باجارمالیسان

شاعر: زلیم خان یعقوب
صونا تک بویلانیب، گؤزل تک باخیب
گلین تک گزمه یی باجارمالایسان
اوچوب الیمیزدن گئدن ایللری
نظاما دوزمه یی باجارمالیسان
*
دوز دره یه دؤنسه، دره دوز اولسا
جوشان دالغالارین سایی یوز اولسا
آیریلیق ساحیل سیز بیر دئنیز اولسا
قول آتیب اوزمه یی باجارمالیسان
*
قوی زایا گئتمه سین چکدیین امک
دوستوم مین اولسادا، سن ده دیر کمک
نه لازیم هر سؤزو دیل آچیب دئمک
باخیشدان سزمه یی باجارمالیسان
*
چوخدو زلیم خانین دوغماسی یادی
چالیش ائل ایچینده ائنمه سین آدی
اونسوز دا وصالین شیرین دیر دادی
حسرته دؤزمه یی باجارمالیسان
*