پری

پری - ملاپناه واقف

بویون صراحی دیر بدنین بلور
گردنین چکیلمیش مینادن پری
سن ها بیر سوناسان جدا دوشموسن
بیر بؤلوک باش سونادان پری
*
ایختلاطین شیرین، سؤزون مزه لی
شکر گولوشوندن جانلار تزه لی
ائللر یاراشیغی، اؤلکه گؤزلی
نه گؤزل دوغوبسان، آنادن پری

*
اوز یانیندا تؤکولوبدور تئل نازیک
سینه مئیدان، تئل پریشان، بئل نازیک
آغیز نازیک، دوداق نازیک، دیل نازیک
آغ اللرین الوان حنادان پری
*
آوجی سی اولموشام سن تک مارالین
خیالیمدان چیخماز هرگیز خیالین
انلییی، کیرشانی نئینر جمالین
سن ائله گؤزل سن بنادان پری
*
گونش تکی هر چیخاندا سحردن
آلیرسان واقفین عاغلینی سردن
دعاجینام سالما منی نظردن
اکسیک اولمایاسن سنادان پری
*

باغلاندی

شاعر: ملاپناه واقف

جمعی گؤزل لردن سنی باش بیلدیم
اوسببدن مئیلیم سنه باغلاندی
خیالیندان اوزه بیلمم خیالیم
دفعه لرله دونه - دونه باغلاندی
*
ازل کی تک مئیلین منه ندن یوخ؟
سان کی سونرادان بیر اویردن یوخ
خیلی واختی بیزه گلیب گئدن یوخ
آرالیغلار یامان یئنه باغلاندی
*
من واقیفم رخسارینی گورمورم
قان آغلارام دیدارینی گورمورم
بیزه دوغرو گوذارینی گورمورم
روزگاریم قارا گونه باغلاندی
*

گَرَک - ملا پناه واقف

گَرَگ ( بولود زولفولو، آی قاباقلی گؤزلیم)

*

بولود اوزلو آی قاباقلی گؤزلیم
دوروبان باشینا دولانماق گرک
بیر ائوده کی بئله گؤزل اولمایا
او ائو برباد اولوب تالانماق گرک
*
اندامی آغ گرک سینه سی مرمر
سیاه زولفو قامتینه برابر
قوینو ایچی قویا مشک له عنبر
باسدیغی تورپاغا یالانماق گرک
*
چیخا سرایندان جانلار آلان تک
خیشمه گله گه – گه قهری اولان تک
شاهماز زولفو دال گردنه ایلان تک
هردن ترپننده بولانماق گرک
*
واقیف سنین ایشین مدام آه اولسون
سگ رقیبین عؤمرو قوی کوتاه اولسون
همدم سیز کیمسه نه اگر شاه اولسون
گدادیر او کیمسه دیلنمک گرک
*

بیر گؤزل کی، شیرین اولا بینادان

شاعر: ملا پناه واقف
*

بیر گؤزل کی، شیرین اولا بینادان
یۆز ایل گئتسه اونون دادی اکسیلمز
تزه ‌لیگی، کؤهنه ‌لیگی بیر اولور
گؤهر تک قیمتده آدی اکسیلمز
*
گؤزللیکدن دوشمز هئچ اصیل‌زادا
گۆن‌ به‌ گون قامتی دؤنر شیمشادا
مهر و محبّتی اولور زیادا
اعتیباری، اعتیقادی اکسیلمز
*
نه قدر کی، یۆزه یئتیرسه یاشی
تا کی، هئیدن دۆشه، تیتره ‌یه باشی
گئنه جان آلماغا گؤزیله قاشی
غمزه ‌سی‌نین هئچ جلّادی اکسیلمز
*
جؤوهری پاک اولور تزه جاواندان
هرگیز ال گؤتورمز شؤوکت و شاندان
مۆژگان خدنگلرین کئچیریر جاندان
پئیکانی‌نین هئچ پولادی اکسیلمز
*
واقیف، ایستر ایسن گؤره‌سن لذّت
گل سئو بیر درد بیلن، اهلی محبّت
نؤوجاوانلار سئون هئچ اولماز راحت
گئجه- گۆندوز هئچ فریادی اکسیلمز
*

آغلا گؤزوم، آیریلیرسان جاناندان - ملا پناه واقف

ملا پناه واقف
آغلا گؤزوم، آیریلیرسان جاناندان
هر کسی کی، گؤرسن، شیکایت ائیله
اؤلدون گئتدین، بلکه یاری گؤرمه‌دین
کعبه‌ی- کویینی زیارت ائیله
*
سن منیم جانانیم، روحی روانیم
لبلری شیرینیم، قونچه دهانیم
بیر ساعت گؤرمه‌ سم، طوطی زبانیم
قوپاجاق باشیما قیامت ائیله
*
واقیف بیر شئیدادیر، دولانیر باغی
خسته‌دیر، درمانی، دیلبر دوداغی
او آلما یاناغی، بۆللور بوخاغی
آللاه، بدنظردن سلامت ائیله
*

اولمایایدی بئله سفره چیخماق - ملا پناه واقف

اولمایایدی بئله سفره چیخماق
بیز یار ایله دانیشمادیق، آیریلدیق
حالاللاشیب، هۆمّت له شیب دوست ایلن
تمننشیب گؤروشمه‌دیک، آیریلدیق
*
بیلمم، کیمه دئییم دردیم نئچه‌سی
یارین تر ممه‌سی، سینه هاچاسی
یوخو منی آلدی گلن گئجه‌سی
گۆل اۆزوندن اؤپوشمه‌دیک، آیریلدیق
*
بیز دویمادیق یارین شیرین دیلیندن
شکر پارچاسیندان، لبِ بالیندان
مینا گردنیندن، اینجه بئلیندن
حاییف اولدو، ساریشمادیق، آیریلدیق
 *
واقیفم، اۆستومه گلمز خاص الی
سیلینمه‌دی هئچ کؤنلومون پاس الی
نه ممدّت دیر، جانان بیزدن کۆسه‌لی
کؤنلون آلیب باریشمادیق، آیریلدیق

صفالار گتیریب تشریف بویوردون - ملا پناه واقف

صفالار گتیریب تشریف بویوردون

قدم باسدین بیزه ، قربانم اولدوغوم

آز قالا کی سنین حسرتین بیزی

اینجلتمیشدی اوزه ، قربان اولدوغوم

..

سن گلدین نور دولدو ائوه اتاغا

گلدیین یوللارا ، جانیم صداغا

دوروب قربان اولماق سن تک قوناغا

نوش دور جانیمیزا ، قربان اولدوغوم

..

من مایلم سن دن دوشمه رم ،حاشا

بولوت زولفه ، آق قاباغا ، آی قاشا

قوی دویونجا باخسین ، ائتسین تماشا

حیران دی گؤز گؤزه ، قربان اولدوغوم

..

سن قدیینه یاشیل آللار گئییجی

واقف داخی سنه غزل دئییجی

شکر اللاها دئییل آدام یئییجی

ئولور گلسن بیزه ، قربان اولدوغوم

سیاه تئللی بیر صنمین اوجوندان - ملا پناه واقف

سیاه تئللی بیر صنمین اوچوندان
بادا گئتدی دین - ایمانلار افندی
او اوداکی من دوشموشم یانیرام
دوشمه سین هئچ مسلمانلار افندی

*
کؤنول دئییل سن گؤردویون هاوادا
دردیم اولور گوندن گونه زیادا
هر زامان دوشنده لب لری یادا
تؤکولور گؤزومدن قانلار افندی

*
منیم مئیلیم یوخدور سلطاندا خاندا
یاریمین آرزوسون ساخلارام جاندا
خالق دا بیلیر منیم کؤنلوم اوندا
اولسا یوز مین نوجوانلار افندی

*
موللا اودور هر نه گؤرسه کتابدا
اونو شرح ائیلیه حاق دا حساب دا
واقف دئییر سنه منه بو باب دا
هله آزدیر بو دیوانلار افندی

بو نئجه ظولومدور - ملا پناه واقف

بو نئجه ظولمدور منه ائیلیرسن
آدام مگر بیر انصافا گلمزمی ؟
بیرگون گؤره رسن کی والله اؤلموشم
بو قدیر درد چکن آخیر اؤلمزمی؟
*

خوبلارین بعضی سی نئچه زاد اولور
یارین غمگین قویار اؤزو شاد اولور
بیر سئوگی کی ، سئوگیسیندن یاد اولور
مگر اونون یاخشی لیغین بیلمزمی؟
*

خوبلاردا عادت دی، نزاکت ساتار
گئنه خیالینی خیالا قاتار
گؤزل اولان مگر باشین دیک توتار
عاشیقیندن دوغرو هئچ آیریلمازمی
*

عشق اودونا یاندی جانیم سربه سر
آللاها باخ ، ای ظالیم و ستمگر
عاشیقینه قانلار آغلادان دیلبر
رحمه گلیب گؤز یاشینی سیلمزمی؟
*

بیر پری اولایدی بو دم دن اؤترو
اؤزون اؤلدوره یدی آدم دن اؤترو
قدیر بیلن یاخشی همدم دن اؤترو
واقف ، جان اوزولور ، باش اوزولمزمی؟

*

ندن کوسوب طبعی نازیک اولان یار - ملا پناه واقف

ندن کوسوب طبعی نازیک اولان یار
بیلمه نم کی ، بونا نه چاره گرک ؟
نه دئمک دیر دوست - دوستوندان اییلمک
گرک کی دوزه له یول ، آرا گرک
*

گؤره سن نه دومیش رقیب بی پیر
یار اولوبدو مندن ها بئله دیلگیر
من اوندان ائتمه رم جانیمی تقصیر
آما کی اؤزوندن اشاره گرک
*

اتک لیی آلتون ، قسابه سی زر
چهرایی چارقادی ، قدی برابر
باشیندا برق وورور گون کیمی زیور
اونو گؤرن دوشه اودلارا گرک
*

اشرفی دن اوزلوک ، اوزونده گؤیچک
بوغازی آلتیندا سیغاللی بیرچک
ضاباق بئله بیاض ، یاناق لاله تک
گؤز آلا گرکدیر ، قاش قارا گرک
*

اوخویوب واقفین هم ازلیندن
شیرین قافیه دن شوخ غزلیندن
دوروب اؤپوب آیاقیندان الیندن
باریشماق یالوارا - یالوارا گرک

*

گلمه دی - ملا پناه واقف

باد صبا بیر خبر وئر کؤنلومه
او گولو خندانیم نئیچون گلمدی
خیالیم شهرینی قویدو ویرانا
سروریم سولطانیم نئیچون گلمدی
*

سرخوش یئریشینه قوربان اولدوغوم
گؤرمه ینده دلی دئیوان اولدوغوم
مینا گردنینه حئیران اولدوغوم
سرو خرامانیم نئیچون گلمدی
*

قاشی کمان کیپریکلری قلمیم
آغزی شکر دوداقلاری یئملیم
الوان کلاقیلی بیاض ممه لیم
سینه سی مئیدانیم نئیچون گلمدی
*

محراب و منبریم کعبه علیام
عقلیم هوشوم جانیم هم دینیم دونیام
ائلیم گونوم اوبام میصری زلیخام
یوسف کنعانیم نئیچون گلمدی
*

نسرین بناگوشوم بنفشه مویلوم
پری لر طلعتیم ملائک خویلوم
بلبل لطافت لیم صنوبر بویلوم
حوری قیلمانیم نئیچون گلمدی
*

آغزی خئیر سؤزلوم ، دیلی دله کیم
تر گولوم آغ الیم گوموش بیله کیم
قناری جیلوه لیم طاووس باخیشلیم
لباسی الوانیم نئیچون گلمدی
*

واقفیله دؤندو بیر ساعاتیمیز
نه صبریمیز قالدی نه طاقتیمیز
بو گوندن بئله دیر قیامتیمیز
گلمدی جانانیم نئیچون گلمدی

دولدو داماغیما زولفون عنبری - ملا پناه واقف

دولدو داماغیما زولفون عنبری
واله اولدو کؤنول هاوادان سنه
الیم یئتمز نامه یازیب ، دردیمی
گؤنده ریرم باد صبادان سنه

*
اوتوروشون گؤزل گولوشون گؤزل
ساللانیشین گؤزل ، یئریشین گؤزل
خویون خلقون گؤزل ، هر ایشین گؤزل
بخش اولوب بو خوبلوق خدادان سنه

*
دوداقلارین اوخشار لعل یمنه
یادا دوشدو باغریم اولدو قان گئنه
سیاه تئل دوزورسنبیاض گرده
دوشوبدور بو قایدا سونادان سنه

*
فکر و خیالیندیر کرنلوم زینتی
شیرین سؤزلریندیر آغزیم لذتی
سن سن منیم عمروم گونوم وحدتی
یئتیشمه سین یارب ، بلادان سنه

*
غم ائوینده سالدین کنجه واقفی
ائیله دین مویندن اینجه واقفی
نئیچون اینجیدیرسن بونجا واقفی
نه حاصل بو جور و جفادان سنه

*

فاطیمه - ملا پناه واقف

ساچین زنجیرینه کؤنول باغلادیم
مجنون کیمی دوشدوم داغا ، فاطیمه
نئیچون منی گؤرجک سرخوش اؤتورسن
بیر باخمازسان سولا – ساغا فاطیمه
*
اؤزون پری خلق و خویون فرشته
هاردا اولسان اورا دؤنر بهشته
سن گرک دیر گونده چیخاسان گشته
گول دوزه سن گول یوخاغا ، فاطیمه
*
هاچاناجاق جانیم اودلارا یاخیم
هر طرفه داشقین سئللر تک آخیم
چوخ مشتاقام آچ اوزونو قوی باخیم
عنبر زولفه گول یاناغا فاطیمه
*
لایق دئییل سنه ناکس و بی غم
آدام گرک اولا آداما همدم
جانیم چیخار سنی گؤرمه سم بیر دم
گئمه مندن سن اوزاغا فاطیمه
*
واقف سنی سئودی خوبلار ایچیندن
بیر تزه غنچه سن گلزار ایچینده
سؤز دانیشماق اولماز اغیار ایچینده
گل چکیلک بیر قیراغا فاطیمه
*
دل به زنجیر زلفت بستم
همچون مجنون آواره کوهها شدم ، فاطمه
چرا با دیدنم مستانه می خوانی
چپ و راست را نگاه نمی کنی فاطمه
*
خودت پری ، خلق و خویت فرشته
هر جا باشی آنجا بهشت می شود
تو باید هر روز به گشت بروی
گل بچینی بر غبغب گلت ، فاطمه
*
تا کی جانم را در آتش عشقت بسوزانم
به هر سوی همچون سیل خروشان جاری شوم
مشتاقتم ، رویت را باز کن ببینم
زلف عنبرین و گونه گلت را ، فاطمه
*
ناکس و بی غم لایق تو نیست
آدم باید همدم آدم باشد
جان می دهم اگر تو را نبینم
دور نشو از من یکدم ، فاطمه
*
واقف بین خوبان عاشق تو شد
گلی تر و تازه ای میان گلها
پیش اغیار نمی توان صحبت کرد
بیا گوشه ای بنشینیم فاطمه
*

ای سوسن سنبلوم - واقف

ای سوسن سونبولوم آل زنخدانیم
قوربان اولسون لاله گول ایلن سنه
بو نئچه گوندور کی سندن ایری یام
ساناسان حسرتم ایل ایله سنه
*
دئمه لی چوخ گیزلین دردی دیلیم وار
قورخورام کی دئیه م ائشیده اغیار
ایسته رم کی یازام گؤنده رم ای یار
سحر اوغرون اسن یئل ایلن سنه
*
آغزی پیالاسان گردنی مینا
نازیک اللرینده عنابی حنا
سنی گؤرن دئیر یاشیل باش سونا
اوجو حلقه سیاه تئل ایلن سنه
*
چوخلار سنه ایما ایلن باش ایه ر
موم تک اریر ، اولسا باغری داش ایر
طوبی گؤرسه ، ایکرام ائیلر باش ایه ر
بو گؤزل بوی ایلن ، بئل ایلن سنه
*
یادیما دوشه نده زولفون عنبری
قلاب گیره ر اوره ییمدن ایچری
من شاهام ای گؤزللرین سروری
قوربانام واقف تک گول ایلن سنه
*
ای سوسن و سنبلم ، ای سرخ زنخدانم
الهی که لاله با گلهایش قربانت شوند
این چند روزی که از تو دورم
گوئی که سالهاست در حستت هستم
*
درددلهای پنهانی زیادی دارم
می توسم بگویم و بیگانه بشنود
می خواهم بنویسم و بفرستم به تو
با باد صبحگاهی به تو
*
دهان پیاله و گردنت مینا
هر که می بیند فکر می کند هستی سونا
با موهای حلقه و سیاه رنگت
*
خیلی ها با ایما در مقابلت سر خم کرده
سنگدل نیز در مقابلت همچون شمع آب ی شود
اگر طوبی ترا ببیند با اکرام در مقابلت سر خم می کند
با این قد و قامت و کمرت
*
عنبر زلفت که یادم می افتد
قلاب بر جگرم فرو می رود
ای سروز زیبایان ، من شاهم
قربانت هستم با گلی مثل واقف
*

دوروبان عشقیله گذر ائیله دیم - واقف

دوروبان عشقیله گذر ائیله دیم
بیر پری نین اولدوم مهمان ائوینده
ذره جن گؤرمه دیم حرمت عزتین
قالدیم ائله پئشمان – پئشمان ائوینده
*
تاکی منی گؤردو او قلبی قارا
چکدی یاشماغینی او گولرخسارا
دؤندره ردی اوزونو ، توتدو دیوارا
ساناسان کی یوخدور اینسان ائوینده
*
دوداغی شکردیر ، گفتاری شربت
نه فایدا ائیله مز شیرین محبت
مخلصی کی ، یوخدور اوندا بیر لذت
بولدور ائله آجی قلیان ائوینده
*
کئچمه او دیلبرین سن اوتاغیندان
تر بنؤوشه قوخور هر بوجاغیندان
سان کی بیر گوشه دیر جنت باغیندان
آچیلیبدیر گولی الوان ائوینده
*
واقف بیر کیسمه کی بیزدن یاشینا
یقین بیل کی بیزنن اولماز آشنا
گلدییمیز هئچ گلمه دی خوشونا
تاپدیم من حالینی عرفان ائوینده
*
ناگهان با عشق گذر کردم
مهمان زیباروئی شدم ، در خانه اش
ذره ای حرمت و محبت از او ندیدم
پشیمان و سرخورده ماندم ، در خانه اش
*
تا آن سیاه دل مرا دید
روبنده اش را بر چهره اش کشید
رویش را به طرف دیوار برگرداند
گوئی که هیچ انسانی نیست ، در خانه اش
*
لبهایش شکر و گفتارش شربت
چه فایده که نیست شیرین صحبت
خلاصه که نیست هیچ لذت
فراوان است قلیان تلخ ، در خانه اش
*
از اتاق آن دلبر رد نشو
که از هر گوشه اش عطر بنفشه برمی خیزد
گوئی که گوشه ای از باغ بهشت است
گلهای الوان باز شده ، در خانه اش
*
ای واقف کسی که از ما رو میپوشاند
یقین بدان که با ما نمی گردد آشنا
از آمدنمان هیچ خوشش نیامد
حالش را عرفانی دیدم ، در خانه اش
*

سئومیشم

بو گون بیر عجایب گؤزل سئومیشم
بئله سی اولماز هئچ ویلایت ده
ساناسان کی ، جمالیندان نور یاغیر
یارانیبدیر یارب نه خوش ساعاتدا
*
آل چارقاددان یاشماق توتوب چه نه یه
سیمین یاراشدیریب زر نیم تنه یه
دئییل دیر برابر هئچ کیمسه نه یه
خوبلار شاهیدیر شان و شوکت ده
*
گلابیلن زولفون جیغاسین ایر
اوزونه باخاندا قان اولور جییه ر
گؤیدن یئره ائنمیش ملک دیر مگر
یوخسا اینسان اولماز بئله صوراتدا
*
بیله یی ، بازوسو ، هر بندی گؤزل
گردن ده زولفونون کمندی گؤزل
آینا توتدو دورد بئزه ندی ، گؤزل
ساللاندی ، گؤره سن نه قیامتده
*

سونا جیغاسی تک سرینده تئلی
آق گول یارپاغی تک آیاغی الی
جیسمی دولو ، نازیک بدنی ، بئلی
گؤرمه میشم دیلبر بو نزاکتده
*

نوجوانلار قوی همیشه وار اولسون
آمما کی بیزلردن خبردار اولسون
واقفین دعاسی سنه یار اولسون
سنی حاق ساخلاسین عؤمور دوولتده
*
عاشق شدم

امروز عاشق یک زیباروئی شدم که
در هیچ ولایتی همتایش پیدا نمی شود
گوئی که از جمالش نور می تراود
الهی ، در چه ساعت خوشی آفریده شده
*
از روسری سرخی بر چانه اش روبند کشیده
بر نیم تنه اش سیمین کشیده
هیچ کسی همانند او نبود
در شان و شوکت پادشاه خوبان است
*
با گلاب زلف بلندش را فرم می دهد
به صورت که نگاه می کنی دلت خون می شود
گوئی که فرشته ایست از آسمان به زمین آمده
وگرنه بنی آدم این چنین زیبا نمی شود
*
دست و بازو و هرجایش زیبا
کمند زلفان بر گردنش ، زیبا
آینه گرفت و بزک کرد ، زیبا
خرامید ، الهی چه قیامتی شد
*
همچون سونا گیسوی زیبایش
همچون برگ گل سفید دست و پایش
تپل و نازک بدن و کمر باریک
دلبری به این زیبائی ندیده ام
*

نوجوانان همیشه زنده باشند
اما بی خبر از ما نباشند
دعای واقف پشت و پناهت
حق در تمام عمر نگهدارت باشد
*

زینب - ملا پناه واقف

بنؤوشه تک عنبر زولفون بوی وئریر
هر یویوب سره نده هاوایه ، زینب
اونون عطرین دیماغیمدان اوزمه سین
امانت ائت باد صبایه زینب
*
قاشا وسمه ، گؤزه سورمه چکنده
سیاه زولفو دال گردنه دوزه نده
ساللانیبان ککلیک کیمی سه کنده
اوخشارسان یاشیل باش سونایه زینب
*
سنی سئون چوخ بلایه توش اولور
عاغیل گئدیر باشدان ، فراموش اولور
آوازین گلنده ، جان بیهوش اولور
قربانام او نازیک صدایه زینب
*
یاناغی لاله سن ، قامتی دال سان
آغزی شکر ، دیلی دوداغی بالسان
ساناسان کی یورغون وحشی مارال سان
اولوبسان یاراشیق اوبایا زینب
*
سن سن پادیشاهی ، خانی ، واقفین
عاغلی ، هوشو ، دین ایمانی واقفین
حسرتیندن چیخدی جانی واقفین
نولور کی گله سن بورایه زینب
*
زینب
همچون بنفشه زلف عنبرت معطر
هنگام شستن و به هوا پراکندنت زینب
الهی که عطرش از دماغم کنار نرود
امنت بده به باد صبا زینب
*
وقتی بر ابرو وسمه و بر چشم سرمه می زنی
وقتی زلف سیاهت را پشت گردنت می اندازی
وقتی همچون کبک خرامان و با ناز می روی
همچون سونا زیبا می شوی ، زینب
*
آنکه عاشقت می شود گرفتار هزار بلا می گردد
عقل از سرش می رود و فراموشش می شود
با صدای آوازت جان بیهوش می شود
الهی که قربان صدای ظریفت شوم ، زینب
*
گونه ات همچون لاله و قدت همچون سرو بلند
دهانت شکر و لب و زبانت عسل
گوئی که آهوی خرامان خسته ای
برازنده ایلمان شده ای ، زینب
*
توئی پادشاه و خان واقف
عقل و هوش و دین و ایمان واقف
از حسرتت آمد به جان واقف
چه می شود اگر به اینجا بیایی ، زینب
*

گله یدی - واقف

چوخدان بری یارین فراقیندایام
نه اولایدی بیر بورایا گله یدی
چکه یدی کؤنلومو کونجی ظولمتدن
دؤنده ره یدی اوزون ایا گله یدی
*
گؤرمه یه – گؤرمه یه گولعذاریمی
بلبل تک آرتیردیم آهو زاریمی
طبیبیم اولوبن بو آزاریمی
یئتیره یدی بیر داوایه گله یدی
*
گئدیبن کویوندا قیللام شیونی
ییغارام باشیما دوستو دوشمنی
او ها بیللم گلمه ز گؤرمه یه منی
باری ، گئندن تاماشایا گله یدی
*
اونومدان تیتره دی تامام ولایت
ائله ساندیلار کی ، قوپوپ قیامت
نه قالیم دوروبدور او سرو قامت
ته رپه نه یدی بیر لرزه یه گله یدی
*
جمع اولسا یانیمدا تامام صنم لر
داغیلماز کؤنلومدن فیکر و علم لر
آیاغا سالیبدیر واقفی غم لر
باش چکه ردی بینوایه گله یدی
*
کاش می آمد
خیلی وقت است که در فراق یار نالانم
ای کاش اینجا می آمد
دلم را از تاریکی بدر می آورد
کاش رو به سوی ماه می کرد و می آمد
*
با ندیدن آن یار گلعذارم
همانند بلبل در آه و زارم
کاش طبیبم می شد و بر این دردم
همچون دارویی به درمانم می آمد
*
از وقتی که رفته بر سر کویش شیون می کنم
دوست و دشمن را دورم جمع می کنم
می دانم که به دیدارم نمی آید
لااقل از دور به تماشایم می آمد
*
از غمم تمام ولایت به خود لرزید
گویا ، قیامت به پا شد
چرا زنده بمانم که آن سروقامیت
کاش تکانی می خورد و به لرزه می آمد
*
اگر تمام زیبارویان دورم جمع شوند
غم و رنج از دلم دور نمیشود
غمها واقف را از پا انداخته
ای کاش به این بینوا سری می زد و می آمد
*

ائیله دی - واقف

بدنینی گول یارادان ایلاهی
سراسر عطرینی عنبر ائیله دی
گؤزللیکده کیم دیر سنه تای اولا
حسنون ملک لری چکر ائیله دی
*
صورتینی چکدی او گون کی نقاش
جمالینی قیلدی هر گؤزل دن باش
جبینینه قویدو بیر موغواص قاش
سیاه کیپریینی خنجر ائیله دی
*
زولفونو به نزه تدی مشکین کمنده
اوزون حلقه قویدو سیب زغنده
لبینین لذتین به نزه تدی قنده
دهانینی شهد و شکر ائیله دی
سنی خلق ائیله دی گول دسته سی تک
پری دن اعلاسان ، ملک ده گؤیچک
جیسمیندیر منور آغ و نازکرک
اول سمن سینه نی مرمر ائیله دی
*
ای گؤزل لر شاهی کرم ائت منه
باخماگیلان هرگز اغیاردان یانا
شوکور اولسون آللاها وقف سانا
قاپیندا غلامی کمتر ائیله دی
*
آفرید
خدائیکه بدن تو را همانند گل آفرید
تمام عطرت را عنبر آفرید
چه کسی در زیبائی همتای توست
زیبائیت را بالاتر از ملک ها آفرید
*
روزی که نقاش صورتت را رسم کرد
جمالت را از هر زیبائی زیباتر رسم کرد
بر پیشانی ات ابروئی کمان کشید
مژگان سیاهت را همچون خنجر آفرید
*
زلفت را شبیه کمند مشکین آفرید
چین چین موهایت را همچون سیب زغند آفرید
طعم لبانت را شبیه قند کرد
دهانت را شهد و شکر آفرید
*
تو را همچون دسته گل آ فرید
اعلاتر از پری ، زیباتر از ملک هستی تو
جسمت منور و سفید و لطیف
آن سینه صنمت را مرمر آفرید
*
ای شاه زیبایان کرم کن به من
به اغیار هرگز نگاه نکن
شکر خدا که واقف را
بر در خانه ات غلامی حقیر آفرید
*

گلمدی - واقف

باد صبا ، بیر خبر وئر کؤنلومه
او گول خندانیم نئیچون گلمه دی
خیالیم شهرینی قویدو ویرانا
سروریم ، سلطانیم نئیچون گلمه دی؟
*
سرخوش یئریشینه قربان اولدوغوم
گؤرمه یه نده دلی – دئوران اولدوغوم
مینا گردنینه حیران اولدوغوم
سرو – خرامانیم نئیچون گلمه دی؟
*
قاشی کمان کپیریکلری قه مه ریم
آغزی شکر ، دوداقلاری یمنیم
الوان کلاقایلی ، یبیاض ممه لیم
سینه سی مئیدانیم نئیچون گلمه دی؟
*
محراب و منبریم ، کعبه علیام
عقلیم ، هوشوم ، جانیم ، هم دین و دونیام
ائلیم ، گونوم ، اوبام ، میصرو زولیخام
یوسفکنعانیم نئیچون گلمه دی؟
*
نسرین بناگوشلوم ، بنفشه مویلوم
بلور لطافت لیم ، صنوبر بویلوم
قاریچقای جیلوه لیم ، طاووس به زکلیم
لیباسی الوانیم نئیچون گلمه دی؟
*
واقف ایله دؤندو بیر ساعاتیمیز
نه صبریمیز قالدی نه طاقتیمیز
بو گوندن بئله دیر قیامتیمیز
گلمدی جانانیم نئیچون گلمه دی؟
*