اورمو گؤلو - وحید شکرزاده

اورمو گؤلو نه لر گلیب باشینا ؟
قورودورلار نییه بو آز یاشینا ؟
قوربان اولوم او دوزلو گؤز یاشینا
نییه سنین گؤزون یاشین سیلن یوخ ؟
آخی ندن سنی درمان ائدن یوخ ؟
اورمو گؤلوم ندیر سنین گوناهین ؟
یوخدور سنین بیزدن سونرا پناهین
آلمامیسان هئچ بیر اینسانین آهین
سنین سودا کی بیر نفر اؤلن یوخ
آخی ندن سنی درمان ائدن یوخ ؟
بیر زامانلار چیمردیک قوجاغیندا
قویلاناردیق شفالی تورپاغیندا
سوسوز قالیب دیر دیلین ، دوداغیندا
نییه چایلار باغلانیب دیر گلن یوخ ؟
آخی ندن سنی درمان ائدن یوخ ؟
اورمو گؤلوم اولدون بیزه سن آنا
اینصاف دئیل قویاق اوره یین یانا
اولماز ائولاد کی اؤز آناسین دانا
دوزلو دنیز سندن کیمسه کوسن یوخ
آخی ندن سنی درمان ائدن یوخ ؟
آذربایجان قلبی سنده دؤیونور
سن اولماسان یوردوم اؤلو گؤرونور
میللت سنسیز باشقا یئره کؤچونور 
نییه سنین دردینی هئچ بیلن یوخ ؟
ندن آخی سنی درمان ائدن یوخ ؟
دوز یئتدی گون یاتدیم اورمو گؤلونده
آلدیم سندن " دوزلو اوغلان " سؤزونده
اوخویورام سنین آغلار گؤزونده
آذربایجان گلینینی سئون یوخ ؟
آخی ندن منی درمان ائدن یوخ ؟
*

اورمو گؤلو - بهنام شاه نعمتی

اورگیم آغلاییر، گؤزلریم دولور
هر زامان گؤرنده شور گؤلیمیزی
بیر عمور توتوبدی الیند ه ن ائلین
ایندی سه اَل آچیب گؤزله ییر بیزی
*
بیر زامان واریدی شهرتی شانی
عرشه چاتدیرمیشدی آذربایجانی
بو همان دنیزدی چکیلیب قانی
آز قالیر قوریا، قالمیا ایزی
*
چاره سیز دنیزه چاره قیل وطن
آغلا، گؤز یاشیوی تؤک دنیزه سن
دوزلارین ایله ییب اینینه کفن
قیزاریب دنیزین ماوی بنیزی
*
عثمانین یومروغو، کاظیمین داشی
قؤیمارام کسیلسین گؤزومون یاشی
کسیلسه جان وئره ر خزر قارداشی
بیر داها گؤره نمز اورمو، دنیزی
*
اورمیه، اردبیل، زنجان، همدان
جیغاتی، تاتائو، سهند، ساوالان
یاندیریر اؤلکه نی حسرتله هیجران
دیغلادیر آیریلیق قؤجا تبریزی
*

بهنام شاه نعمتی گوگانی (تایسیز)

*

اورمو گؤلو - هوشنگ جعفری

اورمونون گؤلو تك يالقيزام يالقيز

كسيليب داماردان قانيم ای ائللر

كويره دؤنورم آذربايجان تك

دويماساز چيخاجاق جانيم ای ائللر

بير الدی بيلميرم يا نئچه اللر

ال اله وئريبلر ، اليم كسيل سين

بيلميرم كيمدی لر؟ بير ايش گؤردولر

گئده نيم سينسی سين ، گليم كسيل سين

بيرنفر سوروشمور ائلجه بيله ندن

باش وئريب الی سيز جسميدن جانی

آذر ائل قورويوب شوره زار اولسا

نئي نيسيز؟ ني نيسيز؟ باش سيز ايراني

دينديرمه- دولويام ، دولويام ، دؤلو

گئديرم ظلمتين كؤكون يولدورام

اؤقه دراغليام اورمو گؤلونده

گؤز ياشلا – اورمونون گؤلون دولدورام 

*

شاعر : هوشنگ جعفری زنگانلی 

*

اورمو گؤلونون دیلیندن- صالح سجادی

ایللر بویو حیاتیما قوردون کمین، گونش!
یولداشچی لیق یولو بویوموش؟ آفرین گونش!

سن هرنه سوزلادین او قدر من دایازلادیم
آی ییرتیجی باخیش لاری مندن درین گونش

ایللر اولار کی آخمادی بیر چای بو دوزلاغا
مندن آلان بولود لاری بس نیله دین گونش؟

اولما بوراخدین اونلاری یئللر قاچیرتد یلار
یا آزدیریب، آلاخلارا وئردین کبین،گونش!

قارشیندا بوغلایان سولاریمدان اوتانمادین
بیرده آخان دامارلاریمی پی له دین، گونش!

بیرقیسا بوی لی دالغانی دا قالدیرانمیرام
یئللر اسنده قیوریلیرام چین به چین، گونش!

آخ قارقیمیش!گؤروم سنی سؤنسون آلوو لارین
گؤیده دؤنوب داشا اولاسان بیر سرین گونش

آی ییرتیجی باخیشلاری مندن نفس آلان
سؤیله منیم بولودلاریمی نئله دین گونش؟