*
اگر ذرّه قالسا خمسون، ذکاتین
هرگز قبول اولماز سومو صلاتین
حاق یانیندا مهر اولنماز براتین
سالارلار بوینونا اوددان طنابی
*
دینده یارپاغا سسله نر قوشون
درک ائیله جمع اولسا ادراک و هوشون
سورولدو کروانین، کئچدی تای - توشون
فرمان - قدرتین بودور خطابی
*
آلدانما دنیانین بو فناسینا
گول اولما گوهر خزاناسینا
اؤزون یئتیر شاهین آستاناسینا
دردلره درماندی درین ترابی
*
یازیق علی عسگرم زار و بینوا
ائله ایش توت اولسون دردینه دوا
آلدانیبسان نفسه، تاپیبسان هاوا
درک ائیله ییب قانمامیسان حسابی

باخ - باخ - عاشیق علی عسگر

شریعت اوخویان، طریقت بیلن
حاق لیق ائیلییرسن حاق دینه، باخ – باخ
قالماییب دنیادا« منم» دئین لر
حضرت سلیمانین تختینه باخ – باخ
*
اوخودوغون قرآن هاردای، هانی!؟
هانسی یولا عوت ائدیر اینسانی!؟
سالیبسان زیندانا گؤزل بیر جانی
اقبالینا باخ، باخ، بختینه باخ – باخ
*
علی عسگرین کؤنلو گئییب قارالار
شفا بولمور قلبینده کی یارالار
قوجا صفا سوره ر، گؤزل سارالار
تاریخینا باخ، باخ، واختینا باخ – باخ

آراسیندا - عاشیق علی عسگر

تزه آشنالیقلا کؤهنه دوستلوغون
فرقی وار قیش ایله یاز آرا‌سیندا
نامردده قایدادی، کسر باسدیغین
هر کس حساب چکسین اؤز آرا‌سیندا
*

قودرتدن اوجالان ظلم ایله ائنمز
حاق‌دان یانان چیراق باد ایله سؤنمز
دوست دوستدان اینجییر، قلبینده دؤنمز
اولار بیر آز ارکی ناز آرا‌سیندا
*

علی عسگرم, غم و محنت دی یوکوم
فیل چکمز بو دردی, من نئجه چکیم!؟
حاق ایله ناحاققی آختاران حاکم
تاپار قولاق ایله گؤز آرا‌سیندا

اویناسین - عاشیق علی عسگر

بولاق اوسته دوران گؤزل

اللرینده گول اویناسین

سینه مه اوخ ووران گؤزل

سن دور اوینا ائل اویناسین

اللرینده گول اویناسین

آی قیز آی قیز ائل اویناسین

اللرینده گول اویناسین
*

نه قارادیر گؤزون سنین

لاله کیمی اوزون سنین

بال کیمی دیر سؤزون سنین

دوداق گولسون دیل اویناسین

دوداق گولسون دیل اویناسین

آی قیز آی قیز ائل اویناسین

اللرینده گول اویناسین
*

علی عسگرم واز ائیله دی

قیش گونونو یاز ائیله دی

قاش آلتیندان گؤز ائیله دی

سن دور اوینا ائل اویناسین

اللرینده گول اویناسین

آی قیز آی قیز ائل اویناسین

اللرینده گول اویناسین

کؤنلوم

شاعر: زلیم خان یعقوب * باخ گؤزلرین شعله سینه حیات وئرسین شعله سنه کیم وورولماز بئله سینه وورولماغا، دیر کؤنلوم * یازا دؤنر قیشین اولسا...