Mittwoch, Oktober 03, 2012

نظر اولموز - وحید شکرزاده


هیجران گئجه سی چوخ اوزانیب هئچ سحر اُولمور

بختیم ائله یاتمیش کی دوروب بخته ور اُولمور

ایشدیردی منه دونیا ائله بــــــــــــــیر آجی شربت

عالم ده کـــــی بالدا بو دیلیم ده شکر اُولمور

سئودیم کی چَکَم گول اوزووی بــــــیر دفعه شعره

قالدیم کی نیه بو ایشه هئچ بیر هونر اُولمور


اُؤلدوم یاریــــــــــــــــمین آیریلیقین دان آمان آللاه

یانمیش گوزلیم دن ده مــــــنه بیر خبر اُولمور

کافر ده سوزومنن بـــــــوشالیب رحمه گلیب دی

ظالیم نه دن آخــــــــر بو ئورگ ده اثر اُولمور

حیران دی بـــــــوگون مجنونا عالم ده کی قیزلار

بیلمم کـــــــــی نیه لیلا دان آخر نظر اُولمور

Keine Kommentare: