Posts mit dem Label آتا شعری werden angezeigt. Alle Posts anzeigen
Posts mit dem Label آتا شعری werden angezeigt. Alle Posts anzeigen

Samstag, September 09, 2023

آتا - حاتم احمدی

آتا
ائولادین اومودو، ائولادین گوجو
درمان سیز دردلره، درماندی آتا
اللرینده قابار، گؤزلرینده نم
رحمتین مولکونه سلطان دیر آتا
آتا بیر نعمت دیر تاپیلماز تایی
دانیشاندا سسی اؤنم لی سس دیر
اگر قوجالیبسا، قیناما اونو
گوجو اولماسادا باخیشی بس دیر
هر ائوه اوخشاییر یاشلی بیر بابا
چوخ گؤزل اولار اگر سولماسا
باغبانی آتادیر، آغاجی ائولاد
آغاج سولمالی دیر، باغبان اولماسا
نه قدر یورولسا نه قدر سولسا
ائولادین اوزونه باخیب دینجلیر
هر آدی سسله سن ییخیلان زامان
هامی دان اول ده آتادیر گلیر
بیرگون بویویه جکسن اوشاقلیغیندان
آتانین دیلینده آواز اولوبسان
عؤمرونو سولدوروب سنین یولوندا
اؤزو پاییز اولوب سن یاز اولوبسان
*
شاعر: حاتم احمدی مشکین شهری
*

کؤنلوم

شاعر: زلیم خان یعقوب * باخ گؤزلرین شعله سینه حیات وئرسین شعله سنه کیم وورولماز بئله سینه وورولماغا، دیر کؤنلوم * یازا دؤنر قیشین اولسا...