گل دئییر

شاعر: باباوزیر اوغلو

سن سیز گلن یاز دئییل
قلبیم سنی گؤزله ییر
اؤلدورمک دیر قصدین منی
بو ظولومدور ناز دئییل
من الیندن نه لر چکدیم
داها بسدیر آز دئییل
سن سیز آچان گول دئییل
اؤتن عؤمور گون دئییل
حسرتیندن عمان اولان
گؤز یاشیمدیر سئل دئییل
باخیشلارین سئودیم سئودیم
دیلین ییخیل اؤل دئییر
هردن اوزاق گئن گزیرم
کوسورم باریشیرام
بیردن ائله آه چکیرسن
من اونسوز آلیشیرام
گؤزون قاشین گل دئییر
گل باریشاق گل دئییر
باخیشلارین سئودیم سئودیم
دیلین ییخیل اؤل دئییر
*