شاه گولو
شاه گؤلونده چیخیب گول - چیچک دیزه
مینا گولو قاش - گؤز آتیر نرگیزه
یئل اله ر باشیزا گول ریزه – ریزه
یوزلر قوزو – قربان کسه ریک سیزه
عزیز دوسلار دورون گلین تبریزه
*
تبریزین قیش دادا یاز هاواسی وار
دانیشیقلاریندا ساز هاواسی وار
بیلمیرسیز نه گؤزل ناز هاواسی وار
گؤزل لیک ده تبریز ائیلر معجزه
سیز گؤزل لر گلین گؤزل تبریزه
*
تبریز آچیب گؤزل لره قوجاغین
گول ایله بزه ییب دؤرد بیر بوجاغین
شفق یاندیراندا آخشام اوجاغین
گتیررلر یوزلر گلین تبریزه
سیز عزیزلر گلین گؤزل تبریزه
*
Keine Kommentare:
Kommentar veröffentlichen