غریبلیکده غمخواریمسان عزیزیم
یئتیریبسن بیره دوستا نامه نی
ایکی دیللی یاردان حذر ائیلره
سالیر دیلدن - دیله داستانا منی
*
آغزینی اوخشاتدیم زنبورا شانا
ناشی بولبول اوچوب قونار گولشانا
آت اوخلارین سینه م قویدون نیشانا
سن نییه وورمورسان قصدن آ منی
*
من قاسیمام اوزاق آتدیم داشیمی
دیده مدن آتیم قانلی گؤز یاشیمی
دوست یولوندا من قویارام باشیمی
دوغرو قبول ائتسه آستانا منی
Keine Kommentare:
Kommentar veröffentlichen