سنی مبتلا اولان آختاریر، نه دئییم دوا دئمهييم سنه
سنی باغرینا دالان آختاریر، نه دن آشنا دئمهییم سنه
نفس آختاریر سنی دمبهدم، بو چالیشمادا باش اولور قدم
دئمهسن یولو نه سایاق گئدهم، دئمه بیوفا دئمهییم سنه
دئدیلر بلیٰ دئمیشم ازل، اونودارکن اولدی یازیم خزل
نه ائدیم هارایلا غزل-غزل، ینی دن بلیٰ دئمهییم سنه
سنه یول تاپان چکیلیر دارا، یئتیشیر یولوم او بوروقلارا
قاریشیر جانیم دورولوقلارا، نه سایاق صفا دئمهییم سنه
اؤزومو زمانلارا حاخلاديم. اورک اؤلکه سین سنه ساخلادیم
سحری، گونشله آداخلاديم، نیه مدّعیٰ دئمهییم سنه
Keine Kommentare:
Kommentar veröffentlichen