ملا نصرالدینین یورغانی - میرزاعلی اکبر صابر

گئجه یاتماق زامانی چاتمیشیدی
ملانصرالدین ائوده یاتمیشیدی
ناگهان کوچه ده اوجالدی صدا
وور - هارای دوشدو ، قوپدو بیر غوغا
ملا چیینینده یورغانی در حال
کوچه یه چیخدی مضطرب احوال
گؤردو بیر یاندا بیر آغیر دسته
سانکی مینمیش آداملار اوست اوسته
ایسته دی دسته یه طرف گئتسین
بو ییغینجاق ندیر سوال ائتسین
اشبو اثناده بیر نفر طرار
یورغانی قاپدو ناگه ائتدی فرار
ملا بو قصه ده ن پریشان حال
ائوینه دؤنجه ک ، عورت ائتدی سوال
دئ گؤروم کوچه ده نه وار آ کیشی ؟
بو نه دعوا دور آنلاد بو ایشی ؟
دئدی یورغان ایچون ایمیش بو تلاش
یورغانی قاپدیلار کسیلدی ساواش