بیر دلبریم اولسا
اؤلمزدیم اگر سن کیمی بیر دلبریم اولسا
بیر آفت جان ، شوخ ملک منظریم اولسا
هر گون دولانیب باشینا ، قوربانین اولاردیم
پروانه صفت ، اوچماغا ، بال و پریم اولسا
منده سئویلردیم ، بوتون عاشقلر ایچینده
آهولرین مجنون ائلیه ن گؤزلریم اولسا
شوقیله نثار ائیله رم ، هر بیر قدمینده
دریا قدری الده ، دور و گوهریم اولسا
کویوندا منه قوی نه بیلیر ائیله سین اغیار
البته جزاسین چکر ، آللاه کریم اولسا
بیگانیه من بیر بئله منت می ائده ردیم؟
کؤنلوم کیمی بیر یار وفا پروریم اولسا
واحد دئمه رم دردیمی من باشقا نیگارا
یاریم بیلیر عشقینده نه دردی سریم اولسا
*
Keine Kommentare:
Kommentar veröffentlichen