گؤزیاشینین آخیب گئدن گیله سی
اوره ییمدن قوپوب گئدیر ۀآغلاما
دیوانه اولارام غمین الیندن
قلبیمی آغی لار دیدیر آغلاما
*
آغلاما یاشین سئل اولدو
اوره ییم یاندی کول اولدو
حسرتین یاشی ایل اولدو
آغلاما گولوم، آغلاما
*
قاشلارینی هر چاتیلمیش گؤرنده
حیات عشقی یوخا چاتیر سینم ده
کیپلیکلرین نملی – نملی یئننده
حالیمی پریشان ائدیر آغلاما
*
آغلاما بیتر بو حسرت
وصال اولار بیزه قسمت
اونودولماز ایلک محبت
آغلاما گولوم آغلاما
*
بعضا اولور کوسلوک اولدو آرادا
زامان کئچر ساغالار بو یارادا
غملی کؤنلوم بیر گون دوشر تورادا
عشقیمیزی هجران گودور آغلاما
*
آغلاما یاخین گَل باری
عؤمروم گونوم اولوب یاری
اونوتما عهدی ایلقاری
آغلاما گولوم آغلاما
*
