دلی کؤنلوم - بابک قوجا اوغلو

دلی کؤنلوم

اوجا اوجا داغلار آشیر
عاشیق سایاق نغمه قوشور
سنی گؤروب بیردن چاشیر
دلی کؤنلوم ، دلی کؤنلوم

حادثه لر اوزه رینده
خوش دور منه دردسرینده
یازیب عؤمور دفتریمده
دلی کؤنلوم ، دلی کؤنلوم

اللرینی توتان دا من
تئللرینده باتان دا من
یاتمایاجاق یاتاندا من
دلی کؤنلوم ، دلی کؤنلوم

بیر گون گلر گولرسن سن
گؤز یاشیمی سیلرسن سن
نئجه سئویب ،بیلرسن سن
دلی کؤنلوم ، دلی کؤنلوم

اوزاناجاق یوللار سنه
داریخاجاق قوللار سنه
بابک قوربان اولار سنه
دلی کؤنلوم ، دلی کؤنلوم …
"بابک قوجازاده

*

سن سیز - بابک قوجا اوغلو

سن سیز

هله ده او گؤزلر منیم چون دنیز

هله دوننلرده یاشار ایکیمیز

سن من سیز

من کیمسه سیز

گه زیریک هله

کوچه میز سن سیز

تبریزیم سن سیز

هر نه ییم سن سیز

بیر آددیم اوزاقدا

دایانمیسان سن

سون گؤروش اولدو

بو آخشام بیزه

اوزاقلار حالیما

یامان اوخشاییر

اؤتوشن آیلاریم ایللریم سن سیز

بیر آددیم اوزاقدا

ایتیب گؤزومدن

هارا گئتدین بوردان تله سیک آی دوست؟

بیر آددیم اوزاقدا

اوره ییم چیرپیر

اوره ییم الینده

اللریم سن سیز

هله ده سن سیزم

هله ده سن سیز

اللریم – قوللاریم

گؤزلریم سن سیز

هر گئجه گؤردویوم

گؤزلریم سن سیز

رؤیالار سن سیز

تبریزیم سن سیز

وطنیم سن سیز

هر نه ییم

هر نه ییم

هر نه ییم سن سیز

*

بی تو

هنوز هم آن چشها برایم دریا هستند

هنوز هم در گذشته ها زندگی می کنیم

تو بی من

من بی کس

هنوز می گردیم

کوچه مان بی تو

تبریزمان بی تو

همه چیزم بی تو

یک قدم دورتر

ایستاده ای تو

دیدار آخر است

امشب

دور دست ها

عجیب شبیه حال من است

ماههای گذشته ام

سالهایم بی تو

یک قدم دوردستها

از چشمان دور شده

کجا رفتی ای دوست با این عجله

یک قدم دوردستها

قلبم می زند

دلم در دستانت

دستانم بی تو

هنوز هم بی توام

هنوز هم بی تو

دست و بازیم

چشمانم بی تو

رویاهای شبانه ام

بی تو

تبریزم بی تو

وطنم بی تو

همه چیزم

همه چیزم

همه چیزم بی تو

*

 

سن دن خبرسیز - بابک قوجازاده

داغلارین باشینا دوشن قاردیمی
دوماندان خبرسیز چندن خبرسیز
کوکسومو گوینه دن اینتیظاردیمی
قلبیمدن خبرسیز مندن خبرسیز
قیردیم اوز عهدیمی من بیله بیله
حاققین وار یانیمدان کئش گوله گوله
ارییم اودونا گوی گیله گیله
من سنی سئومیشم سندن خبرسیز
آی محمد قیسمتین نلر نلرمیش
اوزاغ سایدیغیندا یاخین گلرمیش
سن دئمه داغلارا قار النرمیش
دوماندان خبرسیز چندن خبرسیز
من سنی سئومیشم سندن خبرسیز
آغارتدیم ساچلاری سندن خبرسیز
کؤچوب بیر داهالیق گئتدین یانیمدان
بوتون دویغولاری آلدین جانیمدان
ایتیب گؤرونمه ین ناکام آنیمدان
اؤتوشمه دی بیر آن غم سیز کدر سیز
آغارتدیم ساچلاری سندن خبر سیز
بیر سئوگی نیسگیلی قالیب دی منده
یاشادیغیم ایللر ایتیب دی چن ده
کاشکی بو حالیمی گؤرئیدین سن ده
اؤتوشمه دی بیر آن غم سیز کدر سیز
آغارتدیم ساچلاری سندن خبر سیز
سندن سونرا ظولوم ظولوم آغلادیم
نئچه کؤنول قیریب اورک داغلادیم
نه کیمسه نی سئویب نه بئل باغلادیم
اؤتوشمه دی بیر آن غم سیز کدر سیز
آغارتدیم ساچلاری سندن خبر سیز
نئچه واخت دیر سندن داها خبر یوخ
بوندان بویوک منه درد یوخ کدر یوخ
آنجاق کی بو گونلر داریخیرام چوخ
اؤتوشمه دی بیر آن غم سیز کدر سیز
آغارتدیم ساچلاری سندن خبر سیز
*

یوخو - بابک قوجا اوغلو

بو گئجه یاتماغا تله سیرم من
سئوگیلیم یوخوما قوناق گله جک
اوتوروب اؤنومده او ظالیم قیزی
گؤزل بیر سحردن ناغیل دئیه جک
*
بو گئجه منیم یوخولاریمدا
داغلارین باشیندا تونقال یاناجاق
بو گئجه تبریزین بور بوجاغیندا
بوتون سئوگیلی له ر قوناق اولاجاق
*
بو گئجه یاتماغا تله سیرم من
یوخومو سنین چون ناخیشلامیشام
ایسته رسه سحر اولسون دورمویاجام
بو گئجه یوخومو سنه وئرمیشم
*
چوخداندیر سنین له گؤروشمه میشم
بو گئجه یوخومدا گؤروشومه گل
بو اوره ک ائویم قوی سنین اولسون
اوتوروب ایچینده بیرآزجا دینجل
*
بو گئجه سنین دیر بو یوخوم سنین
بو گئجه عؤمرومون ان خوش چاغی دیر
بو گئجه سن ایله اولدوغوم یوخو
بوتون یوخولاریمین پادشاهی دیر
*
خواب
امشب برای خواب عجله می کنم
عشق من میهمان خوابم خواهد بود
روبروم نشسته اون ظالم زاده
از صبحی زیبا قصه خواهد گفت
*
امشب در خوابهای من
بر قله کوهها آتش روشن خواهد شد
امشب در گوشه کنار این تبریز
تمام عشاق مهمان خواهند بود
*
امشب برای خواب عجله می کنم
به خوابم نقش تو را کشیده ام
صبح هم شود بیدار نخواهم شد
امشب خوابم را به تو هدیه کرده ام
*
خیلی وقت است که همدیگر را ندیدیم
امشب در خواب به دیدارم بیا
بگذار خانه دلم مال تو باشد
اینجا لحظه ای بیاسای عزیزم
*
امشب مال توست و این خواب مخصوص تو
امشب بهترین ایام عمرم است
امشب با تو بودن در خواب
پادشاه تمام خوابهایم است
*

سئوگیلیم

ساچلارينا بنزتميشم گئجه می
گل اوزاق گزمه يانيما سئوگيليم
دوداغيندا ايتيرميشم سؤزومو
گولوشونله جانيمي آل سئوگيليم
...
سن او تايدا من بو تایدا آرالی
کؤنلوم درد الیندن اولوب یارالی
يانيما گل آذربايجان مارالی
گولوشونله جانيمي آل سئوگيليم
...

کؤنلومده بو حسرت منه درد اولور
اوره ييمدن آخيب گؤزومه دولور
وئردييين گوللرين الیمده سولور
گولوشونله جانيمي آل سئوگيليم
...

سن منيم چون يازيلماميش بير شعير
سطيرلر دينله نير سطيرلر دئيير
بو کلمه لر ماهني کؤينه يي گئيير
گولوشونله جانيمي آل سئوگيليم
...

بابکين شعرينده غم وار کدر وار
ووصالا چاتماغا مين بير تهر وار
هر گئجه سونوندا يقين سحر وار
گولوشونله جانيمي آل سئوگيليم
...
بابک قوجا اوغلو
…
شبم را به گیسویت تشبیه کردم
دورنرو بیا پیشم سوگلیم
در لبهایت حرفم را گم کرده ام
با خنده ات جانم را بگیر سوگلیم
...
تو آن طرف من این طرف جدا ازهم
دلم از درد زخمی شده
بیا پیشم زیبای آذربایجان
با خنده ات جانم را بگیر سوگلیم
...
این حسرت در دلم درد شده
از دلم جاری و در چشمانم پر شده
گلهائی که دادی در دستم پژمرده
با خنده ات جانم را بگیر سوگلیم
...
تو برایم شعر نانوشته ای
سطور به زبان آمده سطور می گویند
این کلمه ها لباس ترانه می پوشند
با خنده ات جانم را بگیر سوگلیم
...
در شعر « بابک » غم و کدر است
برای رسیدن به وصال هزار و یک راه است
در پی هر شب به یقین صبحی است

با خنده ات جانم را بگیر سوگلیم