Sonntag, Oktober 06, 2013

قان ائله رم - وحید شکرزاده

گر بیری چپ باخسا سنه دونیاسینی قان اِلرم 
اُولدوره رم مـــن اُو ایتی جانینی بی جان اِلرم 
هــــر هارا قاچسا تاپارام بوینونی دیبدن قیرارام 
گؤزلــــــــــرینه اُود سالارام یوردونی ویران اِلرم 
قوربانینام ای مارالیم دردین اگـــــــــر داغجا اُولا 
داغلاری یئــــــردن گوتوروب دردیوه درمان اِلرم 
گَل گؤزلیم سن یانیما کی سن اگر اُولمویاسان 
هـــــــر گئجه گوندوز اُوتوروب ناله و افغان اِلرم 
آند ایچیرم آللاهیما سُون قانیمین دامجیسی جا 
من سنین عشقینده یانیب عالمی حیران اِلرم 
سندن اُولان سئوگی ده من بویله یئکتدیم آدیمی 
ایندی بو دِینین عوضی جان سنه قوربان اِلرم
*

Keine Kommentare: