بیر گون گؤزلیم قبریمین اوستن اؤتوشرسن
دردیندن اؤلن عاشیقینی باشه دوشرسن
ائتمز ملک اولسا بو قدر ناز و کیریشمه
اینصافه یاخینلاش گؤزلیم سن ده بشر سن
نازیله گلرکن قدمین قوی گؤزوم اوسته
قویما قورو یئر اوستونه بیرده سوروشرسن
بیگانه ایله گزمه دئدیم قلبینه دیدی
جانان نه بیلیم سن بو قدر دیمه دوشرسن
بیر سالمادین اؤز عاشیقینی یادینا ظالیم
اغیاریله اما گئدیب هر گون اؤپوشرسن
ال چک منه ای دل دئمه زولفوندن او ماهین
بیر گون بو کمنده سن اؤزونده ایلیشرسن
رحم ائیله مه دین واحده ظالیم دیریلیکده
اؤلدوکده مزاریمله گئدرسن گؤروشرسن
*
Keine Kommentare:
Kommentar veröffentlichen