گوزه ليم گؤزلرين عشق اهليني گیريان ايستر
گونده يوزمن کيمي بيچاره نی قربان ايستر
نه اولار چوخدا گؤزل سن اؤزون انصاف ائيله
هانسی گول عاشقينی سن کيمی نالان ايستر
منده باخسام او لب لعلينه قان اولماز کی
بولبولون عادتيدير غنچه ی خندان ايستر
بيلمه ميشلر دهنين سیررين هله اينديه جن
کشف قيلماق بو معمانی چوخ ایمکان ايستر
او قارا زولفونون آز چکمه ميشم حسرتينی
مبتلا کؤنلومی هر لحظه پريشان ايستر
واحدی جاذبه عشقين ائديب مجنون تک
يوخسا ديوانه ليگی هانسی بير اینسان ايستر؟
Keine Kommentare:
Kommentar veröffentlichen