ائله داریخمیشام - شاییق صادیق زاده

ائله داریخمیشام اوشاقلار کیمی
گوتلری بارماقلا سایاجاق قدر
ائله داریخمیشام آیاق سسیندن
اونون گلدیینی دویاجاق قدر
*
بو سئوگی قلبیمدن چتین داشینا
گؤر نه لر هله آچاجاق باشیما
بیر معجزه اولا چیخا قارشیما
ساریلام بوینونا دویاجاق قدر
*
چوخ یورما اؤزونو، ها یاز ها اوخو
اؤز باشی چکمه سه آنلاماز چوخو
بیر یوخو ایسته رم ابدی یوخو
اؤلوب قوللاریندا اویاجاق قدر
*
سانمایین بو سئوگی چیلغین هوس دی
«شاییقه» یاد دئییل، ان دوغما کس دی
الهی او سمت دن بیر کولک اسدی
او قیزین عطرینی یایاجاق قدر