گؤزلر - خسته قاسم

ظالیم اووچو گزیر اوو بره سینده
اوخ کامانی الده مارالی گؤزلر
سنده بو گؤزللیک عالمی یاخار
اووسونسوز گمیندن مار ، آلی گؤزلر
*
سینه ن مسکن نه یاراشیر بو داغا
کامیل باغبان نئجه گلدی بو باغا
مجنون دئدی لیلی گلر بولاغا
انتظار چکمکدن وارالی گؤزلر
*
من قاسیمام تیکمه داش دیر مکانیم
یارادانا گلیر تکجه گومانیم
نازلی یارا قوربان منیم بو جانیم
یولونا باخماقدان سارالی گؤزلر