دوبیتی - شاه اسماعیل ختایی

منه درد و بلالر یاخشی گلدی
سنه ذوق و صفالر یاخشی گلدی
سنه خوش اولدی یارین یار اولدی
منه شول آشنالر یاخشی گلدی
*

باهار - شاه اسماعیل ختائی

باهار اولدو کی عالم گلشن اولدو
گءزون آچ گؤر جهان نه روشن اولدو
بئزه ندی هر آغاج هر بیر گول ایله
آغاج لار جمله گول پیراهن اولدو

شاه اسماعیل ختائی

ازل دن عشق له دیوانه گلدیم
یئریم مئیخانه دیر مستانه گلدیم
امامیم دیر منیم او شاه مردان
بوگون نسل علی مئیدانه گلدیم

*

اوغرادیم - شاه اسماعیل ختائی

بیر بلادان قاچیبان یوز مین بلایا اوغرادیم

بیر زامان شاد اولمادیم درد و بلایا اوغرادیم

قان یوتوب هر لحظه بیر درد و بلایا اوغرادیم

نئیله ییم اى دوستان من بی وفایا اوغرادیم

*
شول فلکین گردیشى، هئچ وقت منى شاد ائتمه دى

خسته کؤنلوم بیر بلادن، غمدن آزاد ائتمه دى

آیرى دوشدوم قووم و قارداشدان منى یاد ائتمه دى

من تکین بختى قارانى خانه ویران ائتمه دى

نئیله ییم اى دوستان، من بى وفایا اوغرادیم؟
*

گؤرسه لر احوالیمى هر موبتلا ییغلار منه

آه و ناله مدن یانیب شاه و گدا ییغلار منه

دال ائدیپ بیگانه لر هر آشینا ییغلار منه

رحم ائدیب هر مفلس و هر بینوا ییغلار منه

نئیله ییم اى دوستان، من بى وفایا اوغرادیم؟
*

اى خودایا ائیله دین غمدن صنوبرى نه حالا

هئچ موسلمان اولماسین من تک غم ایچره موبتلا

لوطف ائدیب یا خیضرى پئیغمبر مدد ائت سن منا

قالمیشام دار و فنا ایچره گیریفتار و بلا

نئیله ییم اى دوستان، من بى وفایا اوغرادیم؟

اولماسا - شاه اسماعیل ختائی

نئیلرم اول جنتی ایچینده دیلدار اولماسا

قوی آنی ویرانه قالسین باغچادا بار اولماسا

غفلت اهلی قالدی ح قدن شؤیله بیل کیم، بینسیب

قاندا دیداری گؤرور، اول بوندا بیدار اولماسا

دونیادا آشیق اولن گئیدی ملمت دونونو

هر یئتن آشیق اولورمو درد آنا کار اولماسا

آشیقین میداندا باشی توپ یئرینه چالینور

باشینی میدانا قویماز کیم کی، سردار اولماسا

دوغرولوق دوست قاپی سی دیر، دوغرو گل گیر بو یول

ایری میداندا اوتانور، اوندا ایقرار اولماسا

ائی ختای، گؤوهری خرج ائیلمه نادانه سن

گؤوهرین قدرینی بیلمز گر خیریدار اولماسا

قاچما مندن - شاه اسماعیل ختائی

ایچمیشم بیر دولو ، اولموشام آییق

دوشموشم داب لارا ، اولموشام گئییک

سنه دئیرم سنه ، سورمه لی گئییک

قاچما مندن ، قاچما اووچو دئییلم

اووچو دئییلم کی دوشم ایزینه

قاچا – قاگا قان لار ائندی دیزینه

سورمه لز هئی چکدین قونور گؤزونه

قاچما مندن ، قاچما اوچو دئییلم

سنه دئیرم – سنه گئییک ارنلر

بیزه سئودا ، سنه دالبا وئرن لر

دیلرم مؤول دان یئنمز ووران لار

قاچما مندن ، قاچما اووچو دئییلم

ائیدیر شاه خطایم اوچان قاچان دان

ذره جه قورخماریق بو دادلی جاندان

گئدیب دوواج اولما آتانا مان دان

قاچما مندن ، قاچما اووچو دئییلم

بو گون اله آلماز اولدوم من سازیم - شاه اسماعیل ختائی

بو گون اله آلماز اولدوم من سازیم

عرشه دیرک – دیرک چیخار آوازیم

دؤرد شئی واردیر بیر قارینداشا لازیم

بیر ائلیم ، بیر کلم ، بیر نفس ، بیر ساز  

گؤزل الیم چیخسا ، چیخسا سالینسا

بدیر آی لار کیمی دویسا دولونسا  

دؤرد شئی واردیر بیر قارینداشا لازیم

بیر خئیر ، بیر شر ، بیر عبادت ، بیر نیاز

یاز اولونجا چاییر – چمن اوستونده

ارمبان سوناپلپ دوستو – دوستونا

دؤرد شئی واردیر اووو المیش دستینه

بیر شاهین ، بیر دوبان ، بیر اسپیر ، بیر باز

جاهیل اؤلن سؤی لر ، سؤزونو بیلمز

مئیدانا گلینجه ، اؤزونو بیلمز

دؤرد شئی واردیر جنت اوزونو گؤرمز

بیر مونکر ، مونافیق ، بیر یئزیثد ، قانماز

شاه ختایم آیدیر ، سن قولون نئدر

گؤزل دنیاسینی ترک ائدر گئدر

دؤرد شئی واردیر ایل دن – ایله دؤر ائدر

بیر آی دیر ، بیر گون دور ، بیر قیش دیر ، بیر یاز

*