Samstag, Oktober 12, 2013

بیر گیلیئلیق - هوشنگ جعفری زنگانلی

کاش وئره آللاه بیرآز انصاف سیزه
بیر بئله بهدان کی دیئرسیز بیزه
گرکیشی سیز بیر دانیشاق اوزاوزه
بیر بئله بیهوده وئجیرلش مئیین
جعفری شاعیردی اونا یئش مئیین
*
نعشه چئکیب باشلای سیز غیببتی
دوستلوق اراسیندیری سیزحورمتی
باشدان آتیرسیز شرفی. غیرتی
درره نی خلوت گوروب هرله ش مئیین
جعفری شاعیردی اونا یئش میئی
*
گر حاجیلار شعرینه سالسازنظر
باشیمین اوستونده گزیردی خطر
قاچد یم اوچ ایئل مککیه ایتدیم سفر
حق دانیشین غیبته اورگش میین
جعفری شاعیردی اونا یش مئیین
*
سیز نه یازیب سیزبو یازیق میللته
هارداسالیب سیزاوزوزو ذ یللته
تا چاتاسیز. جعفری تک شهرته
مانقال هاواسیندا نقیل لشمئیین
جعفری شاعیردی اونا یش مئیین
*
باخساز ادارمده کی پروند مه
چولغالانارسیز.کدره ماتمه
اوندا گؤررسیزنه لر اولموش منه
اگری باخیب اگری فیکیرلش مئیین
جعفری شاعیردی اونا یش مئیین
*
وار کیشی لیکده هله منده اثر
حق دانیشان شاعیره نئیلرخطر
بو هله بیر خیرداسی دیر مختصر
وئللو انیکلر کیمی بیرلش مئیین
جعفری شاعیردی اونا یش مئیین
*
درسینی مولاسی حسیندن آلیب
گؤرموسوز عالمده نه غوغا سالیب
ظالیمی هریئرده گؤروبدور چالیب
سیزده چکین خیر پئزی ترپش مئیین
جعفری شاعیردی اونا یش مئیین
*
میللته خاطر دوئوشه گیرمیشم
میللتینن آغلامیشام گولموشم
من اؤزومو میللتینن بیلمیشم
شاعیره حورمت قویون اللش مئیین
جعفری شاعیردی اونا یش مئیین
*
کند لیم آلله گئتیریب عرصیه
میللته شاعئرتوره دیب بسلییه
حق دانیشا. حق دیه حق سسلیه
عارسیز آداملارکیمی پرت لش مئیین
جعفری شاعیردی اونا یش مئیین
*
من دارآغاجیندان آسیلمیش باشام
ظالیمه قارشی آتیلان بیر داشام
مظلوما هریئرده اولام قارداشام
سیزده یازیق سیز چوخ عجیزلش مئیین
جعفری شاعیردی اونا یش مئیین

Keine Kommentare: